radheef.info
ރަދީފު


ހަވަރު
ނ (1) ހަގުބޭކަލުން ބެހިފައި އޮންނަ ހަބައި
(2) ރަދުންގެ ލަޝްކަރު
ހަވަރު
ނ (1) ހަގުބޭކަލުން ބެހިފައި އޮންނަ ހަބައި (2) ރަދުންގެ ލަޝްކަރު
ހަކުރާވަރު
ނ ހަވަރުގެ ތެރެއިން ހަކުރާ ބޭކަލަކާ ޙަވާލުވެފައިވާ ވަރު ނުވަތަ ބައި
ވަރު
ނ (1) މިންވަރު (2) ދަރަޖަ (3) ހަކަތަ (4) ބާރު (5) ބައެއް (6) ހަވަރުގެ ބައެއް (7) އެއްޗަކުން ޖަހައިގެން ނުވަތަ އެއްޗެއްގައި ޖެހި ފިތިގެން ހަށިގަނޑުގެ ތާކުން ފެންނަން ހުންނަ ނިޝާން (8) ފަންތޮށިން ނަގާ ފަތި
ހަވަރުހުއްޓިލެއްވުން
މ ހަވަރުގެ ފަރާތުން ރަދުންގެ އަރިހުގައި ރަސްމީގޮތުން ކޮންމެވެސް ބޮޑުކަމަކާމެދު އެއްޗެއް ދެންނެވުމަށްޓަކައި ގުޅަކުޅޭ ފަސްގަނޑަށް ހަވަރު އެއްވުން މި އެއްވުން ގިނަ ފަހަރަށް އެއްވަނީ ހުކުރުދުވަހު ހުކުރުން ފޭބުމަށް ފަހުގައެވެ
ހަވަރުބެރު
ނ ހަވަރު އެއްކުރާން ޖަހައިއުޅުނު ބެރު
ހަވަރުކެނބު
ނ ބޮޑެތިފަލަ ކެނބު އިހުގައި މިކަހަލަ ފަލަ ކެނބު އަޅަނީ ހަވަރު ނުކުންނަވައިގެންނެވެ އެއަށް މިނަން ކިއުނީ މިހެން ވެގެންނެވެ
ހަވަރުއޮޑި
ނ އިހުޒަމާނުގައި ހަވަރު ތިނަދޫން އަހަރަކު އެއްފަހަރު ހަވަރަށް އެރަށުގެ ވަރުވާ ހިފައިގެން އަންނައޮޑި
ހަވަރުފެންފޮޅިޔަށްއެޅުން
މ (1) ހަވަރު ގޮވާލުމަށް ފެންފޮޅި ފިހާން މަޖިލީހަށް އަރާ ބޭކަލުންގެ ގޭގެޔަށް ހަނޑޫ ބެހުން (2) މަޖާޒު: ތިމާޔަށް އިވުނު ޚަބަރެއް ހުރިހާތާކަށް ފަތުރަމުން ހިނގުން
ހަވަރުތުންފުހި
ނ (1) ހަވަރު ގޮވާލުން ކޭންބައްލަވައިގެން ހަވަރު އަތްފުއްސަވާން އެލުވައިފައި ހުންނަ ފޮތިގަނޑު (2) މަޖާޒު: ޝަހްވާނީގޮތުން ތިމާގާތަށް އައިކޮންމެ ފިރިހެނަކާ ޤަބޫލުވާ އަންހެނާ
ބަންޑާރަދުރޯ
ނ ދުރޯއިން ބަންޑާރަޔަށް ލިބޭބައި. މިއީ ދުރޯއަށް )ޖުރުމަނާއަށް( ނެގޭލާރި ހަތްބައިކޮށްފައި ހަވަރުގެ ހަބަޔަށް ކޮންމެ ބަޔަކަށް 7/1 ބައި މަގުން ނަގައިފައި ހަތްވަނަޔަށް އޮންނަ ބަންޑާރަ ބައެވެ މިލާރިބަހާނީ އަހަރަކު އެއްފަހަރުއެވެ
ބޭރުބަނޑަހަ
ނ އިހުޒަމާނުގައި ހަވަރުގެ ތެރޭން ބޮޑުމުސްކުޅި ބޭކަލަކު ނެތްވަރެއްނަމަ އެވަރަކަށް ކައްކާ ކެއްކުން ތަކުގެ ކަންތަކާއި ސިލޭހަބަތް ކެއްކުމާއި ކުދި ބޭކަލުންގެ ކޮއްތުގެ ކަންތައް ބަލަހައްޓައި މިކަންކަމުގެ ތަކެތި ރައްކާކުރާން ގަނޑުވަރު ތެރޭގައި ހުންނަ ބަނޑަހަ
ބޮޑުބޭކަލުން
ނ ހަވަރުގެ ހަބައިންކުރެ ކޮންމެ ބައެއްގެ ވެރިއެއްގެ ގޮތުން ތިއްބަވާ ބޭކަލުން. މިއީ ކޮލިލައްވައި ބޮޑު މުސްކުޅިކަމުގެ އަސާ ދެއްވައިފައި ތިއްބަވާ ބައެކެވެ ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި މިބޭކަލުން ތިއްބަވަން ޖެހެއެވެ
ބޮޑުފަތަފޮޅި
ނ ހަވަރު ތިނަދޫ ވަރުވާގެ ތެރޭގައި އަހަރަކު އެއްފަހަރު ހަވަރަށް ގެނެސް އުޅުނު ފަތިރޮއްޓެއް
ބޮޑުފަތަފޮޅިއޮޑި
ނ ހަވަރުއޮޑި
ބޮޑެވައްޓޭބޮޑި
ނ )ގ ( އިހުޒަމާނުގައި ހަވަރު ތިނަދޫން ހަވަރަށް ގެންނަ ބޮޑު ފަތަފޮޅި
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފަހަނޑޫ
ނ ދަންޑެހެލު ބޭކަލުންނަށް ވީއްލިފައި ހުންނަ ކަލާސީ މީހާއަށާއި ހަވަރުގެ އެކިއެކި މަސައްކަތް ކުރަންވީމާ ދޮށިމޭނާ ބޭކަލަކު ބޮޑުބޭކަލުންނަށް އަންގާން ފޮނުއްވުމަށް ހުންނަ މީހާއަށް ދީއުޅުނު ބަނޑު ހަނޑޫ
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އިދުގެރިހިއްޕެވުން
މ ޙައްޖުމަހު 6 ވަނަ ދުވަހު ހަވަރު ނުކުންނަވައިގެން ހަވަރު އަޟުޙިއްޔާ ކަތިލެއްވުމަށް ރަދުން ދެއްވާގެރި ރަސްމީގޮތުގައި ހިއްޕެވުން
އިސްވަރު
ނ އިހުގައި އޮންނަ "ހަވަރު" ގެ ތެރެއިން އެންމެ އިސްބައި
އިސްތިންވަރު
ނ "ހަވަރު" ގެތެރެއިން ކުރިޔަށް އޮންނަ ތިންބައި