radheef.info
ރަދީފު


އަކު
އކ ޔަޤީންކޮށް ދިނުމަށް ނުވަތަ ނަކިރާ ކުރުމަށް ގެންނަ އަކުރެއް
މިސާލު: )ހ( އޭނާ ރަށަކުނެތް
 )ށ( ތިޔަ ވާހަކައެއް ފޮތަކުނެތް
)ނ( މީހަކު އަތުވެއްޖެ
އަކު
އކ ޔަޤީންކޮށް ދިނުމަށް ނުވަތަ ނަކިރާ ކުރުމަށް ގެންނަ އަކުރެއް މިސާލު: )ހ( އޭނާ ރަށަކުނެތް )ށ( ތިޔަ ވާހަކައެއް ފޮތަކުނެތް )ނ( މީހަކު އަތުވެއްޖެ
ހ
އ ތާނައިގެ ފުރަތަމަ އަކުރު
ހަ
ނއ ޢަދަދުގެ ގޮތުން ހައެއްކަން ދޭހަކޮށްދޭ އަކުރު މިސާލު: (ހ) ހަގޮނޑި (ށ) ހަދުވަސް (ނ) ހަދޯނި
ހަށަނަރަ
ނ (1) ތާނައިގެ އަލިފުބާ (2) ތާނައިގެ އަކުރުތަކަށް އެއްކޮށް ކިޔާ ނަން
ހަށަބަސް
ނ ހަށަނަރަބަޅައިގެ ތަރުތީބުން ޖެހިޖެހިގެން އޮންނަ ދެއަކުރު އެއްއަކުރު އަނެއްއަކުރާ ބަދަލުކޮށްގެން ވާހަކަދައްކާ ބަސް މިސާލު: )ހ( ތުއްތުދީދި )ލުއްލުފީފި( )ށ( މޫސާފުޅު )ވޫޑާދުބު( )ނ( ހުސައިން ދީދީ )ށުޑެންފީފި(
ހަނދު
ނ (1) ބިމުގެ ވަށައިގެން ދައުރުކުރާ ތަރިއެއް މިއީ އިރުން އެއަށް އަލިކަން ލިބިގެން ރޭގަނޑު ބިމަށް އަލިކުރާ ތަރިއެކެވެ (2) ތަރިއެއްގެ ވަށައިގެން ދައުރުކުރާ ފިޔަޖަހާ ތަރިއަކުން އަލިކަން ލިބިގެން އެތަބާވާ ތަރިއަކަށް އަލިފޮނުވައިދޭ ތަރިއެއް
ހަކިގޮޅާ
ނ ގޮޅާގެ ބާވަތެއް. މިގޮޅާގެ ބޭރުގައި ނުސާފު ހުދުކުލައަކާއި ފެހިމުށި ކުލައަކާއި ކަޅާއި އަދި ދަނބުކުލައަކުން ކުރެހުން އެޅިފައިވެއެވެ އަނގަމަތި ހުންނަނީ ހުދުކުލައިގައެވެ
ބ
އ ތާނައިގެ ފަސްވަނަ އަކުރު
އޭ
ނއ (1) އެއީ އ (2) މީހަކަށް ގޮވައިލާން ކުރިއަށްގެންނަ އަކުރެއް (3) އޭތް (4) އޯތް
އޭހޭ
އ (1) މީހުންނާއި ދިމާޔަށް ރަކިކޮށްލާން ބުނާއަކުރެއް (2) އެއީހޭ
ވަރިފަރީގު
ނ ދެމަފިރިއަކު ދުރުކުރުވުމަށް ނުވަތަ ވަރިކުރުވުމަށް ހަދާއުޅޭ ބާވަތުގެ ފަންޑިތައަށް ބޭނުންކުރާ ބަންޖެއް
ހަމައެކަނި
އ (1) އެނޫން އެހެން އެއްވެސް އެއްޗެއް ނުވަތަ ކަމެއް ނުވަތަ މީހެއް ނެތްކަން ބަޔާންކޮށް ދިނުމަށް ބުނެއުޅޭ އަކުރެއް މިސާލު: )ހ( ބުނީ ހަމައެކަނި އެހެން )ށ( އައީ ހަމައެކަނި އޭނާ )ނ( ބޭނުންވަނީ ހަމައެކަނި ގަލަމެއް (2) އެކަނި މިބަސް ގަދަކުރުމަށް ބޭނުންކުރާގޮތް
ހަތަރު ބީރުންގެ ވާހަކަ
(މިސާލުބަހެއް) ހަތަރުބީރުން ދެއްކިކަމުގައި ބުނެވޭ ވާހަކައެއް. މީގައި އެކަކު ކިޔާ އެއްޗެއް އަނެކަކަށް އޮޅުން ނުފިލައިގެން އެކި މީހުން ދެއްކީ އެކި ވާހަކައެވެ. ބައަކު މިބާވަތަށް ވާހަކަ ދައްކަންޏާ މިސާލަކަށް ބުނެއުޅެނީ "އެ ދައްކަނީ ހަތަރު ބީރުންގެ ވާހަކަ" އެވެ.
ހަލުވިދާނަރު
ނ ހަލުވިދާ ކައްކާން ގެންގުޅޭ ފުސްކުލައިގެ ފަށްތަކެއް މިއީ ކަނޑުގެ ވިނައަކުން އުފައްދާ އެއްޗެކެވެ
ހާޖިސް
ނ ހިސާބުއަކުރު ޖެހުމުގައި ދެއަދަދެއް ވަކިކުރުމަށް އެދޭތެރޭގައި ޖަހާވަކި
ހިރިކުއްޅަ
ނ ބޭހަށް ބޭނުންކުރާ ފަތްޕިލާވެއްޔެއް. މިފަތް ހުންނާނީ ތަނޑެއްނެތި ގަހުން ފަޅައިފައެވެ. މިފަތުގެ ސިފަ ހުންނަނީ ކުއްޅަ ފިލާފަތާ ވައްތަރު ގޮތަކަށެވެ. މާހުންނަނީ މަލުގެ ބުޑު ފެހިކޮށް ފިޔަތަކަށް ފެށޭ ހިސާބު މަޑުފިޔާތޮށި ކުލައަކުން ފެށިގެން ކުލަގަދަވަމުންގޮސް މަލުގެ ކުރީކޮޅު ވައިލެޓު ކުލައިގައެވެ ފިޔަތައް ހުންނާނީ ނަރުތަކެއްހެއް ހިމަކޮށެވެ
ހިރު
ނ (1) އަނގައިގެ ދަތްތައް ހިފެހެއްޓުމަށް ހުންނަ މަސް (2) އެއްޗެހި ޒީނަތް ކުޅައުމަށް ނުވަތަ ކުރެހުމުގައި ބޮޑުކޮށް ފާޅުކޮށް ހުންނަ ކޮންމެ ކުލައެއްގެ ނުވަތަ ރޮނގެއްގެ ކައިރީގައި އެހެން ކުލައަކުން ދަމާ ހިމަ ރޮނގު މިސާލު: )ހ( ފޭލީގެ ހިރު )ށ( ދަމާ ފޮތިގަނޑުގެ ހިރު (3) ބޯވަޅުގައި ހަރުކުރާން ކަސަބުން ނުވަތަ ބަރަނިން ހަނިކޮށް ފަތިކޮށް ގަތާ ފަށް
ހިރުދެމުން
މ އެއްޗެހި ޒީނަތްތެރިކުރުމުގައި ނުވަތަ ކުރެހުމުގައި ބޮޑުކޮށް ފައުޅުކޮށް ހުންނަ ކޮންމެ ކުލައެއް ނުވަތަ ރޮނގެއްގެ ކައިރީގައި އެހެން ކުލަ އަކުން ހިމަރޮނގު ދެމުން
ހިތިވުން
މ (1) ހިތިރަހަދިނުން (2) މަލާއި މޭވާފަދަ ތަކެއްޗަށް ލިބޭ ހާނީކައަކުން އޭގެ ރަހަޔާއި ވަސް ބަދަލުވުން (3) މަޖާޒު: ނުބައިވުން
ހިތްގަދަ
ނއ (1) އަނެކާއަށްލިބޭ ހިތާމައަކުން ނުވަތަ ހާނީއްކައަކުން އަސަރު ނުކުރާ (2) ކޮންމެ ފަދަ ކަމެއް ކުރުމަށް ވެސް ޖެހިލުމެއްނުވާ
ހިތްގަދަކަން
ނއނ (1) އަނެކާއަށް ލިބޭ ހިތާމައަކުން ނުވަތަ ހާނީއްކައަކުން އަސަރު ނުކުރާކަން (2) ކޮންމެ ފަދަ ކަމެއް ކުރުމަށްވެސް ޖެހިލުން ނުވާކަން