radheef.info
ރަދީފު


ދަރިފުޅު
ނ ދަރިއަށް ލޯބިން ކިޔާގޮތް
ދަރިފުޅު
ނ ދަރިއަށް ލޯބިން ކިޔާގޮތް
ރަންދަރިފުޅު
ނ އެންމެ ލޯބިވާ ދަރިފުޅު
ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ބޭރަށްލުން
މ (1) ތަނަކުން ނެރެލުން (2) ނޯކިރީކަމުން ވަކިކުރުން (3) ވިހައިގެން ހަތްދުވަސްވާ ދުވަހު އާދަކާދައިގެ މަތިން މައިމީހާޔާ ދަރިފުޅު ގޭތެރެއިން ބޭރަށް ނެރުން
ޅީގޮއްޔެ
ނ ޅީދަރިފުޅު
މައިމުޅަވުން
މ އަންހެން ދަރީގެ ދަރީންނަށް ކާފަ ނުވަތަ މާފައާއި މާމަގެ މުދާ ނުލިބޭގޮތްވުން )މިގޮތްދިމާވާނީ ބައްޕަ ނުވަތަ މަންމަ ދުނިޔޭގައި ހުއްޓައި އަންހެން ދަރިފުޅު މަރުވާއިރު އޭނާގެ ދަރިން ތިބުމުންނެވެ މައިމުޅަވުމޭ ކިޔަނީ މިގޮތް ދިމާވުމުން އަންހެން ދަރީގެ ދަރީން ކާފަ ނުވަތަ މާފަ ނުވަތަ މާމަގެ މުދަލުން މަޙުރޫމްވާތީއެވެ
މޭފިނިވުން
މ (1) ކަމަކާ ހާސްވެ ކަންބޮޑުވެގެން އުޅެނިކޮށް އެކަމެއް ހަމަޖެހޭގޮތްވުމުން ބުނެއުޅޭ ބަހެއް މިސާލު: އަހަރެންގެ މޭ ފިނިވީ ދަރިފުޅު ގަހު ކުރީން ތިރިޔަށް ފޭބީމައެވެ (2) ކަމަކާ ޖެހިލުންވުން
ފުތު
ނ ފިރިހެން ދަރިފުޅު
ދަނބިދަރި
ނ ދަނބިދަރިފުޅު
ދަރިކަނބަލުން
ނ އަންހެންދަރިފުޅު މިބަސް އެންމެ މާތްކޮށް ކިޔާގޮތް
ދަރިކަލުން
ނ ފިރިހެން ދަރިފުޅު މިބަސް އެންމެ މާތްކޮށް ކިޔާގޮތް
ދަރިވައްޓައިލުން
މ ކޮންމެވެސް ވަސީލަތެއްގެ ބޭނުންކޮށްގެން ބަނޑުގައި އޮންނަ ދަރިފުޅު ބަނޑުން ބޭރުކޮށްލުން
ދަރިވިއްކައިކެއުން
މ މަޖާޒު: އަންހެން ދަރިފުޅު މީހުންނާ ރައްޓެހިކުރުވައިގެން އެއްޗެހި ހޯދުން
ދަރިވިއްކުން
މ މަޖާޒު: ލާރިހޯދުމަށްޓަކައި އަންހެން ދަރިފުޅު މީހުނާ ރައްޓެހި ކުރުވުން
ދިޔަ
ނ (1) އަންހެންދަރިފުޅު (2) މޭވާއާއި ގަސްގަހާގެހީގެ ބާވަތްތައް ފެލައިލީމާ ނުކުންނަ ދިޔާބައި (3) ލައިގެންކާއެއްޗެހީގައި ހުންނަ ދިޔާބައި (4) )މ ( ރިހަ (5) ހަށިގަނޑުގެ ތަންތަން ނުބައިވެގެން ނިކުންނަފެން (6) ބޮޑުވެކުޑަވާ ފެންގަނޑު (7) ކާށީގެ އެތެރޭގައި ހުންނަފެން (8) ދިއުން މިބަހުގެ ނިމިނިމުނުކަން (9) ޙައްޤަކާ ނުލައި މީހެއްގެ ފުރާނަޔަށް ނުވަތަ ގުނަވަނަކަށް ގެއްލުމެއް ދިނުމުގެ ސަބަބުން ޝަރުޢީގޮތުން ދޭންޖެހޭ އަގު
ދެހަށިދެތަންވުން
މ މަޖާޒު: މައިމީހާގެ ބަނޑުން ދަރިފުޅު ބޭރުވުން
ދެބަފައިން
ނ ބައްޕައާއިދަރިފުޅު
ދެމާމައިން
ނ މާމައާއި މާމަދަރިފުޅު
ދެމާފައިން
ނ )ޏ ސ ( މާފައާއި މާފަދަރިފުޅު
ތުރަވުން
މ ދަރިފުޅު ނުވަތަ މަސް ބަނޑުން ބޭރުވުން
ތުއްތުދަރިފުޅު
ނ ކުޑަދަރިފުޅު