radheef.info
ރަދީފު


ބުރުޒު
ނ ބޮޑުބަޑި ޖެހުމަށާއި ރުކުރުވުމަށް އުސްކޮށް ހަދައިފައި ހުންނަތަން
ބުރުޒު
ނ ބޮޑުބަޑި ޖެހުމަށާއި ރުކުރުވުމަށް އުސްކޮށް ހަދައިފައި ހުންނަތަން
ކޯލާގެ
ނ ބުރުޒު ބުރުޒު މަތީގައި ދުރުބަލަން އަރާހުންނަ ކުޑަގެ
އަވަށުތަންޑުވަ
ނ އަވަށުތެރޭން ކޮންމެ ވަރަކުން ހަތަރުމީހުން މަގުން ތިބޭ ބަޔެއް. މިމީހުންގެ މަސައްކަތަކީ އެވަރަކަށް މަސައްކަތު ގޮވާން ވެއްޖެނަމަ ބުރުޒު ބަނޑޭރީން އެންގީމާ އެވަރެއްގެ ބޭކަލުންނަށް މަސައްކަތު ގޮވުމެވެ މިއިން މީހަކަށް އޮންނާނީ ފޭލި ދެއްވާ ދުވަހު އިތުރަށް ބަޔެކެވެ
ބަޑިހަރު
ނ (1) ބޮޑުބަޑި އެއްތަނުން އަނެއްތަނަށް ގެންދިއުމަށާއި އެގޮތައްވުމަށް ބާއްވާ ގާޑިޔާ (2) ބުރުޒުގައި ބޮޑުބަޑި ބަހައްޓާން ހަދައިފައި ހުންނަ ތަންތަން
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޑިބަޑިކުޅުން
މ ފަންކުޅޭ ކަހަލަ ގޮތަކަށް މުންޏެއް ޖަހައިގެން ދެބައަށް ބެހިގެން ކުޅޭ ކުޅިވަރެއް. މިއީ އިރުވައި މޫސުމުގައި ފުރަހަޅަ ލައިގަތުމުން މާލޭގެ އުތުރާއި އިރުމައްޗާއި ހުޅަނގު ފަރާތުގެ ބުރުޒުތައް ދޮވެ ސާފުކޮށް ބަޑިފަންޖަހައި މިކަމުގެ މަސައްކަތް ނިމޭ ދުވަހު އެތަނުގެ ކުނިފަން ސާފުކުރަން ނުކުންނަ އަންހެނުންނާއެކު މެދުރި މުސްކުޅި ބޭކަނބަލުން ކުޅުއްވައި އުޅުއްވި ކުޅިވަރެކެވެ މިކުޅިވަރު ކުޅެނީ މައި ފާރުން ބޭރުގައެވެ މިކުޅިވަރު ކުޅޭތަނަށް ފިރިހެނުން އައުން މަނާވާނެއެވެ
ބަޑިދޮރު
ނ (1) ބަޑީގެ އުންޑަދާން ބުރުޒުގައްޔާއި މައިފާރުގައި ކަނޑައިފައި ހުންނަތަން (2) މަނަވަރާއި އާގުބޯޓުފަހަރުގެ ފެނުންމަތީގައި ކަނޑައިފައި ހުންނަ އާނގަވަޅު
ބާޑީ ދުނބުރި
ނ ބާޑީ ޖެހުމަށް ބޭނުންކުރާ ދުނބުރި. މިކަމަށް ބޭނުންކުރަނީ ފަލަ ބޮޑެތި ދުނބުރިއެވެ. މިއީ އިހުގައި ދުޝްމިނުންގެ ނުރައްކަލުން ސަލާމަތްކުރުމަށް ބުރުޒުތަކުގެ ފާރުނިވައި ކުރުމަށް ކޮށްއުޅުނު ކަމެކެވެ އަދި ރާޅު އަރާ ދުވަސްވަރުވަރަށް މާލޭގަޔާއި ރާއްޖެތެރޭގައިވެސް ބާޑީ ޖެހުމަށް މިގޮތަށް ދުނބުރި ބޭނުންކޮށް އުޅުނެވެ
ބޮޑުކޯއްޓޭ
ނ އިހުގައި ބޭރުން އަންނަ ނައުޒޯނގުފަހަރު އެތެރެއަށް ވަނީމާ ދިދަނަގާން މާލޭ ބޮޑުކޯއްޓޭ ބުރުޒުމަތީ ކަސްޓަމުގެ އުތުރުން ހުރި ކޯއްޓޭ
ބޮޑުކޯއްޓޭ ބުރުޒު
ނ އިހުގައި މާލޭގައި ކަސްޓަމުގެ އުތުރުން ހުރި ބުރުޒު
ބޮޑުފާރު
ނ އިހުގައި މާލޭގެ ވަށައިގެން ބުރުޒުތަކާއި ގުޅިގެން އެކި ހިސާބު ގަނޑުގައި ލައިފާ ހުރިފާރު
ކިއްލާ
ނ (1) ރަށް ދިފާޢުކުރާ ސިފައިން ތިބޭން ހަދައިފައި ހުންނަ ބޮޑެތި ބުރުޒު (2) ރަސްކަމުގެ ކޮއިލު
ކިލެގެބުރުޒު
ނ މާލޭގައި އިހުގައި ހުރި ބުރުޒުތަކުގެ ތެރެއިން އެތެރެކޮއިލު ބުރުޒު
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
މަސައްކަތުމުސްކުޅިން
ނ ހަނގުބޭކަލުންގެ ތެރޭގައި ތިބޭބައެއް މިމީހުންގެ ވަޒީފާއަކީ ބުރުޒުގެ ތެރޭގެ އެތަންމިތަނަށް އެޅިފައި ހުންނަ އުންޑަ ހޮވުމެވެ
މެހިތަރު
ނ ބަޑިބުރުޒުގެ ސަރުދާރު
(2) އިރުވައިކޮލި ބަލާ! ފާރުދޮށްކޮށައިދަމަށްއެރުން
މ (1) އިހުގައި އިރުވައި ކޮލިލާފައި އަންގާ އެންގުމެއް. މިއީ ބޮޑުފާރު ދޮށާއި ބުރުޒުތަކުގެ ކައިރިން ގަސްތައް ކޮށައި ވިނަ ނޮޅައި ސާފުކޮށް ބުރުޒުތަކުގައި ފާރަޔަށް )ދަމަށް( ތިބުމަށް އަންގާ އެންގުމެކެވެ
ފެންބަޑި
ނ (1) ޢީދުވިލޭރޭ މެންދަމު ކިލެގެ ބުރުޒުން ޖަހާބަޑިއެއް (2) ހުކުރު ދުވަހު 01 ޖެހީމާ ކިލެގެ ބުރުޒުން ޖަހާބަޑިއެއް މިބަޑިޖަހަނީ ރަދުން ހުކުރަށް ފައިންޕުޅު އަޅުއްވާނެކަން އެންގުމަށް ޓަކައެވެ
ޓަވަރު
ނ ދުރު ބެލުމަށް އުސްކޮށް ހަދައިފައި ހުންނަ ތަންތަން ޢާންމުކޮށް މިފަދަ ތަންތަން ހުންނަނީ ކިއްލާއާއި ބުރުޒުގައެވެ ވައިގެ ބަނދަރުގައި ވެސް ޓަވަރެއް ހުރެއެވެ