radheef.info
ރަދީފު


ކުޑަކިބާ
ނ އިހުގައި ރަސްގެފާނުގެ އަނބިކަނބަލުންނާ ބޭފުޅުން ތިއްބަވާން ބޮޑުގަނޑުވަރުތެރޭގައި ހުރި ގެކޮޅެއް
ކުޑަކިބާ
ނ އިހުގައި ރަސްގެފާނުގެ އަނބިކަނބަލުންނާ ބޭފުޅުން ތިއްބަވާން ބޮޑުގަނޑުވަރުތެރޭގައި ހުރި ގެކޮޅެއް
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ބަނޑޭރިބޭކަލުން
ނ މާބަނޑޭރި ބޮޑުބަނޑޭރި މާކޮށާރުބަނޑޭރި ބޮޑުކިބާބަނޑޭރި ކުޑަކިބާބަނޑޭރި މިފަސްބޭކަލުން. ބައެއްކަންތަކުގައި ދެނގަޑުވަރު ބަނޑޭރިންނާ ދެބަނޑަހަލުގެ ބަނޑޭރިންވެސް ބަނޑޭރިބޭކަލުންގެ ތެރޭގައި ހިމެނެއެވެ
ކިބާ
ނ (1) ދުންކިބާ. (2) ތިލޭރުންގެ އުނދުން. (3) ގަނޑުވަރުތެރެ ބައިކޮށްފައި އޮންނަގޮތުން ރަސްގެފާނު އުޅުއްވާ ބަޔަށާއި ބޭފުޅުން އުޅުއްވާ ބަޔަށް ކިޔާފައި އޮންނަ ނަމެއް. މިސާލު: ބޮޑުކިބާ ކުޑަކިބާ