radheef.info
ރަދީފު


ނީ
ނ (1) ހަނޑޫފަދަ ތަކެތި ފޮޅީމާ ނެގޭ އެންމެ ހިމުންބައި (2) އޮޑި ފަހަރުގެ ކުނބުގެ ކުރީގައި ސާމޯރުޖަހަން ހިމަކޮށްފައި ހުންނަ ތަންކޮޅު (3) ބދ ކުރީކޮޅު
މޭޒު
ނ ލިޔެ ކިޔުމުގައި ފޮތްތައް ބެހެއްޓުމަށާއި ކައިބޮއި އުޅުމުގައި ތަށިތައް ބެހެއްޓުމަށާއި މިނޫންވެސް މިބާވަތުގެ ކަންތަކަށް ބޭނުންކުރާ ފައިޖަހައިފައިވާ މަތިހަމަ ފަރުނީޗަރެއް
މޮހޮރުވަޅަށްޖެހުން
މަޖާޒު: މީހަކާނީނދެ އަލަށްހުރި ފިރިހެން ކުއްޖަކު މީހަކާ އިނދެ ވަރިވެފައިވާ އަންހެނަކާ އިނުން
މޮޅިހަރުބީ
ނ ރަދުން ޢިއްޒަތުގައި ތަނަކަށް ވަޑައިގަތުމަށްފަހު ގަނޑުވަރަށް އެނބުރި ވަޑައިގަންނަވާއިރު ފުމޭ ހަރުބީއެއް )މިހަރުބީއަށް މޮޅިހަރުބީއޭ ކިޔަނީ ހިތާމަވެރި ރާގަކަށް ޖަހާހަރުބީއެއް ކަމުގައިވާތީއެވެ
މޮޔަހީވުން
މ (1) ކުރެވިފައިވާ ކަމަކާމެދު ފަހުން ހިތާމަކުރުން (2) ފަހުން ދެރަވާންޖެހޭކަހަލަ ކަމެއް ކޮށްގެން އެކުރެވުނީ ގޯސްކަމެއްކަން އެނގުން
މޯގޭޖް
މ ދަރަންޏަށް ތަކެތި ނަގާއިރު ގެދޮރާއި މުދައު ބަހައްޓާ ބެހެއްޓުން މިގޮތަށް ބަހައްޓަނީ ދަރަނި އަނބުރާ ދެއްކީމާ އެތަންތަނަށްލިބޭ ގޮތަށެވެ
ފަހުން
ކއ (1) "ކުރިން" މިބަހުގެ އިދިކޮޅު. (2) އެކަމެއް ހިނގީ ނުވަތަ ހިނގާނީ ފަހުގެ ވަގުތެއްގައިކަން އެންގުމަށް ބުނާގޮތެއް މިސާލު: މައްކާ ފަތަޙަކުރެއްވީ ހިޖުރައިގެ ފަހުންނެވެ (3) ލަހުން
)މުސްކުޅިބަހެއް( އެއްވައްތަރެއްގެ ކަމެއްކުރާ ބައެއްގެ ތެރެއިން އެންމެ ފަހުން ކުރާ ކަންތައް ރަނގަޅުވާނެކަން އަންގައިދިނުމުގެ ގޮތުން ބުނެއުޅޭ ބަހެއް މިބަސް ގިނައިން ބޭނުންކުރަނީ ކެއުމާއި ގުޅިގެންނެވެ ފަހުން ކިޔާ މާލޫދު މޮޅުވާނެއެވެ
ފަހުރުއްދަނޑި
ނ ޖަހާ ދޯނިކޮޅުގައި ދަމައިފައި ހުންނަ ރިއްސެއު ފަށެއް މިފަށް ހުންނާނީ މަތިކަނުގެ ބޭރުފަރާތުގައި އަޑިކޮށް ނަގައިފައި ހުންނަ ފަށެއްގެ ތެރޭގައެވެ
ފަހެ
އ (1) އަނެކަކު ބުނާ އެއްޗަކާ އެއްބަސްވެ ބާރުލުމުގެ ގޮތުން ބުނާ ބަހެއް. (2) ތިމާ ބުނާ އެއްޗަކަށް ބާރުދިނުމުގެ ގޮތުން ބުނާ ބަހެއް. މިސާލު: ފޫއްސެއް ފަހެ ނުވޭތަ؟! (3) އެހެނީ. (4) އެބަހީ. (5) ދެޖުމްލައެއް ގުޅާލުމުގައި ބަސްގަދަކޮށްލުމުގައި އަދި "އާނ!" "އެހެންޏާ!" މިދެބަހާ ގުޅުވައިގެންވެސް މިބަސް ބޭނުންކުރެވެއެވެ
ފަށުވި
ނ ފަށުއިފަނީގެ ދަވައިން އުފެދޭ ހިމަފަށްތަކެއް
ފަށް
ނ (1) ރޮދި ރޯނު ކަންވާރުފަދަ އެއްޗެއްގެ ދިގު އެތިކޮޅެއް (2) ކަރުގައި އަޅަން މަޢުދަނީ ތަކެތިން ހަދައިފައި ހުންނަ ފަށްވަރު (3) ތަކުރާރުވާގޮތަށް ހިނގާ ކޮންމެ ކަމެއްގެ ފަހަރެއް (4) ފޮތި ފަދަ އެއްޗެހި މަޅައިފައި ހުންނައިރު އެއިން ބައެއް (5) ތަންތަނުގައި ނުވަތަ އެއްޗެހީގައި ތަފާތު ކުލައަކުން ހިމަދިގުކޮށް ފަވައިފައި ހުންނަ ފެވުން (6) އުޅި
ފަށްއެޅިގަމީސް
ނ ރާއްޖޭގެ ސިފައިންނަށް ޚާއްޞަ ކުރެވިފައި އޮތް ގަމީހެއް )މިއީ ހުދު ގަމީހެކެވެ ( މިގަމީސް ހުންނަނީ ގިރުވާނުގެ ކައިރި ފަށުގައްޔާއި ގޮށްފަތީގެ ކައިރިފަށުގެ ބައެއްގައި ކަޅުފޮތިން ހިމަފަށެއް އަޅާފައެވެ
ފަށްދަނޑި
ނ މަސްއޮޑިފަހަރުގެ ބޭރުގައި ދަމާ ފަށެއް މިފަށް ދަމައިފައި ހުންނަނީ ދިރުނބާކޮޅުގެ ކުރަފަތްފިލާގެ ދަށުގެ ކައިރީންނެވެ
ފަނދިރި
ނ (1) ނަވުގެ ކުނބުގެ މެދެއްހާ ހިސާބުގައި ހަނދުފަޅި ބުރަށް އޮންނަ ފިލާގަނޑެއް މި އޮންނާނީ ޖަންބޫރަ ފިލާގަނޑު މަތީގައެވެ (2) ކުނބު ފަރުމާނުގައި މަސައްކަތްކުރާ މީހާ
ފަނަލުދަނޑި
ނ )ސ ( ދޯނީގެ ދިރުނބާކޮޅުގައި ބޭނުންކުރާ ރިތް
ފަނާ
ނ (1) މީހުނާއި ދިރޭ ކޮންމެ އެއްޗެއް ވާ މަރު. (2) އެއްޗެއް ނެތިދާދިއުން. (3) އޮޑިދޯނިފަހަރު އެޅުމަށް ނަގިލީގެ ބަދަލުގައި ބޭނުންކުރާ ގަލެއް. މިގައު އޮންނާނީ ވަށްކޮށް ފަތާކޮށް މެދުގައި ލޯވަޅެއް ތޮރުފައި އެތަނަށް ދަނޑިއެއް މަހައިފައެވެ
ފަނިހިރުވުން
މ ފަނީގެ އުނދަގޫވުމުންނާއި ލޭނުބައިވުމުގެ ސަބަބުން އެތެރެ ހަށީގެ ބައެއް ތަންތަނުން ފަނިހިރުވާހެން ހީވުން
ފަނިބޯކޮރު
ނ ސަމާ ތެރޭގައި ދުވާލުގެ ހުސްވަގުތު ތަކުގައި ކޮށީގެ އާދައިގެ މީހުން ނުކުމެ ޖަހާ ކުޅި މިއީ މެދުކަނޑާ ނުލުމަށްޓަކައި ކުރާ ކަމެކެވެ ރަނގަޅު ކުޅިޖެހުމަށް ފެށޭނީ ރޭގަނޑުއެވެ
ފަނިކޮނުން
މ (1) މަސްބޭނުމަށް އެންގަނޑުގެ ގޮތުގައި ބުޅީގައި އެޅުމަށް ބޭނުންކުރާ ފަންޏެއް ކޮނެގެން ނެގުން. މިފަނި ނަގާނީ ދިޔަވަރު ހިކިފައި އޮންނައިރު ގޮނޑުދޮށުން ނުވަތަ ފަޅުމަތީގައި ހިކިފައި ހުންނަ ތަންތަނުންނެވެ (2) ފަނި އޭގެ ހަރުކޮނުން
ފަނިއާރަން
ނ ފޮނި ހެދިކާ އެއްޗެއް މިއީ ހަނޑުލުފުށް އުއްސައިގެން ސަންބޯސާގެ ސިފައިގައި ހަދައިފައި ހުންނަ އެއްޗެކެވެ މީގެ އެތެރޭގައި ހުންނާނީހަނޑޫ މާޖައްސައި މުގުރައި ހަކުރުގައި ތަތްކޮށްފައި ހުންނަ އެއްޗެކެވެ