radheef.info
ރަދީފު


ފަށުވި
ނ ފަށުއިފަނީގެ ދަވައިން އުފެދޭ ހިމަފަށްތަކެއް
ފަށުވި
ނ ފަށުއިފަނީގެ ދަވައިން އުފެދޭ ހިމަފަށްތަކެއް
އެލާޗާ
ނ އެއްފުށުގައި ފަށުވި އަނެއްފުށުގައި އުއިލައިގެން ވިޔެފައި ހުންނަ ފޭރާމެއް
ހަވޭޑައިކާނަ
ނ )ސ ( ފޭލީގެ ކޮޅުމަތީ ފަށުވިޖަހައިގެން ހަދާތަނުގެ އެއްވައްތަކަރަށް ކިޔާނަމެއް
ނިހާލި
ނ ރާއްޖޭގެ ރަސްމީ ބައެއް ހެދުމުގައި އުނަގަނޑުގައި ބަންނަން ގެންގުޅުނު ހަތަރުމުށް ނުވަތަ ފަސްމުށުގެ ދިގުމިން ހުންނަ ފަށާވީސް އެޅި ދިގުރޮނގުދެމި ފޮތިގަނޑެއް މީގެ ދެދަރަޖަ ހުރެއެވެ އެއްވަނަ ދަރަޖައަކީ އެއްފަށް ނިހާއްޔެވެ ދެވަނަ ދަރަޖައަކީ ދެފަށް ނިހާއްޔެވެ އެއްފަށް ނިހާލި ހަދަނީ ދެފުށް އެއްކަހަލަ ފަށުވި ފޮއްޗަކުންނެވެ ދެފަށް ނިހާލި ހުންނަނީ އެހެން ކުލައެއްގެ ފޮއްޗަކުން ބަތާނަލާފައެވެ
ބަރަނި
ނ (1) އެއްކޮޅު ނިއުޅޭނޭހެން އުއި ނުވަތަ ފަށުވި ނުވަތަ ނައިލޯނުފަދަ އެއްޗެއްގެ ރޮދިން އޮޅައިފައި ހުންނަ ބޮނޑި. މީގެ ދެވައްތަރެއް ހުރެއެވެ. އެއީ ބޮނޑި ބަރަންޏާއި ދަނޑި ބަރަންޏެވެ (2) ރޮދި
ބަރުފަށުވި
ނ ސުތުއްޔާ ފަށުވިން ވިޔެފައި ހުންނަ ފޮއްޗެއް
ބަރުސުތުލި
ނ ފަށުވިވައްތަރުގެ ސުތުއްޔަކުން ވިޔެފައިހުންނަ ބަރު ފޮއްޗެއް
ބައްތިކޮޅު އަނދިރި
ނ އަންހެނުންލައި އުޅުނު ފަށުވިއެޅި ލިބާހެއްގެނަން މިއީ އިހުގައި ބަންގާޅުން ގެނެސް އުޅުނު ފޮއްޗެކެވެ
ބިނާޓު
ނ ހުސްކަސަބުން ނުވަތަ ކަސަބާ ފަށުވިން ވިޔެގެން ދުންބޯނޮޅީގައި އަޅައިފައި ހުންނަ ކުރެހުމެއް
ބިނާޓުކުރުން
މ ހުސްކަސަބުން ނުވަތަ ކަސަބާ ފަށުވިން ވިޔެގެން ދުންބޯނޮޅީގައި ކުރެހުން އެޅުން
ބޮޅުޖެހުން
މ (1) އުއި ފަށުވި ކަސަބު ފަދަ ތަކެތި ބޮޅުބޮޅަށް އޮޅައިފައި ގޮށްޖެހުން (2) ދިޔާ ހަކުރުފަދަ އޮލަ ތަކެތިން އިނގިލި ގުދުކޮށްލައިގެން ނެގޭވަރަކަށް ނެގުން
ކަނދޮޅުދުލިފަށުވި
ނ ވަރަށްތުނި ފަށުވި ފޭރާމެއް މިއީ އިހުގައި ރާއްޖެއިން ބޭރުން ގެނެސް އުޅުނު ފޭރާމެކެވެ
ކީމުޚާފު
ނ ފަށުވި ފޭރާމުގެ މޮޅު ބާވަތެއް
ކެނދިފަށުވި
ނ ފަށުވީގެ ބާވަތެއް މިހުންނަނީ މަޑު ދޮންކުލައެއްގައެވެ މިބާވަތުގެ ފަށުވި ތަންކޮޅެއް ގަދަވާނެއެވެ މިއީ ހަރު ފަށުތްވެކެވެ
ކޮޅުމަތި
ނ (1) މުންޑުގެ މެދުތެރޭގައި އެހެން ކުލަކުލައިގެ އުއިން ހަދައިފައި ހުންނަތަން (2) ފޭލީގެ ދެކޮޅުގައި ކަސަބުން ހަދައިފައި ހުންނަތަން (3) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން ހަދައިފައި އޮންނަތަން (4) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދައިފައި އޮންނަ އެތި (5) މަޖާޒު: ކަމެއްގެ ނުވަތަ ވާހަކައެއްގެ ފެށުމުގެ ނުވަތަ ނިމުމުގެ އަލާމާތް
ކޮޅުމަތިހެދުން
މ (1) ވިޔެފައި ހުންނަ ހަރުވާޅު ދާގަނޑުގެ ދެކޮޅުގައި ކަސަބާއި ފަށުވިން އެހުންނަ ތަން ތައްޔާރުކުރުން (2) ކުޅިޖަހާއިރު ލައިއުޅުނު ހަރުވާޅުގެ ކުރިމަތީގައި އެލުވާ ކަސަބާއި ފަށުވީގެ ކޮޅުމަތި ތައްޔާރުކުރުން (3) ވިޔެފައި ހުންނަ އެއްޗެހީގެ ކޮޅު ހެދުން
ކޮޅުމަތިލުން
މ (1) މުންޑާއި ފޭލިފަދަ ތަކެތީގެ ކޮޅުމަތި ވިޔުން (2) އިހުގައި ވިޔެގެން ގެންގުޅުނު ހަރުވާޅު ދާގަނޑު ދެކޮޅުގައި ކަސަބާއި ފަށުވިން އެހަދާ ގޮތްތައް ހެދުން (3) ކުޅިޖަހާ ހަރުވާޅުގެ ކުރިމަތީގައި އެލުވާން ކަސަބާއި ފަށުވިން ހަދާ ކޮޅުމަތި ހަރުކުރުން
މާގަނޑު
ނ (1) ރާނބާގަސް ކަނދޮޅުގަސް ފަދަގަސް ގަހުގައި އަންނަ މައު. (2) އިހުޒަމާނުގައި ބައެއް މީހުން ލައިއެޅުނު ހަރުވާޅުގެ ދާގަނޑުގެ ކޮޅުގައި ނުވަތަ މުންޑުގެމަތިން އައްސާ ރޮދިގަނޑުގެ ކޮޅުގައި ފަށުވިން ނުވަތަ އުއިން ނުވަތަ އެފަދަ އެހެން އެއްޗަކުން ވައްކޮށް ނުވަތަ އެހެންވެސް ސިފައަކަށް ހަދާހަރުކޮށްފައި އޮންނަ އެތި. (3) ފެން ވެރުމަށްޓަކައި ފެން އިސްކުރުދޫކޮށްލުމުން ފެންދޭ އެއްޗެހިން ފެންފައިބާގޮތަށް ފެން އަންނާނެހެން ހަދައި މަތީގައި ހަރުކޮށްފައި ހުންނަ އެއްޗެއް. (4) ގާއޮޑިލަވަ ލަނގިރި ދަނޑިޖެހުން ފަދަ ކުޅިވަރު ކުޅޭއިރު ގެންގުޅޭ ދަނޑީގެ ކޮޅުގައްޔާއި ދުންކުނި އަނބުރާ ދަނޑީގެ ކޮޅުގާ ފޮތިން ނުވަތަ އުއިން ނުވަތަ ކަރުދާހުން ވައްކޮށް ނުވަތަ އެހެންވެސް ސިފައަކަށް ހަދައި ހަރުކޮށްފައި އޮންނައެތި (5) މޫދުމާގަނޑު (6) ބައެއްމީހުން ރީއްޗަކަށް ބައިސްކަލުގެ ފުރޮޅުގެ ބޫސް ދަގަނޑަށް މަހާލައިގެން ބޭނުންކުރާ އެއްޗެއް މިހަދައިފައި އޮންނާނީ ވައްކޮށް ދެތިންކުލަ އެކުލެވޭ ގޮތަށެވެ
ފަށުއި
ނ ފަށުވި
ފަށުއިކަން
ނއނ ފަށުވިކަން
ފަށުވިކަން
ނއނ (1) ފަށުތްވާއި ފަށުވި ފޮތީގައި ހުންނަ އަޞްލުގޮތް (2) މަޖާޒު: ރީތި އޮމާންކަން (3) ޗާލުކަން (4) ނަލަކަން (5) ބަލާޣަތްތެރިކަން