radheef.info
ރަދީފު


ހަރަ
ނ. (ގ) ހަރު
ހަރަ
ނ. (ގ) ހަރު
ހަށަންބަނުން
މ (1) ޙަރަމް ބަނުން (2) ވައަތް ބަނޑުގައި ޖައްސައި އެއަތުގެ ކުޑަހުޅުގައި ކަނާއަތުން ހިފެހެއްޓުން (3) ކަނާއަތްތިލަ ވައަތު ކިހިލިފަތްދޮށަށް ލުމާއިއެކު ވައަތްތިލަ ކަނާތު ކިހިލިފަތްދޮށަށް ލުން (4) މެއާ ހަމައިގައި ދެއަތުން ގޮށެއްގެ ސިފަ ޖެއްސުން އަދި މިނޫން ގޮތްގޮތަށްވެސް މިހަރަކާތް ގެނެއެވެ އަދި މިޙަރަކާތްތައް އަދަބުވެރިގޮތުން ނޫނަސް ގެނެވެ އެވެ
ހަށިފޮޅައިލުން
މ (1) ދޫނިސޫފާސޫފީގެ ގައިގައި ހުންނަފެން ނުވަތަ ހިރަފުސް ފޮޅައިލުމަށް އެސޮރުމެންގެ ހަށިގަނޑަށް ހަރަކާތްގެނައުން (2) ތިމާގެ ގައިގައި މީހަކު ނުވަތަ ދިރޭއެއްޗެއް ބައްދައިފައި އޮތް ބެއްދުމެއް ނައްޓައިލުމަށް ޙަރަކާތްކުރުން (3) މަޖާޒު: ކުރިމަތިވެފައިވާ ދަތިތަކަކުން ސަލާމަތްވެގަތުން
ހަންޑިހެއްލުން
މ ނިދީގައި މަނިބޭރުވުން ގިނަފަހަރަށް މިކަންތައްވަނީ ހުވަފެނެއްގެ ތެރޭގައެވެ
ހަރަދު
ނ (1) ހަރަދު (2) )ބދ ( ބިލެތްހަވާދު
ހާނީއްކަ
ނ (1) ލިބޭ އެތިފަހަރަކުން ހަށިގަނޑަށް ލިބޭ ގެއްލުން (2) އަނިޔާ
ހާނީއްކަވުން
މ (1) ލިބޭ އެތިފަހަރަކުން ހަށިގަނޑަށް ގެއްލުންވުން (2) އަނިޔާވުން
ހާލަކުންފަހަރަކު
ކއ މަދުފަހަރަކު
އިނގިލިމެޅުން
މ (1) އިނގިލި ލެއްޕުން. (2) ސިހުރުކޮށްފައި ނުވަތަ ރުޅިއައިސްގެން މީހަކާ ދިމާއަށް ނުވަތަ އެއްޗަކާ ދިމާއަށް ޝަހާދަތް އިނގިލިން އިޝާރަތްކުރުން ބައެއްފަހަރަށް ސަމާސާގެ ގޮތުންވެސް މިހެން ހަދައެވެ
ހަވަރުހުއްޓިލެއްވުން
މ ހަވަރުގެ ފަރާތުން ރަދުންގެ އަރިހުގައި ރަސްމީގޮތުން ކޮންމެވެސް ބޮޑުކަމަކާމެދު އެއްޗެއް ދެންނެވުމަށްޓަކައި ގުޅަކުޅޭ ފަސްގަނޑަށް ހަވަރު އެއްވުން މި އެއްވުން ގިނަ ފަހަރަށް އެއްވަނީ ހުކުރުދުވަހު ހުކުރުން ފޭބުމަށް ފަހުގައެވެ
ހަވަރުއޮޑި
ނ އިހުޒަމާނުގައި ހަވަރު ތިނަދޫން އަހަރަކު އެއްފަހަރު ހަވަރަށް އެރަށުގެ ވަރުވާ ހިފައިގެން އަންނައޮޑި
ހިންބާރުކޮށްލުން
މ ހިންހަރައިލުން
ހިތްތެޅުން
މ (1) ހިތުގެ ހަރަކާތް އިތުރުވުން (2) ހިތުގައި ބިރެއް ނުވަތަ ވަސްވާހެއް އުފެއްދުން (3) ކަންބޮޑުވުން (4) ހިތަށް ކުއްލިޔަކަށް އަސަރުކުރުން
ހިސްޓީރިޔާ
ނ ސިކުނޑީގެބައްޔެއް މިބަލީގައި އެކިއެކި އަސަރުކުރުމުގައި ނަފްސާނީގޮތުން ހިފެހެއްޓުން ކުޑަވެއެވެ އޭގެ ސަބަބުން ހިސްޓީރިޔާޖެހިފައިވާ މީހާގެ ކިބައިން ޖިސްމާނީ ބަލިބަލީގެ އަލާމަތްވެސް ފެނުން އެކަށީގެންވެއެވެ ނަމަވެސް މިގޮތުން ފެންނަ އަލާމަތް ގިނަފަހަރަށްވެފައި އޮންނަނީ ބަލިމީހާއަށް ކުރެވޭހީތަކެއްގެ ސަބަބުން ކޮޕީކުރެވޭ ކަންތައްތަކެއް ކަމުގައެވެ
ހުށޫ
އ ހުށި މިބަސް ފަދައިން ކުރާ އަމުރެއްގެ ފަހަތަށް އިތުރުކުރާ އަކުރެއް މިސާލު: ނަމާދަށް ހަރަމްބަނުމުގެ ކުރީގައި ޤިބުލައަށް ކުރިމަތިލާހުށި ނުވަތަ ކުރިމަތިލާހުށޫ
ހުސްނުހީނާ
ނ މީރުވަސްދުވާ މަލެއް އަޅާގަހެއް މިއީ ވާކޮށްފެތުރި ހެދޭގަހެކެވެ މިއީ ފަތްގިނަ ގަހެކެވެ މާހުންނާނީ މަޑުފެހިކުލައިގައި ކޯޅިކޯޅިއަށެވެ މިމާހުންނާނީ ކުޑަކޮށް ހިމަދިގުކޮށެވެ މީގެ މަލުގައި ހުންނަނީ ފަސް ފިޔައެވެ މިގަހުގައި އަޅާމާ ހަތްފަހަރަށް ފޮޅެއެވެ
ހެންވޭރުޓަކި
ނ މަޖާޒު: މާބާރަށް ބޮލުގައިޖަހާ ޓަކި މިޓަކި ޖެހުމުން މީހުން ބައެއްފަހަރަށް މަރުވެސް ވެއެވެ
ހެލިވަތްހެލުން
މ (1) ކޮށްނިމިފައިއޮތްކަމެއް އަނެއްފަހަރު ކުރަން ނުޖެހެނީސް ކުރުން (2) )ޅ ( މީހަކުކޮށް ނިންމައިފައި އޮތްކަމެއް ތިމާކުރިކަމެއް ކަމުގައި ހަނދާންވެގެން ދެވަނަ ފަހަރަށް އެކަންތައް ކުރުން މިސާލު: ފޮޅައިނިންމައި އޮތްތަނެއް އަލުން ފޮޅުން
ހެލިލުން
މ (1) ގުޑިލުން (2) ހަރަކާތްވެލުން (3) ތެޅިލުން (4) ކުޅިޖެހުމުގެ ތެރޭގައި ހަލުއިކަމާއެކު ފަރާތް ފަރާތަށް ހަރަކާތް ކުރުން
ހެލުވުން
މ (1) ގުޑުވުން (2) ހަރަކާތް ކުރުވުން (3) ހެލުންމިބަސް ކުރުވުމުގެ މާނައިގައި ބުނާގޮތް
ހޭ
ނ (1) ވާނުވާ އެނގުމުގެ ބާރު. (2) ބުއްދި. (3) ދެވަނަ ފަހަރަށް ސުވާލު ކުރުމުގެ ޖުމްލައިގެ ފަހަތަށް ގެންނަ އަކުރު. މިސާލު: މިބުނި އެއްޗެއް ވިސްނިއްޖެހޭ. (4) މީހަކު ތިމާޔާ ކުޅަ ސުވާލެއް އަނެކާގާތު ބުނާއިރު ޖުމްލައިގެ ފަހަތަށް ގެންނަ އަކުރު މިސާލު: އަބްދުﷲ އަހަރެން ކުރެން އެއްސޭ އިބްރާހީމް ނާދޭހޭ (5) ހުޅަނގު މޫސުމުގެ ނަކަތްތަކުގެ ތެރެއިން ފަނަރަވަނަ ނަކަތް (6) ކަނޑުގެ އަޑި ކިރިޔަކިރިޔާ ފެންނަ (7) )ޏ ސ ( ދުރުން ކިރިޔަކިރިޔާ ފެންނަ ފެނުން (8) " އޭތް" މިބަސް އަންހެނުންނަށް ގޮވުމަށް ބޭނުންކުރާގޮތް