radheef.info
ރަދީފު


އެއަ
ނ އެކަނބުލޭގެ
އެއަ
ނ އެކަނބުލޭގެ
ހަށަންބަނުން
މ (1) ޙަރަމް ބަނުން (2) ވައަތް ބަނޑުގައި ޖައްސައި އެއަތުގެ ކުޑަހުޅުގައި ކަނާއަތުން ހިފެހެއްޓުން (3) ކަނާއަތްތިލަ ވައަތު ކިހިލިފަތްދޮށަށް ލުމާއިއެކު ވައަތްތިލަ ކަނާތު ކިހިލިފަތްދޮށަށް ލުން (4) މެއާ ހަމައިގައި ދެއަތުން ގޮށެއްގެ ސިފަ ޖެއްސުން އަދި މިނޫން ގޮތްގޮތަށްވެސް މިހަރަކާތް ގެނެއެވެ އަދި މިޙަރަކާތްތައް އަދަބުވެރިގޮތުން ނޫނަސް ގެނެވެ އެވެ
ހަނދު
ނ (1) ބިމުގެ ވަށައިގެން ދައުރުކުރާ ތަރިއެއް މިއީ އިރުން އެއަށް އަލިކަން ލިބިގެން ރޭގަނޑު ބިމަށް އަލިކުރާ ތަރިއެކެވެ (2) ތަރިއެއްގެ ވަށައިގެން ދައުރުކުރާ ފިޔަޖަހާ ތަރިއަކުން އަލިކަން ލިބިގެން އެތަބާވާ ތަރިއަކަށް އަލިފޮނުވައިދޭ ތަރިއެއް
ހަންޑިއަސް
ނ ހަންޑި ހުނިގޮނޑި ޒާތުގެ އެއަށްވުރެ ބޮޑު ދިރޭ އެއްޗެއް
ވަރުންއެޅުން
މ (1) ދެއެއްޗެއް ނުވަތަ އެއަށްވުރެ ގިނަ އެއްޗިހިތަކެއްގެ މޮޅުދެރަ ނުވަތަ ގިނަ މަދުމިނުން ނުވަތަ ދިގު ކުރުމިނުން ނުވަތަ ބޮޑު ކުޑަ މިނުން އަޅައިބެލުން. (2) ބައިބެހުމަށްޓަކައި ބަޔަކު މޮޅުދެރަ ނުވަތަ ދިގު ކުރުމިނުން ހަމަ ހަމަ ވާގޮތަށް ބައިތިއްބުން
މިނިކާވަގު
ނ އިންސާނުންގެ މަސްކައިއުޅޭ ޖަނަވާރެއް މިއީ ބުޅަލާ ވައްތަރު އެއަށްވުރެ މާބޮޑު އެއްޗެކެވެ
ހައް
ނ (1) ދިގުއޮޑިކޮށް އޮންނަ ލަކުޑިކޮޅެއްގައި ދެލޯވަޅު ތޮރުފާފައި އެއްލޯވަޅުން ކުސަފުރާފައި އަނެއް ލޯވަޅުން ވާލައްވާން ހުންނަ ކައްޕިފަދަ އެއްޗެއް. (2) ގުޑިވައިގައި ހިއްޕުމަށްޓަކައި ދަނޑިއެއްގެ ކުރީގައި ހަކެއްފަދަ އެއްޗެއް ހަރުކޮށް އެއަށް ދިދައިގެ ވާ ފަދައިން ވަލެއްލައްވައި ކޮޅަށް ޖަހައިފައި ހުންނަ ދިގު ދަނޑި (3) ސަންގު (4) ސަންގާ ވައްތަރު ކޮންމެ އެއްޗެއް
ހަވަރުކެނބު
ނ ބޮޑެތިފަލަ ކެނބު އިހުގައި މިކަހަލަ ފަލަ ކެނބު އަޅަނީ ހަވަރު ނުކުންނަވައިގެންނެވެ އެއަށް މިނަން ކިއުނީ މިހެން ވެގެންނެވެ
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ހިރިފާޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިއީ ކުއްޅަފިލާ ވައްތަރަށް ހުންނަ ވަރަށް ކުޑަކުޑަ ހުދުމަލެއް އަޅާ ގަހެކެވެ ބޮޑުމިންވާނީ ގާތްގަނޑަކަށް ދެހިންޗި ހާވަރެވެ ފަތްވެސް ހުންނާނީ ކުއްޅަފިލާ ފަތް ހުންނަ ގޮތަށް އެއަށްވުރެ ކުދިކޮށެވެ
ހިރުކޭތަލަ
ނ (1) ހިއްތަލަފާޑަށް ބިމަށް ފައިބާ ކާބާވަތުގެ ގޮނޑިއެއް މީގެ ގަހަކީ ހިއްތަލަގަސް ފާޑުގެ އެއަށްވުރެ ބޮޑު ގަހެކެވެ މީގެ މާގަނޑު ފޮޅޭއިރު ވަރަށް ނުބައިވަސް ދުވާނެއެވެ (2) އިރުކޭތަލަ
ހިކަ
ނ ކުޑަކުދީން ކުޅޭ ކުޅިވަރެއް. މިއީ ކުޑަކުދީން ހިކަކީ ކުއްޖާ އަތުލާން ދުވެދުވެފައި ކުޅޭކުޅިވަރެކެވެ ހިކަކީ ކުއްޖާ އަތުލައިފިނަމަ އެއަތުލީ ކުއްޖަކަށް ހިކަލިބުނީއެވެ މިކުޅިވަރު މޫދުގަވެސް އެއްގަމުގައިވެސް ކިތަންމެ ގޮތަކަށް ކުޅެއެވެ
ހިތިދަނޑި
ނ ބޭހަށް ގެންގުޅޭ ހިތިރަހަލާ ހިމަދަނޑިއެއް މިއީ ރާއްޖެއިން ބޭރުން ގެންނައެއްޗެކެވެ މީގެ ގަސްހެދެނީ އޮނު ހުންނަ ގޮތަށް ބަދަބަދަލައިފައި ބަދަތައް ވަރަށް އޮމާން ކޮށެވެ ބަދަތައް ހުންނަނީ ހިމަކޮށެވެ ގާތްގަޑަކަށް ކުޑަވާއިނގިއްޔެއްހާ ފަލަމިނެއްގައެވެ ފަތްތައްވެސް ހުންނަނީ އޮނުފަތާ ވައްތަރުކޮށް އެއަށްވުރެ ކުދިކޮށެވެ މިގަސް ހެދެނީ ގާތްގަނޑަކަށް 5 ފޫޓެއްހާވަރަށެވެ އިނގިރޭސިބަހުން މިގަހަށް ކިޔަނީ ސިންކޯނާއެވެ
ހިތިދަމުއި
ނ ދަމުއިގެ ބާވަތެއް މިދަމުއި ހުންނާނީ ދިރިއާ ވައްތަރުކޮށް ދިރިފުކެއްގެ ދެބައިކުޅަ އެއްބައިވަރަށެވެ މިއަށް ހިތިދަމުޔޭކިޔަނީ ހިތި ކައްކާއިރު އެއަށް އަޅަން ބޭނުންކުރާ އެއްޗަކަށްވާތީއެވެ
ހިލަނބަށްދިއުން
މ ފިރިހެނަކު ބޭރު ރަށަކުން މީހަކާ އިނދެފައި ރަށަށްއައިމާ އެފިރިހެނެއްގެ ޢާއިލާގެ މީހުން )މައިންބަފައިން ފިޔަވައި( އެއަންހެނަކުބަލައި އެމީހެއްގެ ރަށަށް ދިއުން
ހިލަމާދިއުން
މ )ބ ( (1) ބޭރުރަށްރަށުގައި ނުވަތަ ރަށުގެ އެހެން އަވަށެއްގައި ކާވެނިކުރުމުން އަންހެންމީހާގެ ގެނައުމަށް އެރަށަކަށް ނުވަތަ އެއަވަށަކަށް ބަލައިދިއުން (2) ބޭރުރަށްރަށުގައި ކުރާ ބޮޑެތި މަސައްކަތުގެ ޚަބަރުއިވިގެން ނުވަތަ އެހެން އަވަށެއްގައި ބޮޑުމަސައްކަތް ކުރާތީ އެކަމަށް ތަރުޙީބު ދިނުމަށް ހުރި އޮޅު ނުވަތަ ކޭން ހިފައިގެން ދިއުން
ހުނގުގަސް
ނ އިރުމަތީގެ ޤައުމުތަކުގައި ހެދޭ ކެރެޓްއާއިލާގެ ގަހެއް މިގަހުން ނުބައިވަސްދުވާ ތަތްކިރެއް ނެގެއެވެ އެކިރަކީ ބޭހަށް ބޭނުންކުރާ އެއްޗެކެވެ އެއަށް ކިޔަނީ ހުނގެވެ
ހުޅައްފަނި
ނ )ސ ( (1) ކިލާފަނީގެ ބާވަތެއް މިހުންނާނީ ކިލާފަންޏަށްވުރެ ކުލަގަދަކޮށް އެއަށްވުރެ ތަންކޮޅެއް ފަލަކޮށެވެ ތުންކޮޅު ހުންނާނީ ހުރަހަށް ބުރިކޮށްލީމާ ހުންނަހެންނެވެ (2) ފެންހަރުފަ
ހުކުރެދި
ނ ބޭހަށް ބޭނުންކުރާ ފަތްޕިލާވެއްޔެއް މިއީ ގާތްގަޑަކަށް ދެފޫޓުބަޔަށް ހެދޭގަހެކެވެ ފަތްތައް ހުންނާނީ ކުރަދިފަތާއި ވައްތަރުކޮށް އެއަށްވުރެ މާތުނިކޮށެވެ
ހުލި
ނ (1) ގަސްގަހުގައިއަޅާ އާދައާއި ޚިލާފަށްކުދިވެ ބޭނުންނުހިފޭގޮތްވެފައި ހުންނަވައް. (2) މަދުނުހުންނައޮށް. (3) ގަސްގަހުގައި އަޅާއެއްޗެތި ފުރިހަމަވާއިރު އެއަށްލިބޭންވީ ސިފަ އުނިވެފައިވާ ބާވަތް. (4) އެނދުމުގެ ސަބަބުން ނެތިގެންދާ ދިއުން. (5) ހުދުކާފޫރާއި ކަރުބޮލަކު ފަދަތަކެތި އާތްވަށްވެގެންދާ ދިއުން. (6) ލޮނުމެދު ކާފޫރުތޮޅި ފަދަތަކެތި ހިކެމުން ކުޑަވަމުންދާ ދިއުން. (7) މަޖާޒު: ވިޔަފާރީގައި ގެއްލުންވަމުންދާ ދިއުން. (8) ނއ. ހިމަ ކަމީނާ ކުޑަ މިބަސްބޭނުންކުރަނީ ފުރާނަހުރި ތަކެއްޗާ މެދުގައެވެ
ހުލިވުން
މ (1) ގަސްގަހުގައިއަޅާ މޭވާ ފަދަ ތަކެތި އާދަޔާ ޚިލާފަށް ކުދިވެ ބޭނުން ހިފޭގޮތް ނުވުން. (2) މަދުހުންނަ އޮށުގައި މަދުނެތުން. (3) ގަސްގަހުގައި އަޅާއެއްޗެތި ފުރިހަމަވާއިރު އެއަށް ލިބޭންވީ ސިފަ އުނިވެފައިވުން. (4) އެނދުމުގެ ސަބަބުން ނެތިގެން ދިއުން. (5) ހުދުކާފޫރާއި ކަރުބޮލަކުފަދަ ތަކެތި އާތްވަށް ވެގެން ދިއުން. (6) ލޮނުމެދު ކާފޫރުތޮޅިފަދަ ތަކެތި ކުޑަވަމުން ދިއުން. މަޖާޒު: (7) ވިޔަފާރީގައި ގެއްލުންވަމުން ދިއުން. (8) ނއ. ހިމަ ކަމީނާ ކުޑަ މިބަސްބޭނުން ކުރަނީ ފުރާނަހުރި ތަކެއްޗާ މެދުގައެވެ