radheef.info
ރަދީފު


ކަނބަލުން
ނ މާތް އަންހެނުން
ކަނބަލުން
ނ މާތް އަންހެނުން
ހަބަރުބޭ
ނ އިހުގައި އުޅުނު މީހެއްގެ ވަނަން މީނާއަކީ މަތިންބައިން އަންހެނުންނާ ހިތާވެގެން އެކަނބަލުންނާ އަޅައިގަނެ ފާރަލާ އުޅުނު މީހެކެވެ
ހެނެވިރަސަ
ނ )ބދ ( (1) ހެނެވި ރަސްގެ (2) ރަސްކިލަގެ (3) ބަދަލުގައި ރަސްކަން ހިންގާ ވަޒީރު (4) ރަނިކަނބަލުންގެ ފިރިކަލުންނަށް ދެވޭ މަޤާމެއް
ރަނި
ނ (1) ރަސްގެފާނުންގެ އަނބިކަނބަލަކަށް އޮންނަ ދަރަޖަ (2) ރަސްލަކެއްގެ އަނބިކަނބަލުން (3) ރަސްކަލެއްގެ އަނބިކަނބަލެއްގެ ދަރަޖަ ލިބިގެންވާ (4) ރަސްގެފާނުންގެ އަނބިކަނބަލަކަށް އޮންނަ ދަރަޖަ ލިބިގެންވާ (5) ތަ ޚުތުގައި އިންނަވާ އަންހެން ސާހިބާ
ރަނިބޭކަނބަލުން
ނ (1) ރަސްކަލުންގެ އަނބިކަނބަލުން (2) ރަނިކަމުގެ ދަރަޖަ ލިބިގެންވާ ބޭކަނބަލުން
ރަންޏަކު ދަރިއެއް ބޮޑެއް ނުކުރާނެއެވެ.
(މިސާލުބަހެއް) ރަނިބޭކަނބަލުންނަކީ ކުދިން ބެލުމުގެ ބަރުއުފުލާ ބަޔަކު ނޫނެވެ. ތިމާ ނުކުރިޔަސް ކުށްވެރިނުވާ ކަހަލަ ތިމާކުރާންވާ ބައެއް ކަންތައް އެހެން މީހުންނާ ޖައްސާ ބައެއް މީހުންނާ މެދުގައި ބުނެއުޅޭ ބަހެއް.
ރަސްރަނި
ނ (1) ރަސްރަސްކަލުންނާއި ރަނިކަނބަލުންނަށް ކުރުކޮށް ކިޔާގޮތް (2) މަޖާޒު: ރީތި އަންހެނުން
ރާނީ
ނ ރަސްކަނބަލުން ނުވަތަ ރަސްކަލުންގެ އަނބިކަނބަލުން
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބުރަކިރަނިން
ނ ފަސްވަނަ ޢަލީ ރަސްގެފާނު. )ދޮންބުޅާފާށަނާ( ގެދައިތާފުޅު ކަޅު މުޙައްމަދު ރަސްގެފާނުގެ ފުރަތަމަ އަނބިކަނބަލުން މިބޭފުޅަކީ ކަޅު ބުރުސޫރަ ރިވެތި ލޯފުޅު ބޮޑު ބޭފުޅެކެވެ ބުރަކިރަނިން ކިއުނީ ލޯފުޅު ބޮޑުކަމުގެ މައްޗަށް ބުރެކީގެ ލޮލަށް ނިސްބަތްކޮށްގެންނެވެ
ބޭބޭކަނބަލުން
ނ އަދަދު ބަޔާންކުރުމަކާ ނުލައި ބޭކަނބަލުން ގިނަކުރުމަށް ބޭނުން ކުރެވޭބަހެއް
ބޮޑުހަނޑޫ
ނ ކަމުވޮށި ބޭފުޅުންނާއި ބޮޑުބޭކަލުންނާއި ކަނބަލުންނަށް ސަރުކާރުން އިހުގައި އިނާޔަތެއްގެ ގޮތުގައި ދެއްވި އެއްޗެއް މިއީ މަހަކު 03 ނާޅިމަގުން ދެއްވި ހަނޑުލެކެވެ
ބޮޑުބޭކަނބަލުން
ނ އިހުގައި ބޮޑު ހަނޑޫ ދެއްވައިފައި ތިބޭ އަންހެނުން. މީގެ ތެރޭގައި ކަމުވޮށި ކުރައްވައިފައިވާ ބޭފުޅުންނާއި ކަމުވޮށި ބޭފުޅުންގެ އަނބި އަނބިކަނބަލުންނާއި މެދުރީ މުސްކުޅިޔާގެ އަމުރުގެ ދަށުން ރަސްމީ ބައެއް ކަންތައް ކުރައްވާ އަންހެން ބޭފުޅުން ހިމެނެއެވެ
ކިލަވަތި
ނ ރަސްކަމުގެ ތެރޭ ބޭފުޅުންގެ އަނބިއަނބި ކަނބަލުން މިސާލު: އެއީ ކިލަވަތި ކަނބަލެކެވެ
ކުޑަކިބާ
ނ އިހުގައި ރަސްގެފާނުގެ އަނބިކަނބަލުންނާ ބޭފުޅުން ތިއްބަވާން ބޮޑުގަނޑުވަރުތެރޭގައި ހުރި ގެކޮޅެއް
ވަޅުގަނޑުވަރު
ނ ބިމުއަޑީގައި ހަދައިފައި ހުންނަ ސިއްރިއްޔާތުގެ ގެކޮޅު މިއީ އިހުގައި ބައެއް ރަސްދަރިކަނބަލުން ފަދަ ބޭފުޅުން އުޅުއްވަން ބިމުއަޑީގައި ހެއްދެވިކަމަށް ބުނެވޭ ޚާއްޞަ ތަންތަނަށް ދީފައިވާ ނަމެކެވެ
)މަހާރާޖާގެ އަނބިކަނބަލުން( މަހާރާނީ
ނ (1) މަތީ ދަރަޖަ ލިބިފައިވާ ރާނީ (2) ރަސްކަލެއްގެ އަނބިކަނބަލުން
މަހާރެހެންދި
ނ (1) ރަސްކަމުގައި އިންނެވި އަންހެން ސާހިބާ (2) ރަސްކަލެއްގެ ނުވަތަ ރައީސެއްގެ އަނބިކަނބަލުން
މިކަރަދިކަނބަލުން
ނ )ބދ ( ދެމަފިރި ކަނބަލުން
ސަމާފަޅި
ނ ބޮޑުބޭކަލުންގެ އަނބިއަނބި ކަނބަލުން ރައްކާވީމާ އަންނަ ސަމާ
ފިތުރުމަލާފަތް
ނ އިހުގައި ގަނޑުވަރު ތެރޭގެ ބޭފުޅުންނާއި ބޮޑުބޭކަލުން ކަނބަލުންގެ ފިތުރު ރަދުން ދެއްވާއިރު އެބޭފުޅުން އަތްޕުޅު ލެއްވުމަށް ފޮނުއްވާ ހަނޑޫ އަޅައިފައި ހުންނަ މަލާފަތް