radheef.info
ރަދީފު


ބޭބޭކަލުން
ނ އަދަދު ބަޔާންކުރުމަކާއި ނުލައި ބޭކަލުން ގިނަކުރުމަށް ބޭނުން ކުރެވޭބަހެއް
ބޭބޭކަލުން
ނ އަދަދު ބަޔާންކުރުމަކާއި ނުލައި ބޭކަލުން ގިނަކުރުމަށް ބޭނުން ކުރެވޭބަހެއް
ކަރާމަތް
ނ (1) ވަލީ ވެރިންފަދަ ބޭބޭކަލުންގެ ކިބައިން ފެންނަ އާދަޔާ ޚިލާފު ކަންތައް (2) ޙުރުމަތް
ނައިބުކަމާ ހިނގުން
މ ރަޖަބުމަހު ހަވަނަދުވަހު ދައުލަތުން ބޮޑު ރަސްމީ ޖަމާއަތެއް ފޮނުވައިގެން ހަތަރުއަވަށު މައިޒާންގޭދޮށުގައި ދީނުގެ އަމުރު މަޢުރޫފު ކުރުން. މި ޖަމާއަތް އެކުލެވިގެންވަނީ ބޮޑުބޭކަލުން ޚަތީބު ބޭކަލުން ފަނޑިޔާރުގޭ ނާއިބު ބޭކަލުން މަލިން ބޭކަލުން އަސްކަރު މުސްކުޅިން މަޖިލީހަށް އަރާބޭކަލުން މުދިން ބޭކަލުން ދޭވާނީން މިބޭބޭކަލުންގެ މައްޗަށެވެ
ބަފާކަލުން
ނ ނަބީބޭކަލުން ރަސޫލުބޭކަލުން އަޞްހާބުބޭކަލުންފަދަ މާތް ބޭބޭކަލުންގެ ބައްޕާފުޅު
އަސާ
ނ (1) ދޮށިމޭނާ ވެލާނާ ހަކުރާ ފާމުދޭރި މާފަތް ދަހަރާ މިބޭބޭކަލުންނާއި ފަނޑިޔާރުކަމާއި މީރުބަޙުރުކަމާއި ރަނަހަމާންތިކަމާއި ފުރަމާލޭގެ ދެޚަޠީބުކަމާއި މިކަންކަން ޙަވާލުކުރައްވާ ބޭބޭކަލުންނަށް ދެއްވާދަނޑި މިހުންނަނީ ކުރަހައި ލާފެންކޮށްފައެވެ (2) ހިފައިގެން ހިނގާ ލަޓިގަނޑު
އަސާހަނޑޫ
ނ ފުރަމާލޭގެ ދެޚަތީބުންނާއި މީރުބަޙުރާއި ރަނަހަމާންތި ބޭކަލަކާއި މިނޫން ދެންތިއްބެވި އަސާދެއްވާ ބޭބޭކަލުންެކުރެ ކޮންމެ ބޭކަލަކަށް ވީއްލަވައިފައިތިބޭ ހަނގުބޭކަލުންގެ ދެމީހުންނަށް އޮންނަހަނޑޫ މިއީ އެބޭކަލުން އަންގަވާ ކަމެއްކުރާން ތިބޭ ދެމީހުނެވެ މި މީހުނަށް ހަނގުކަމުގެ ތަކެތި އޮވެފައި ވަރުތެރޭގެ މަސައްކަތެއް ނޯންނާނެއެވެ
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ