radheef.info
ރަދީފު


ނަ
އކ (1) ނަފީކުރަން ބޭނުންކުރާ އަކުރެއް
މިއަކުރު އާއްމުކޮށް އަންނާނީ ބަހުގެ ކުރިޔަށެވެ
މިސާލު ނަހަމަ
(2) ނޫން
ނަ
އކ (1) ނަފީކުރަން ބޭނުންކުރާ އަކުރެއް މިއަކުރު އާއްމުކޮށް އަންނާނީ ބަހުގެ ކުރިޔަށެވެ މިސާލު ނަހަމަ (2) ނޫން
ހ
އ ތާނައިގެ ފުރަތަމަ އަކުރު
ހަށަނަރަ
ނ (1) ތާނައިގެ އަލިފުބާ (2) ތާނައިގެ އަކުރުތަކަށް އެއްކޮށް ކިޔާ ނަން
ހަށަން
ނ (1) ޙަރަމް (2) ހަށަން ބަނދެފައި ހުންނަ ވައްތަރު (3) މައްކާގެ ގަސްގަހާގެހި ކެނޑުމާއި ޝިކާރަކުރުން މަނާ ހިސާބު (4) ގެފުޅާއި ޒިޔާރާތްފުޅާއި މަސްޖިދުލްއަޤްޞާގެ ވަށައިގެން އޮންނަ ހަރިންމަ
ހަށަންބަނުން
މ (1) ޙަރަމް ބަނުން (2) ވައަތް ބަނޑުގައި ޖައްސައި އެއަތުގެ ކުޑަހުޅުގައި ކަނާއަތުން ހިފެހެއްޓުން (3) ކަނާއަތްތިލަ ވައަތު ކިހިލިފަތްދޮށަށް ލުމާއިއެކު ވައަތްތިލަ ކަނާތު ކިހިލިފަތްދޮށަށް ލުން (4) މެއާ ހަމައިގައި ދެއަތުން ގޮށެއްގެ ސިފަ ޖެއްސުން އަދި މިނޫން ގޮތްގޮތަށްވެސް މިހަރަކާތް ގެނެއެވެ އަދި މިޙަރަކާތްތައް އަދަބުވެރިގޮތުން ނޫނަސް ގެނެވެ އެވެ
ހަށަންބަންތަކުބީރު
ނ (1) ނަމާދަށް ހަށަންބަންނަމުން ކިޔާ ﷲ އަކްބަރު (2) ނަމާދުގެ ދެވަނަ ރުކުން
ހަށަބަސް
ނ ހަށަނަރަބަޅައިގެ ތަރުތީބުން ޖެހިޖެހިގެން އޮންނަ ދެއަކުރު އެއްއަކުރު އަނެއްއަކުރާ ބަދަލުކޮށްގެން ވާހަކަދައްކާ ބަސް މިސާލު: )ހ( ތުއްތުދީދި )ލުއްލުފީފި( )ށ( މޫސާފުޅު )ވޫޑާދުބު( )ނ( ހުސައިން ދީދީ )ށުޑެންފީފި(
ހަށަވާދަ
ނ (1) ލަދުގަންނަ ޒާތުގެ ޒުވާބު (2) ހިތާވާ މީހުނާ ސަމާސާ ގޮތުން ދައްކާ ލަދުގަންނަ ޒާތުގެ ވާހަކަ (3) ދެމީހަކު އެކަކު އަނެކަކަށްވުރެ ތިމާ މޮޅުކަމަށް ބުނެ ކުރާ ޒުވާބާއި ވާ އަރާރުން (4) )ސ ( ވައްބަހުން ދައްކާ ވާހަކަ
ހަށަވާދަކިޔުން
މ (1) ލަދުގަންނަޒާތުގެ ޒުވާބުކުރުން (2) ހިތާވާ މީހުނާ ސަމާސާ ގޮތުން ލަދުގަންނަ ޒާތުގެ ވާހަކަ ދެއްކުން (3) ދެމީހަކު އެކަކު އަނެކަކަށްވުރެ ތިމާ މޮޅު ކަމަށްބުނެ ވާހަކަދައްކައި ޒުވާބުކޮށް އަރާރުންވުން (4) )ސ ( ވައްބަހުން ވާހަކަ ދެއްކުން
ހަށަވާލި
ނ ވާލި އާއިލާގެ ފަރުމަހެއް މިމަސް އެހެނިހެން ވާއްޔަށްވުރެ ދިގުވާނެއެވެ މިވާލީގެ ބުރަކަށި މަތީ އެއްވަރަކަށް ހުންނަ ކަށިތަކެއް ހުންނާނެއެވެ މަހުގެ ކުލައަކީ ރިހިއަޅި ކުލައެވެ މަހުގެ އަރިމަތީގައި ދެބަރިއަކަށް ހުންނަ ކަޅު ލައްތަކެއް ހުރެއެވެ
ހަށިފޮޅައިލުން
މ (1) ދޫނިސޫފާސޫފީގެ ގައިގައި ހުންނަފެން ނުވަތަ ހިރަފުސް ފޮޅައިލުމަށް އެސޮރުމެންގެ ހަށިގަނޑަށް ހަރަކާތްގެނައުން (2) ތިމާގެ ގައިގައި މީހަކު ނުވަތަ ދިރޭއެއްޗެއް ބައްދައިފައި އޮތް ބެއްދުމެއް ނައްޓައިލުމަށް ޙަރަކާތްކުރުން (3) މަޖާޒު: ކުރިމަތިވެފައިވާ ދަތިތަކަކުން ސަލާމަތްވެގަތުން
ހަނދާނީލިޔުން
ނ ކަމެއްގެ ހަނދާނެއްގެ ގޮތުން ދޭ ސަނަދު ނުވަތަ ސެޓުފިކެޓް ފަދަ ލިޔުން
ހަނދާން
ނ (1) ވެދިޔަކަމެއް ނުވަތަ ދަސްކުރި އެއްޗެއް ހިތުގައި ހަރުލާ ހުރުމުގެ ބާރު (2) ކަމެއް ނުވަތަ އެއްޗެއް ހިތަށްގެނައުމުގެ ބާރު
ހަނދާންނެތުން
މ (1) ހިތަށް ނައުން (2) ހިތުން ފިލައިދިއުން
ހަނދާންކުރުން
މ (1) ވިސްނައި ފިކުރަށް ގެނައުން (2) އަލުން ހިތްމައްޗަށް ގެނައުން (3) ވިސްނުމަށް ގެނައުން (4) ހިތުގައި ބެހެއްޓުން
ހަނދާންވުން
މ (1) ވިސްނައި ފިކުރަށް އައުން (2) އަލުން ހިތްމައްޗަށް އައުން (3) ވިސްނުމަށް އައުން
ހަނދިވާލި
ނ ވާލީގެ ބާވަތެއް މީގެނަގޫފަތް ދިގުވާނެއެވެ
ހަނދުބަލާމަސް
ނ ހިނގާމަހުގެ ކުރިޔަށް އޮންނަ ހަނދުމަސް
ހަނދުވަންހަ
ނ އުތުރު އިންޑިޔާގައި ރަސްކަންކުރި ޢާއިލާއެއްގެ ނަން ރާއްޖެއިސްލާންވީ އިރު ރާއްޖޭގެ ތަޚުތުގައި އިންނެވީ މިދަރިކޮޅުގެ ބޭފުޅެކެވެ ދިވެހީން މިދަރިކޮޅަށް "ތީމުގޭ ދަރިކޮޅު" އަދި "މަލެއި" ދަރިކޮޅު މިހެންވެސް ކިޔައެވެ
ހަނދުވަރީމާ
ނ ކަށިގިނަގަހެއްގައި އަޅާ ކުދިކުދި މާތަކެއް. މިމަލުގައި ވައިލެޓް ކުލަޔާ ހުދުކުލަހުރެއެވެ. ފަތްވައްތަރުވާނީ ކުދި ހީނާފަތާއެވެ. މިގަހުގައި ނުކުންނައޮށް ވައްތަރުވާނީ ދޮންމޫސަގަހުގެ އޮށާއެވެ ނަމަވެސް މީގެ ކުލައަކީ ރީނދޫ ކުލައެވެ
ހަނދުވަރީގަސް
ނ (1) ހުނިގޮނޑި ފިލާގަހުގެ ފަތްހުންނަގޮތަށް ފަތް ހުންނަގަހެއް މިގަސް ހެދެނީ ހީނާގަސް ހެދޭގޮތަށެވެ (2) ހަނދުވަރީމާ އަޅާގަސް