radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ނަފީކުރުން
މ (1) ނުވާކަން ނުވަތަ ނެތްކަން ނުވަތަ ނޫންކަން އަންގައިދިނުމަށް ބޭނުންކުރެވޭ އަކުރެއްގެ ބޭނުން ކުރުން (2) ބާޠިލުކުރުން
ނަފުރަތު
ނ ނުރުހޭނުރުހުން
ނަފުރަތުކުރުން
މ ނުރުހުން
ނަފުރަތުވުން
މ ނުރުހުންވުން
ނަދުރަށް ސަލާންޖެހުން
މ އެތައްގެއަކަށް ސަލާންޖަހާން ނަދުރުބުނެގެން ކޮންމެގެއެއްގެ ދޮރުމައްޗަށް އަރައިފައި "އައްސަލާމް ޢަލައިކުމް ނަދުރަކަށް" މިހެންބުނުން މިގޮތަށް ސަލާންޖަހާއިރު ގެއަކުން އެއްޗެއް ދޭކަށް ނުޖެހޭނެއެވެ އަދި އެއްޗެއް ދިނަސް އެއެއްޗެއްގައެއް ނުހިފާނެއެވެ
ނަދުރު
ނ (1) ޖެހޭއާފާތަކުން ސަލާމަތް ވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފާތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއް ކުޅައުމަށް ކަނޑައަޅާ ކަނޑައެޅުން (2) އިހުގައި ނަދުރުބުނެގެން ބޮލުމެދުން ދިގުކޮށްފާހުންނަ އިސްތަށިކޮޅު
ނަދުރުބުނުން
މ ޖެހޭ އާފާތަކުން ސަލާމަތްވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފަތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއްކުޅައުމަށް ކަނޑައެޅުން
ނަދުރުގަތުން
މ ނަދުރުބުނުން
ނަތު
ނ (1) އަންހެނުން ނޭފަތުގައި ލާއެތި (2) ރަނުން ވާގަހަނާއެއް
ނަލަހަފޮޅު
ނ މަސްދޯނިފަހަރުގެ ފެން ފިލަޔަށްވީ ހިސާބުގައި މަތިކަނުގެ އެތެރޭން އަޅާ ތުނި ހަފޮޅު
ނަގަންބަރު
ނ އަންހެނުން ލިބާސްލާ ފޭރާމުގެ ބާވަތެއްގެނަން
ނަގައިލުން
މ (1) ނެތިކޮށްލުން (2) ބޭނުންނެތް ޚަރަދުކުރުން (3) މަޤްޞަދުން ނައްޓުވައިލުން (4) މަގު އޮޅުވައިލުން (5) ތިމާގެ ޙަވާލުގައިވާ އެއްޗެއް ތިމާގެ ފަރުވާކުޑަކަމުން އެއަށް ވީނުވީ ގޮތެއް ނޭނގުން (6) )ގ ( ނެގުން
ނަގާހައި ވިލަޔަކުން ފެނެއް ނާންނާނެއެވެ. ޖަހާހައި ގުގުރިއަކުން ހޮނެއް ނާޅާނެއެވެ.
(މުސްކުޅިބަހެއް) (1) ކުރިމަތި ވެދާނެކަމަކަށް ހީކުރެވުނު ނުރައްކާތެރިކަމެއް ނުވެދިޔުމުން އެކަމާގުޅިގެން އެކަންނުވިކަން ދޭހަކޮށް ދިނުމަށް ބުނެއުޅޭ ބަހެއް (2) ކުރިމަތިވަމުންއައި ކަމަކުން ނުކުންނާނެކަމަށް ހީކުރި ނަތީޖާ ނުނިކުތުމާ ގުޅިގެން ބުނެއުޅޭ ބަހެއް
ނަގާނޭ ބަނދަރެއްގައި އޮޑިނާޅާށެވެ
(ހަރުބަހެއް) ތިމާޔާ އެކަށީގެންނުވާ ހިސާބެއްގައި އިށީނދެ ނޫޅުން ފަދަ ކަންކަމަށް ބުނާބަހެއް
ނަގުލުންބަޑިއެޅުން
މ (1) ކަނޑުގައި އުޅޭ ބޮޑެތި މަސްއަޑިޔަށް ދަމުން ނަގޫފަތުން ކަނޑުގައި ޖަހައި ލޮނުގަނޑު ވިއްސައިލުން (2) މަޖާޒު: ރުޅިއައިސްގެން ހުރެ ކުދި ކިޔަމުން ދިޔުން
ނަގުލުންލޮނުވިއްސި
ނ އަންހެނުން ލިބާސްލާ ފޭރާމުގެ ރޮނގު ހުންނަ ބާވަތަކަށް ކިޔާނަމެއް
ނަގޫ
ނ (1) ބައެއް ޙައިވާނުގެ ފަހަތުކޮޅުގައި މައިކައްޓާ އެކުވެގެން ޅިނދު މަތިން ފަޅައިގެން ނިކުމެފައި އޮންނަ ގުނަވަން (2) ވިލާގަނޑުން ފައިބާފައި ހުންނަ ގަދަވައިރޯޅި
ނަގޫނަގާފައިދިއުން
މ (1) ދެގެރިދެގެރިއަށް ތަޅައިގެން ބަލިވާގެރި ނަގޫ އުފުލައިގެން ބިރުން ދިއުން (2) މަޖާޒު: ބަލިވެގެން ނުވަތަ ދެރަވެގެން ދިއުން
ނަގޫއެނބުރުން
މ މީހަކާ ދިމާއަށް "ނަގޫބަޅެ" ކޭ ނުވަތަ "ނަގޫކެނޑި" އެކޭ ބުނުން
ނަގޫދެމުން
މަޖާޒު: ފިރިހެނުންނާ އެޅުން