radheef.info
ރަދީފު


ނޫނީ
އ (1) އެހެންނާ
(2) މެނުވީ
(3) ނުވަތަ
ނޫނީ
އ (1) އެހެންނާ (2) މެނުވީ (3) ނުވަތަ
ހަންމުށި
ނ (1) ދިރޭ އެއްޗެހީގައި ތަޅާން ގެންގުޅޭ އާލާތް. މިއޮންނަނީ ލަޓިގަނޑެއް ނުވަތަ ބޮންތިއެއްގެ ކުރީކޮޅުގައި ނަނުފަށެއް ބައްދައިފައެވެ ނޫނީ ބޮންތީގެ ކޮޅު ހިމަކުރަމުންގޮސް ނަނުގަނޑެއްހެން ހަދައިފައެވެ (2) މީހުންނަށް އަދަބުދޭން ގެންގުޅޭ އެތި
މިނިވަން
ނއ (1) އަޅުވެތިކަމެއް ނެތް (2) ހުހަށްހުރި (3) ބަންދެއް ނެތް (4) ޤާނޫނީ އަދި ސިޔާސީ ޙައްޤުތައް ލިބިގެންވާ (5) މުޢާ މަލާތު ކުރުމުގައި އެއްވެސް ހުރަހެއްނެތް
ނާމާންބޭފުޅުން
ނ އަމުރު ލިބިގެންވާ ބަޔަކުނޫނީ ދުށުން ހުއްދަނޫން ބޭފުޅުން މިހެން ކިޔާއުޅެނީ އިހުގައި ގަނޑުވަރުތެރޭ ބޭފުޅުންނަށެވެ
އައްޗީ
އ އެއްޗެއްގައި ހުރި ހަޑިކަން ނުވަތަ ހުތުރުކަން ނޫނީ ހިތާނުވާކަން ދައްކާން ބުނާ ބަހެއް
ނިގާރަންފޮށި
ނ ދެއަތްގަނޑު ލައިފައި ހުންނަ ފޮއްޓެއް. މީގެ އެތައް ފޮއްޓެއް ހުރެއެވެ. މީގެ ތެރޭގައި ހުންނާނީ ކަޅުތިމަރަ ނޫނީ ހިލައަޅައިފައެވެ. މިފޮށި ބަހައްޓަނީ ނާފަހަރުގެ މެދުތެރޭގައެވެ. މިއީ ނާދުއްވާއިރު ރޯލުކުރިއަނުދިނުމަށް އަރުވާފޮށިތަކެކެވެ މިފޮށިތައް އަރުވަނީ ބަރުވާ ވަރަށް މުދާ ނުލިބި ދަތުރުކުރަން ޖެހުމުންނެވެ
ނީރުން
މ (1) އެއްޗެއްގެ ދެރަކަމުންނޫނީ އެއެއްޗެއް ފޫވެއްޓިގެން އޭގައިހުރި ދިޔާއެއްޗެއް މަދުމަދުން ނުކުތުން (2) ދިޔާ އެއްޗެއް މަދުމަދުން ނުކުތުން (3) ލީކުވުން
ނޭވާހޮޅިޔަށް އެޅުން
މ ފުރާނަދާން ކައިރިވާއިރު މުޅިހަށިގަނޑަށް ބާރުކޮށްގެންނޫނީ ނޭވާ ނުލެވޭ ގޮތްވުން މިހާލުގައި ގިނައިން ނޭވާލެވޭނީ އަނގައިންނެވެ ބައެއް ފަހަރަށް ކަރުތެރެއިން އަޑުކިޔާ ގޮތްވެސްވެއެވެ
ރޯ
ނ (1) އެއްޗެއްގައި އަލިފާން ހިފާހިފުން މިސާލު: ތަނެއްގައި އަލިފާން ރޯވުން (2) ނއ "ހިކި" މިބަހުގެ އިދިކޮޅު މިސާލު: )ހ( ރޯދަރު )ށ( ރޯމޭވާ (3) ދިރޭ މިސާލު: )ހ( ރޯގަސް )ށ( ރޯފާރުގަނޑު (4) ކައްކައިގެންނޫނީ ނުކާތަކެތި ކެއްކުމުގެ ކުރީގައި ކިޔާގޮތް މިސާލު: )ހ( ރޯހަނޑޫ )ށ( ރޯމަސް (5) އެއްޗެއް މިސާލު: މިތާނެތް ރޯއެއްނެތޭ (6) ގޮތް މިސާލު: ތިޔަކަންތައް ކޮންފަދަ ރޯއެއްގައި ދާނެބާވައެވެ (7) ހުރިގޮތަށްހުރި މިސާލު: )ހ( ރޯގޯސް )ށ( ރޯދޮގު (8) ހާމަ މިސާލު: ރޯދުވާލު (9) ރަނގަޅަށް ދޮންނުވާ މިސާލު: ރޯކެޔޮ
ބަންޑާރާނައިބު
ނ ދައުލަތުގެ ޤާނޫނީ އަދި ޝަރުޢީ ވަކީލު
ބަބުރުފަޅޯ
ނ ދޮންވީމާ ވަރަށް ފަނޑު ރިއްސެޔޮކަމެއް ނޫނީ ފާޅުނުވާ ވަރަށް ގަދަކަޅު ފެހިކުލައެއްގެ ފަޅޮލެއް ފަޅޮލުގެ ސިފަ ހުންނާނީ ދިގުކޮށް ހުރެފައި ފޫވަށްކޮންނެވެ
ބޮޅުފަތިނެއްޓުން
މ އިހުގައި ކުޅެއުޅުނު ކުޅިވަރެއް މިކަންކުރާގޮތަކީ ނަރުގަނޑަކަށް މަހައިފައި އޮންނަ ބޮޅުފައްޗެއް އެކުގައި ނަރުގަނޑުން ވަކިކޮށްލުމެވެ މިއީ ހިކުމަތަކުންނޫނީ ވެވޭކަމެއްނޫނެވެ
ކުށުވެރިކަން
ނ (1) ފަންޑިތައިން ނޫނީ ފަސޭހަނުވާނޭ ކަމަށް ހީކުރާ ބަލިބަލި. (2) ޖިންނި ފުރޭތަ ފަރާތުން ޖެހޭކަމަށް ބުނާ ކަންތައް
ކުއްލާބުތެލި
ނ އިހުގައި ރޯދަމަހު ކޮންމެ ދުވަހަކު އިރު އޮއްސޭއިރަށް ގަނޑުވަރުތެރޭ ކުއްލާބުގެއަށް ފޮނުވާ ކަލިޔާ ބިރިންޖީތެލި. މިތެލީގައި ވިހިނާޅި ހަނޑުލުގެ ބަތާއި އެޔާވާނެ ގުޅަމަހާއި ހަކުރާއި ލޮނުލުނބޯ ހުންނާނެއެވެ. މިއީ އަތޮޅު އަތޮޅު ދެއްވައިފައި ތިއްބަވާ ބޭކަލުންނާއި ބޮޑެތި ފަޅު ރަށްރަށް ދެއްވައިފައި ތިއްބަވާ ބޭކަލުން ފޮނުވަންޖެހޭ ކެއުމެކެވެ. މިފޮނުވާނީ އެކިދުވަހު އެކި ބޭކަލުންނެވެ. މިއީ ގަނޑުވަރުތެރޭގައި އުޅޭ މީހުންނަށް ދޭ ކެއުމެކެވެ މިކެއުން ގެންދާއިރު ލިބުނު އެންމެ ބޮޑު ކުރުނބާ އިހަލެއް ގެންދާނެއެވެ މިކުރުނބާއިހާ ދަނޑި މާރުލައިގެން ގެންދަނިކޮށް ފަގީރުކުދިން މިއިހާ ކަނޑައިލައިގެން ބަހައިލުމީ ހުއްދަކަމަކަށްވާތީ ވަރަށް މަދު އިހަލެއްނޫނީ ގަނޑުވަރުތެރެޔަށް ގެންދެވޭ ކަމަކަށް ނުވެއެވެ
ކުސަ
ނ (1) ދެގަނޑެއްޗެއް އެއްކުރާން ރޯނުން ނުވަތަ ނަނުން ފުރާ ބައިން. މިގޮތަށް ހުންނަ ކޮންމެ ބައިނެއް. (2) ފުށާއި ހުންޏާއި ހަކުރާ އަޅައިގެން ހިލާ ކާ އެއްޗެއް. (3) މަޖާޒު: އެއްޗަކަށްނުވާހެން ކުރާކަންތައް ނުވަތަ ހަދާ އެއްޗެއްނޫނީ ދައްކާ ވާހަކަ
ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ކޮއްލަވާނި
ނ (1) އެއްމަގަކުން ނޫނީ ވަދެވޭން ނޯންނަ ގޮނިލައިފައި ހުންނަ ތަންތަން (2) އެއްކޮޅު ބެދިފައި ހުންނަ ހަނި ދަތި ގޯޅި (3) ގޭގޭއިން ދަތިކޮށް ނެރެފައި ހުންނަ ކޮޓަފާޅި ފަދަ ތަންނަން
އަށަގަތުން
މ (1) އާދައެއް ނުވަތަ އެއްޗެއް ނޫނީ ކަމެއް ހަރުލާގޮތްވުން (2) ދެމި އޮންނަގޮތްވުން
އަނހާއައްދޭ
އ އަޖާއިބުވެގެން ނުވަތަ ވީދެރަކަމަކުން ނޫނީ ކުޅަ އަސަރަކުން ބުނެވޭ ބަހެއް
އަނހާފަހެ
އ ތިމާކުރިކަމެއް ނުވަތަ ކުރާނޭކަމެއް ނޫނީ ބުނިބަހެއް ރަނގަޅުކަމުގައި ތައުކީދެއްގެ ގޮތުން ބުނެއުޅޭ ބަހެއް
އަކުރު
ނ (1) އެއިން ބަސްތައް ހެދިފައިވާ ބައިތައް. މިސާލު: އަލިފު ބާ ތާ ހ ށ ނ ރ އޭ ބީ ސީ ޑީ. 1 2 3 4. (2) އެހެންބަހަކާ ގުޅިގެންނޫނީ އޭގެ މާނަ ދޭހަނުވާބަސް. މިސާލު: އަދި އަށް