Radheef, ދިވެހިބަހުގެ ރަދީފު، ދުންގެގެ މާނަ

ނ (1) ރަދުން ނުވަތަ ރަދުންގެ މަޤާމުގައި ވަޑައިގަންނަވާ ބޭފުޅަކު ޢިއްޒަތުގައި ވަޑައިގަންނަވާއިރު ބެރުގައި ޖަހާ ލަވައާއި ފުމޭ ލަވަ ނއ (2) މުސްލިމުންނާ ދެކޮޅަށް ހަނގުރާމަކުރާ (3) މުސްލިމުންނާ ޢަދާވާތްތެރި

ހަވަރު

ނ (1) ހަގުބޭކަލުން ބެހިފައި އޮންނަ ހަބައި (2) ރަދުންގެ ލަޝްކަރު

ހަވަރުހުއްޓިލެއްވުން

ހިރިޔާފާތުރާ

ނއ )ބދ ( ރަދުންގެ މާތް އަރިސް

ހިރިޔާސުއްދަ

ނއ )ބދ ( ރަދުންގެ މާތް ދޫފުޅު

ރަންދިކަނބާ

ނ ރަދުންގެ އަންހެން ބޭފުޅުންނަށް ދައުލަތުން ދެއްވާ ކޮލީ ނަމެއް

ބަންޑާރަބަދިގެކޮޅު

ނ ބޮޑުގަނޑުވަރުގައި ރަދުންގެ ފަރިއްކޮޅު ކެއްކުމަށް ޚާއްޞަވެފައި ހުރި ބަދިގެ

ބަދިގެކޮޅު

ނ (1) ރަދުންގެ ފަރިއްކޮޅު ކައްކާ ބަދިގެ (2) ބަދިގެއަށް މާތްކޮށް ކިޔާގޮތް

ބަޑިހެލުން

މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ

ބަޑިކޮޅު

ބޮޑުދުންދޭ ޒިޔާރަތް

ބޯފޮޅިޔަށް ވަޑައިގަތުން

އަސްކަރުމުސްކުޅިން

ނ އަސްކަރުންގެ ދަނޑި ދެއްވައިފައި ތިބޭ މީހުން ޢިއްޒަތަށް ވަޑައިގަންނވާއިރު މިމީހުން ތިބޭނީ ރަދުންގެ ކަނާތްޕުޅު ފަރާތުގައެވެ

އެއްގަމުއަރުމާޒު

ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ

އެވޭލާބޮޑުލާރި

ނ އައްސުލްޠާނު އަލްމަރުޙޫމް އަލްޙާއްޖު މުޙަންމަދު ޢިމާދުއްދީން )ހަތަރުވަނަ( މިރަދުންގެ ކުރީގެ ރަސްރަސްކަލުންގެ ބޮޑުލާރި

އޮގަރުކަނޑިކޮޅު

ނ ރަދުންގެ ޚާއްޞަ ކަނޑިކޮޅު

އޮގަރުކަނޑިއައްޑަނަ

މ (1) ރަދުންގެ ޚާއްޞަ ކަނޑިކޮޅާއި އައްޑަނަކޮޅު (2) ޢިއްޒަތަށް ވަޑައިގަންނަވާއިރު އަރިހުގައި ގެންގޮސް އުޅުނު ކަނޑިކޮޅާއި އައްޑަނަކޮޅު މިހިފަނީ އެކަމަށް ޚާއްޞަކުރައްވައިފައިވާ މީހެކެވެ

އޮގަރުލޮންސިކޮޅު

ނ ރަދުންގެ ޚާއްޞަ ލޮންސިކޮޅު މިގެންދާނީ ރަސްކަމަށް ކޮލިލާ ދުވަސްވަރު ފަދަ ޚާއްޞަ ދުވަސް ދުވަހަށެވެ

ވެދުންބޭލުން

މ ބޭރު ޤައުމަކުން ހަދިޔާގެ ގޮތުގައި ފޮނުވާ ތަކެއްޗާއި އެއާއެކުގައި ފޮނުވާ ފަތްކޮޅު ޚާއްޞަ ރަސްމިއްޔާތަކާއެކު މާލެ ބާލައި ރަދުންގެ އަރިއަހަށް ގެންދިއުން

ވެދުންކުރުން

މ (1) އިހުގައި ރަދުން ދެއްވާ ޢިއްޒަތަށް ނުވަތަ ބައެއް ޚާއްޞަ ވަޒީފާއަށްޓަކައި ރަދުންގެ ހިރިޔާ ފާތުރާ ދަށުން އެކަމެއް ހަމަޖެހުމާ ގުޅިގެން އެމީހަކު ރަސްމީގޮތުން ރަދުންގެ އަރިއަހަށް ހަދިޔާކުރުން (2) ރަސްކަމަށް ކޮލިލުން ފަދަ ކަންކަމާ ގުޅިގެންއެކިއެކި ޖަމާޢަތްތަކުންނާއި ފަރާތް ފަރާތުން ބަންޑާރައިންގެ އަރިއަހަށް ހަދިޔާކުރުން (3) ނާބަ އާއި ދަންބެރު ޖަހަންވާ ގަޑިއަށް ނުޖެހުމުން ކީރިތި މަހާރަދުންގެ ފަރާތްޕުޅުން ނާބަޖަހާ ބެރާއި ދަނޑިގަނޑު ދެގެ ދޭތެރެއަށް ގެނައުމުން އަލުން ބެރުޖެހުމަށްޓަކައި ދޭންޖެހޭ އާދަ ދިނުން