radheef.info
ރަދީފު


އެއްކުރުން
މ (1) ޖަމާކުރުން
(2) އެތައް އެއްޗެއް އެކައްޗަކަށް ވާނޭހެން ހެދުން
(3) އެކަކަށްވުރެ ގިނައަދަދެއްގެ ޖުމްލަ ހޯދުން
އެއްކުރުން
މ (1) ޖަމާކުރުން (2) އެތައް އެއްޗެއް އެކައްޗަކަށް ވާނޭހެން ހެދުން (3) އެކަކަށްވުރެ ގިނައަދަދެއްގެ ޖުމްލަ ހޯދުން
ހަވާދުލުން
މ (1) ރިހަކައްކާ ބާވަތަކާއި ހަވާދާ އެއްކުރުން (2) ފޯއްކޮށައި ފޮނިތޮށި ހަވާދާ އެއްކުރުން
ރާހިކުރުން
މ މޫދުގައި އޮންނަ މުށިމަސްގަނޑު ފަދަ މަސްމަސްގަނޑު ވަކިތަނަކަށް އެއްކުރުން
ބައްކުރުން
މ (1) ހަމަނަހަމަ ނުބަލާ މުދައު އެއްކުރުން (2) އަތުލުމަށް ނުވަތަ އެއްކުރުމަށް ހިތާ ނުވެގެން ބުނާގޮތް
ބައްދަލުކުރުން
މ (1) އެކަކު އަނެކަކާ އެއްތަން ކުރުން (2) އެކަކު އަނެކަކާ ދިމާ ކުރުން (3) ދޭއްޗެއް އެއްތަން ކުރުން (4) ކަމަކާ މަޝްވަރާކުރާން ބަޔަކު އެއްތާކަށް އެއްކުރުން
ބޮނޑިކުރުން
މ (1) އެއްޗެއް ގުޅަ ކުރުން (2) ގާތަށް ލެފުން (3) މަޖާޒު: ދަހިވެތިކަމުން ތަކެތި އެއްކުރުން
ކޮށިކުރުން
މ (1) ތޫނުކަން ކުޑަކުރުން. (2) އަނދެގެންހުރި އެއްޗެއް ނުވަތަ ލާފައިވާ ލިބާސް މައްޗަށް އުފުލައި ބޮނޑިކޮށްލުން (3) ދަމާފައި ހުންނަ ފޮތިގަނޑު އުފުލައިލުން ނުވަތަ އެއްފަރާތް ކޮށްލުން (4) ދިރޭ އެއްޗެހިތަކެއް އެއްތަނަކަށް ބޮނޑިވާގޮތަށް އެއްކުރުން
އެއްތަންކުރުން
މ (1) އެތައް އެއްޗެއް އެއްތަނަކަށް އެއްކުރުން (2) އަންހެނަކާ ފިރިހެނަކާ ޖާމިލުކުރުވުން (3) ބައްދަލުކުރުވުން
މޮޑުން
މ (1) އެއްޗެއް ނުވަތަ ތަފާތު އެއްޗެހިތަކެއް އަތުން ފިތައި އެއްކުރުން (2) ގައިގެ ތަންތަން ނުވަތަ އެއްތަންކޮޅު އަތުން ފިތައިހެދުން
ފަށްކުރުން
މ (1) އެއްފަށަށްވުރެ ގިނަފަށް އެއްކުރުން (2) ތަކުރާރުކުރުން )އެއް ފަހަރަށްވުރެ ގިނަ ފަހަރު ކުރުން
ތަޣައްޔަރުކުރުން
މ (1) ފެންފަދަ އެއްޗެއް އެހެން އެއްޗަކާ އެއްކުރުން (2) އަސްލުގޮތް ކަނޑުވައިލުން (3) އެއްޗިހިތަކެއް އެއްކޮށްގަޑުބަޑު ކުރުން
ގަޑުބަޑުކުރުން
މ (1) ތަޣައްޔަރު ކުރުން (2) އަސްލާއި އެހެން އެއްޗަކާ އެއްކުރުން (3) ޒާތުގައި ހުރިގޮތް ބަދަލުކުރުން (4) ހަމަނުޖެހުން އުފެއްދުން
ގިރުން
މ (1) ހަރުއެއްޗެއް ނުވަތަ ތަތްއެއްޗެއް ދިޔާއެއްޗަކާ ނުވަތަ އޮލައެއްޗަކާ އެކުވުން ނުވަތަ އެއްކުރުން. (2) ރާޅާއި އޮއިގެ ސަބަބުން ރަށެއްގެ ފަސްގަނޑުން އުނިވަމުން ދިޔުން (3) އޮއްޓަރު އެއްޗެއްގައި ހުންނަ ހިލަ ނުވަތަ ވެލި ވަކިކުރުމަށް ފެނަށް އަޅައިގެން ނާށިގަނޑެއްފަދަ އެއްޗަކުން ދެބައި ވަކިކުރުން (4) ފާރުގަނޑެއް ނުބައިވެގެން ހަލާކުވެގެން ދިޔުން (5) ހިރުގަނޑުގައި އުފެދޭ ބައްޔެއްގެ ސަބަބުން ހިރުގަނޑު ހަލާކުވަމުން ދިޔުން (6) މޭވާފަދަ ތަކެތި ދޮންވެ ފައްކާވެގެންގޮސް ދިޔަފައިބާވަރަށް ފާވުން (7) ވިރުން
ގުޅުން
މ (1) އެކުލެވުން (2) އެއްކުރުން (3) އެއްޗެއް އަނެކައްޗަކާ ލައިމެހުން (4) އެކުވެރިވުން (5) މުވާޞަލާތުގެ ވަޞީލަތެއްގެ ބޭނުންކޮށްގެން އެއްފަރާތަކުން ބުނާ އެއްޗެއް އަނެއް ފަރާތަކަށް އެނގޭގޮތް ހެދުން
ގުޅުވުން
މ (1) ދެއެއްޗެއް އެއްކުރުން (2) ދެމީހަކު ރައްޓެހި ކުރުވުން
ގެށުން
މ (1) ދަވާދުފަދަ އެއްޗެއްސާއި އަދި ކައްކާ ބައެއް ތަކެތި އެއްޗަކުން ހަލައި އެއްކުރުން (2) )ޏ ސ ( ބޯކުރުން