radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ
 ބަހަކާއި ގުޅުވައިގެން ބުނުމުގައެވެ
މިސާލު: )ހ( ނުބަލާ! )ށ( ނުދޭ! )ނ( ނުކާނަން
(2) ނުދަންނަ އެއްޗެއް
ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ހަށަންބަނުން
މ (1) ޙަރަމް ބަނުން (2) ވައަތް ބަނޑުގައި ޖައްސައި އެއަތުގެ ކުޑަހުޅުގައި ކަނާއަތުން ހިފެހެއްޓުން (3) ކަނާއަތްތިލަ ވައަތު ކިހިލިފަތްދޮށަށް ލުމާއިއެކު ވައަތްތިލަ ކަނާތު ކިހިލިފަތްދޮށަށް ލުން (4) މެއާ ހަމައިގައި ދެއަތުން ގޮށެއްގެ ސިފަ ޖެއްސުން އަދި މިނޫން ގޮތްގޮތަށްވެސް މިހަރަކާތް ގެނެއެވެ އަދި މިޙަރަކާތްތައް އަދަބުވެރިގޮތުން ނޫނަސް ގެނެވެ އެވެ
ހަށަންފުޅުބެންނެވުން
މ " ހަށަންބަނުން" މިބަހުގެ އެންމެމާތްގޮތް
ހަށަމަށްއަތްއެރުވުން
މ މަރަށް ޙާޒިރުވެފައިވާ މީހާގެ ނުވަތަ މައްޔިތާގެ މޭކަށިގަނޑުގެ ތިރީގައި ވައަތްމަތީގައި ކަނާއަތް ބޭއްވުން
ހަށިހުއްދަ
ނއ (1) ބަލިވެއިންކަމުގައި ނުވާ (2) އަނެކާގެ ޢިއްދައެއްގައި އިންކަމުގައި ނުވާ
ހަށިހުއްދަވުން
މ (1) ބަލިވެއިންކަމުގައި ނުވުން (2) އަނެކާގެ އިއްދައިގައި އިންކަމުގައި ނުވުން
ހަށިފޮޅައިލުން
މ (1) ދޫނިސޫފާސޫފީގެ ގައިގައި ހުންނަފެން ނުވަތަ ހިރަފުސް ފޮޅައިލުމަށް އެސޮރުމެންގެ ހަށިގަނޑަށް ހަރަކާތްގެނައުން (2) ތިމާގެ ގައިގައި މީހަކު ނުވަތަ ދިރޭއެއްޗެއް ބައްދައިފައި އޮތް ބެއްދުމެއް ނައްޓައިލުމަށް ޙަރަކާތްކުރުން (3) މަޖާޒު: ކުރިމަތިވެފައިވާ ދަތިތަކަކުން ސަލާމަތްވެގަތުން
ހަށިގަނޑު
ނ (1) އިންސާނުންނާއި ޙަޢިވާނުންގެ ބޮލާއި ހަތަރެސްފައި ނޫންހައިތަން (2) މުޅިއިންސާނާ ނުވަތަ މުޅި ޙައިވާނާ
ހަނދާނީލިޔުން
ނ ކަމެއްގެ ހަނދާނެއްގެ ގޮތުން ދޭ ސަނަދު ނުވަތަ ސެޓުފިކެޓް ފަދަ ލިޔުން
ހަނދާން
ނ (1) ވެދިޔަކަމެއް ނުވަތަ ދަސްކުރި އެއްޗެއް ހިތުގައި ހަރުލާ ހުރުމުގެ ބާރު (2) ކަމެއް ނުވަތަ އެއްޗެއް ހިތަށްގެނައުމުގެ ބާރު
ހަނދާން ބެހެއްޓުން
މ އެއްޗެއް ހިތުންފިލައި ދިޔަނުދިނުން
ހަނދާންކުރުން
މ (1) ވިސްނައި ފިކުރަށް ގެނައުން (2) އަލުން ހިތްމައްޗަށް ގެނައުން (3) ވިސްނުމަށް ގެނައުން (4) ހިތުގައި ބެހެއްޓުން
ހަނދާންވުން
މ (1) ވިސްނައި ފިކުރަށް އައުން (2) އަލުން ހިތްމައްޗަށް އައުން (3) ވިސްނުމަށް އައުން
ހަނދު
ނ (1) ބިމުގެ ވަށައިގެން ދައުރުކުރާ ތަރިއެއް މިއީ އިރުން އެއަށް އަލިކަން ލިބިގެން ރޭގަނޑު ބިމަށް އަލިކުރާ ތަރިއެކެވެ (2) ތަރިއެއްގެ ވަށައިގެން ދައުރުކުރާ ފިޔަޖަހާ ތަރިއަކުން އަލިކަން ލިބިގެން އެތަބާވާ ތަރިއަކަށް އަލިފޮނުވައިދޭ ތަރިއެއް
ހަނދުބަޑި
ނ (1) އީދުރޯދައަށް ހަނދު ފެނުނީމާ ޖަހާ ބަޑި. (2) އިހުގައި ރަޖަބު ރަމަޟާން ޝައްވާލު މިތިންމަހުގެ ފުރަތަމަރޭ ޖަހައި އުޅުނު ރަސްމީބަޑި (3) މެދުވަރުގެ ހަރުމަތީބަޑި
ހަނދުވަރަސުރާ
ނ )ސ ( ހަނދުވަރު މޫސުމުގައި ބޮޑެތިކަން ނެލި ބޭނުމަށްކުރާ މަސްވެރިކަން
ހަނދުވަރީމާ
ނ ކަށިގިނަގަހެއްގައި އަޅާ ކުދިކުދި މާތަކެއް. މިމަލުގައި ވައިލެޓް ކުލަޔާ ހުދުކުލަހުރެއެވެ. ފަތްވައްތަރުވާނީ ކުދި ހީނާފަތާއެވެ. މިގަހުގައި ނުކުންނައޮށް ވައްތަރުވާނީ ދޮންމޫސަގަހުގެ އޮށާއެވެ ނަމަވެސް މީގެ ކުލައަކީ ރީނދޫ ކުލައެވެ
ހަނދުވަރު ކަކުނި
ނ ހަނދުވަރު ރީތި ރޭރެއަށް ގޮނޑުދޮށަށް ނުކުމެއުޅޭ ކަކުނިގަނޑު
ހަނދުވަރުކުރަފި
ނ މަޖާޒު: ހަނދުވަރު ރީތި ރޭރޭ ސަކަޖަހާން މަގުމަތީގައި ނުކުމެ އުޅޭ ޒުވާނުން
ހަނދުވަރުގޮޅާ
ނ ގޮޅާގެ ބާވަތެއް ގިނައިން މިނުކުމެ އުޅެނީ ހަނދުވަރުދޭ ރޭރެއަށެވެ
ހަނގު
ނ އިހުގައި ރަނދުން ދެއްވާ އުޅުއްވި އޮޅިމެދުކަމުގެ ދަރަޖައެއް މިބޭކަލުން ތިއްބަވަނީ ދިވެހިރާއްޖޭގެ ރަސްގެފާނުގެ ލަޝްކަރުގެތެރޭގައެވެ