radheef.info
ރަދީފު


ހަމައެކަނި
އ (1) އެނޫން އެހެން އެއްވެސް އެއްޗެއް
ނުވަތަ ކަމެއް ނުވަތަ މީހެއް ނެތްކަން ބަޔާންކޮށް ދިނުމަށް ބުނެއުޅޭ އަކުރެއް
މިސާލު: )ހ( ބުނީ ހަމައެކަނި އެހެން
)ށ( އައީ ހަމައެކަނި އޭނާ
)ނ( ބޭނުންވަނީ ހަމައެކަނި ގަލަމެއް
(2) އެކަނި މިބަސް ގަދަކުރުމަށް ބޭނުންކުރާގޮތް
ހަމައެކަނި
އ (1) އެނޫން އެހެން އެއްވެސް އެއްޗެއް ނުވަތަ ކަމެއް ނުވަތަ މީހެއް ނެތްކަން ބަޔާންކޮށް ދިނުމަށް ބުނެއުޅޭ އަކުރެއް މިސާލު: )ހ( ބުނީ ހަމައެކަނި އެހެން )ށ( އައީ ހަމައެކަނި އޭނާ )ނ( ބޭނުންވަނީ ހަމައެކަނި ގަލަމެއް (2) އެކަނި މިބަސް ގަދަކުރުމަށް ބޭނުންކުރާގޮތް
ހަތްއަޖައިބު
ނ ގަދީމީ ޒަމާނުގައި މީހުން ކޮށްފައިވާ ބިނާތަކާއި ހަދައިފައިވާ ތަކެތީގެ ތެރެއިން އާދަޔާ ޚިލާފުކަމަށް ފާހަގަކޮށްލެވޭ ބައެއް ތަންތަނަށާއި ތަކެއްޗަށް ކިޔާނަމެއް. މިތަންތަނާއި ތަކެއްޗާމެދު އެކި މީހުންގެ ޚިޔާލު ތަފާތެވެ. މިތާނގައި މި ފާހަގަކުރާ ތަންތަނާއި ތަކެތި އެންމެ ފުރަތަމަ ފާހަގަކުރީ ޢީސާގެފާނުގެ 052 އަހަރުކުރިން ޞައިދާގެ )މިހާރުގެ ލުބުނާނުގެ ދެކުނު ރަށެއް( އެއްޓިޕޭޓަރއެވެ. (1) މިޞްރުގެ ޖީޒާގައިވާ އަހުރާމުތައް. މިތިން އަހްރާމްތެރޭގައި ހިމެނޭ އެންމެ ބޮޑު އަހްރާމަކީ ޢީސާގެފާނުގެ 0052 އަހަރު ކުރިން ބިނާކުރެވުނު ޚޫފޫއަހްރާމެވެ. މިއަހްރާމުގެ އުސްމިނަކީ 084 ފޫޓު 11 އިންޗިއެވެ. ހެދިފައިވަނީ 000 003 2 ހިލައިންނެވެ ކޮންމެ ހިލައެއްގައި 2/12 ޓަނުގެ ބަރުދަން ހުރެއެވެ ހަތްއަޖައިބުގެ ތެރެއިން ހަލާކުނުވެ މިވަގުތަށް ހުރީ ހަމައެކަނި އަޙްރާމުތަކެވެ (2) ޢިރާޤުގެ ބާބިލް ސަހަރުގައި އޮތ ްސެމިރާމިސްގެ އެލިފައިވާ ބަގީޗާ މިތަން ހެދިފައިވަނީ ޢީސާގެފާނުގެ 006 އަހަރުކުރިންނެވެ (3) ގްރީސްގެ އޮލިމްޕިޔާ ސަހަރުގައި ހުރި ޒިއަސްގެ 04 ފޫޓޫގެ އުސް ބުދު މި ބުދު ހެދިފައިވަނީ ޢީސާގެފާޏުގެ ފަސްވަނަ ސައްތައިގައި ރަނާއި އެތުދަތާއި މަރުމަރު ހިލައިންނެވެ (4) ކްލޯސަސް އޮފްރޯޑްސްގެ ނަމުން މަޝްހޫރުވެފައިވާ ހިލިއޫސް )ނުވަތަ އެޕޯލޯ( ގެ ބުދު 711 ފޫޓުގެ އުސް މިބުދު ހެދިފައިވަނީ ޢީސާގެފާނުގެ 082 އަހަރުކުރިންނެވެ މި ބުދު ހަދައިފައިވަނީ ލޮއިންނެވެ (5) އާޓިމިސްގެ ފައްޅި: މިތަން ބިނާކުރެވުނީ ޢީސާގެފާނުގެ 053 އަހަރުކުރިން )މިހާރުގެ ތުރުކީވިލާތުގެ( އިޕިސަސް ސަހަރުގައެވެ (6) މަޔޭ ސޯލަސް ދުރަސްގެފާނުގެ މަޤްބަރާ: 331 ފޫޓުގެ އުސް މި މަޤްބަރާ ހެދުނީ ޢީސާގެފާނުގެ 253 އަހަރުކުރިން )މިހާރުގެ ތުރުކީގެ( ހެލިކާރުނާސަސްގައެވެ (7) އިސްކަންދަރިއްޔާ ބައްތި: 054 ފޫޓު އުސް މި ބައްތި ހެދިފައިވަނީ މިޞްރުގެ އިސްކަންދަރިއްޔާގެ އައްސޭރީގައިވާ ކުޑަކުޑަ ޖަޒީރާއެއްގައި ޢިސާގެފާނުގެ 082 އަހަރުކުރިންނެވެ މިބައްތި ހަލާކުވީ އެހިސާބަށް އައި ވަރުގަދަ ބިންހެލުމެއްގައެވެ
ހުސް
ނއ (1) އެއްޗެއްނެތް މިސާލު: މިއީ ހުސްފުޅިއެކޭ ބުނެފިނަމަ އެއީ އެއްޗެއްނެތް ފުޅިއެކެވެ (2) މުޅީން (3) އެކީ މިސާލު: މިދަތުރުގެނައީ ހުސްހަކުރޭ ބުނެފިނަމަ އެއީ މިދަތުރު ގެނައީ މުޅިން ހަކުރެވެ ނުވަތަ މިދަތުރު އެކީގެނައީ ހަކުރެވެ (4) މީހަކުނެތް މިސާލު: ހުސް މަޤާމް (5) ހަމައެކަނި މިސާލު: ކެއީ ހުސްބަތް
ނާނާ
ނ (1) ހަމައެކަނި އަޑުން އަޅުވާލާ ރާގު މިސާލު: ނާނަޔޭނާނާ އޫނ އޫނ އޫނ (2) ކުދިން ނިންދަވަން ކިޔާލަވަ (3) އ ނޫނެކޭ ބުނުން ގަދަކުރުމަށް ބުނާގޮތް (4) މަޖާޒު: ކިޔާއެއްޗެއް ނުފިލާގޮތަށް ނުވަތަ އަޑުއަހާމީހުން ފޫހިވާ ގޮތަށް ދައްކާވާހަކަ (5) ކިޔާއެއްޗެއް އޮޅުން ނުފިލާގޮތަށް ކިޔާ އެއްޗެހި
ނާނާކިއުން
މ (1) ކުދިން ނިންދަވާން ލަވަކިއުން (2) ހަމައެކަނި އަޑުން ރާގުއަޅުވައިލުން
ކުޅަދުންވަންތަ
ނއ ކުޅަދާނަ މިބަސްބުނެއުޅެނީ ހަމައެކަނި މާތްކަލާނގެ ރަސްކަންފުޅަށް ނިސްބަތްކޮށެވެ
ކުޅަދުންވަންތަކަން
ނއނ ކުޅަދާނަކަން މިބަސްބުނެއުޅެނީ ހަމައެކަނި މާތްކަލާނގެ ރަސްކަންފުޅަށް ނިސްބަތްކޮށެވެ
ކޮށު
އ (1) އިހުގައި ވެރިކަމުގެ ފަރާތުން ކަމަކަށް ކުރައްވާ އަމުރު ގަދަކުރުމަށް ޖުމުލަ ނިންމާ އަކުރު މިއަކުރު ބޭނުންކުރަނީ ހަމައެކަނި ލިޔުމުގައެވެ މިސާލު: )ހ( ދީފަނީކޮށު )ށ( މިވެނި ކަމެއްނުކުރަނީކޮށު
ކޮނޑުމައު
ނ (1) ފުރަތަމަ ޤާނޫނު އަސާސީ ފާސްވެގެން ވަޒީރުން ތުރުކުރެއްވި ކިނާރީއެޅި ހެދުންކޮޅުގައި ކޮނޑުމަތީގައި ހުންނަ މަޚުމާފަށް ކިލެގެބޭކަލެއްނަމަ މަޚުމާފަށުގެ މެދުގައި ރަންކުލައިގެ ތަރިއެއްހުރެއެވެ މިއީ ރަތުލޮއިން ހަދައިފައިހުންނަ އެއްޗެކެވެ ކިލެގެބޭކަލެއްނޫންނަމަ ހުންނަނީ ހަމައެކަނި މަޚުމާފަށެވެ (2) ސިފައިންގެ ޔުނިފޯރމުގައި ކޮނޑުމައްޗަށް އަރާފައި ހުންނަ ނިޝާން
އަރުދު
ނ ތިންމައިގަނޑު ވިޔަ ހަދާއިރު ހަމައެކަނި ގުނަކޮށްގެން ޖަވާބު ހޯދާ ގޮތަކަށް ކިޔާނަމެއް މިސާލު: ފަސްލާރިއަށް ދެވައްކެޔޮ އަގުން ބާރަވަކަށް ވާނޭ އަގު ހޯދާނަމަ ފަންސަވީހާއި ބާރަޔާއި ގުނަކޮށް ނިކުތް އަދަދު )ތިންސަތޭކަ( ކަނާތް ފަރާތުން އެއް އަކުރު ކަނޑާލީމާ އޮންނާނީ )ތިރީސްލާރިއެވެ ( މިއީ ބާރަ ވަކަށް ވާނޭވަރެވެ
އަމިއްލައެދުން
މ ހަމައެކަނި ތިމާޔަށްމޮޅުވާގޮތް ހޯދުމަށް އެދޭ އެދުން
އުޑަފައިން އިނުން
މ އެއްވެސް ތަނެއްގައި ފިނދުމަސްގަނޑު ނުޖެހި ހަމައެކަނި ދެފައިގެ ބާރުގައި އިނުން މިގޮތަށް އިންނައިރު ހުންނާނީ ދެފައިގެ ކުޑަކަޅުވާ މަހުގައި މާކަޅުވާމަސް ޖެހިފައެވެ
މަސްމާރުކޭޓް
ނ ހަމައެކަނި މަހުގެ ބާވަތްތައް ވިއްކާތަން
މަޖާކުރުން
މ މާބޮޑު މަގުސަދެއްނެތި ހަމައެކަނި އުފާކުރުމުގެ ގޮތުން ސަމާސާ ކުރުމާއި ކުޅިވަރު ކުޅުމާއި ސަކަރާތް ގަތުން
މާގަސް
ނ (1) މޭވާއެއްނާޅާ ހަމައެކަނި މާ އަޅާގަސް (2) މާގަހާ އެއްގޮތަށް ހަދައިފައި ހުންނަގަސް
މުފަރަދުބޭސް
ނ ދިވެހިބޭހުގެ ބާވަތްތަކުގެ ތެރެއިން އެހެން އެއްޗެއް ބޭނުން ނުކޮށް ހަމައެކަނި އެއެއްޗަކުން ބޭސް ހެދޭއެތި. މިސާލު: އެސްމާ ތަކޫވައް
ދޮޅިޖެހުން
މ ހަމައެކަނި މޫނު ފެންނަގޮތަށް ނަމާދުފޮށާ ބޮލުގައި އެޅޭނެގޮތް ހެދުމަށްޓަކައި ދަތްދޮޅިއާ ހަމައިން ތިރިއަށް ތަންކޮޅެއް ފަހައިލުން ނުވަތަ ދަތްދޮޅިން ފެށިގެން ތިރިއަށް ފަހައިލުން
ފުދިވޮޑިގެންވުން
މ އެހެން އެއްޗަކަށް ބޭނުންވެ ވޮޑިގެން ނުވުން )މިބަސް ބޭނުންކުރަނީ ހަމައެކަނި މާތްﷲ އަށް ނިސްބަތްކޮށެވެ
ދުންބަޑި
ނ (1) ވަޒަންނުލައި ހަމައެކަނި އަޑުއިވޭގޮތަށް ޖަހާބަޑި މަޖާޒު: (2) ނަތީޖާއެއްނެތް ޢަމަލު
ތޫނބީ
ނ )ގ ( މީދާއަތުލުމަށް އުނބުންނުވަތަ ފަނުން ނުވަތަ ފަތުންހަދާ ހޮހަޅައެއް މިތަންހަދައިފައިހުންނީ ހަމައެކަނި ހޮހަޅައިގެ ތެރެއަށް މީދަލަށް ވަދެވޭވަރަށް ކުޑަތަންކޮޅެއް ބަހައްޓައި މަތިބަންދުކޮށްފައެވެ އެތެރެއަށް މީދާ ވަނުމުން މަތިން ދާޖަހައިގެން ހައްޔަރުކޮށް މީދާ އަތުލަނީއެވެ
ގުރާމޮށުން
މ މަޖާޒު: (1) ތިމާގެ އަމިއްލަ ޚިޔާލެއްނެތި އަނެކަކު ބުނާހާ އެއްޗެއް ބުނުން (2) ތިމާގެ އަމިއްލަ ޚިޔާލެއް ނުވަތަ އިތުރު މަޢުލޫމާތެއް ހޯދުމެއްނެތި ހަމައެކަނި ތިމާދަސްކޮށްފައިވާ ގޮތަކަށް އެއްޗެއް ކިޔުން