radheef.info
ރަދީފު


ނަދުރު
ނ (1) ޖެހޭއާފާތަކުން ސަލާމަތް ވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފާތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއް ކުޅައުމަށް ކަނޑައަޅާ ކަނޑައެޅުން
(2) އިހުގައި ނަދުރުބުނެގެން ބޮލުމެދުން ދިގުކޮށްފާހުންނަ އިސްތަށިކޮޅު
ނަދުރު
ނ (1) ޖެހޭއާފާތަކުން ސަލާމަތް ވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފާތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއް ކުޅައުމަށް ކަނޑައަޅާ ކަނޑައެޅުން (2) އިހުގައި ނަދުރުބުނެގެން ބޮލުމެދުން ދިގުކޮށްފާހުންނަ އިސްތަށިކޮޅު
ނަދުރަށް ސަލާންޖެހުން
މ އެތައްގެއަކަށް ސަލާންޖަހާން ނަދުރުބުނެގެން ކޮންމެގެއެއްގެ ދޮރުމައްޗަށް އަރައިފައި "އައްސަލާމް ޢަލައިކުމް ނަދުރަކަށް" މިހެންބުނުން މިގޮތަށް ސަލާންޖަހާއިރު ގެއަކުން އެއްޗެއް ދޭކަށް ނުޖެހޭނެއެވެ އަދި އެއްޗެއް ދިނަސް އެއެއްޗެއްގައެއް ނުހިފާނެއެވެ
ނަދުރުބެހެއްޓުން
މ ނަދުރު ބުނެގެން ބޮލު މެދުން އިސްތަށި ކޮޅެއްދިގުކުރުން
ނަދުރުފުއްދުން
މ ނަދުރުން ގަސްދުކުޅަކަމެއް ކޮށްނިންމުން
ނަދުރުގަތުން
މ ނަދުރުބުނުން
ނަދެރާނޑާ
ނ )ގ ( ނަދުރުބުނެގެން މާލޫދު ފެށުމުގެ ކުރީގައި ކިޔާދުޢާއެއް މިދުޢާ ކިޔަނީ ތާނިޔާ ކިޔާގޮތަށެވެ
ވައްޖިދުވާތާރަ
ނ ވައްޖިދުވާއިރު ޖަހާ ތާރަ. މިއީ ރާއްޖޭގައި މީހުން ނަދުރު ބުނެގެންނާއި އެހެނިހެން ގޮތްގޮތުން ކުރާކަމެކެވެ އަދި އާދަކާދައިގެ ކުޅިވަރެއްގެ ގޮތުގައި ކުރާ ކަމެކެވެ
މެދުބޭންދުން
މ ދިމާވާ މުސީބާތަކާހުރެ މައުލޫދު ނުވަތަ ޞަލަވާތް ކިޔަން ނަދުރު ބުނެގެން އެކަންކުރާއިރު އެމުސީބާތެއް ޖެހުނުމީހަކު ނުވަތަ ކުއްޖަކު އެޖަމާޢަތުގެ މެދުގައި ބޭންދުން
ފުއްދުން
މ (1) ލިބޭ އެއްޗަކުން ހަމަ ޖެއްސުން (2) ކަމުދުއްވުން (3) ކޮށްދޭން ނުވަތަ ކުރެން ބުނާކަމެއް އެގޮތަށް ކުރުން މިސާލު: ވަޢުދު ނުވަތަ ނަދުރު ފުއްދުން
ފޮރޮވުން
މ )ޏ ސ ( (1) ފޮރުވުން (2) ނަދުރު ބުނެގެން ފޮޅިއެޅުން
ފޮޅިއެޅުން
މ (1) ނަދުރު ބުނެގެން މުޅި ހަށިގަނޑު ނުވަތަ ހަށިގަނޑުގެ ބައެއް ހުދުފޮތި ގަނޑަކުން ނިވާ ކުރުމަށްފަހު އެފޮތިގަނޑުގައި ފޮޅިއެތުރުން (2) މަޖާޒު: އެއްލާފައި ހުންނަ ގުޑި އަނެއް ފުށުން ޖެހުން
ދުންބެހުން
ނަދުރުބުނެގެން ޒިޔާރަތް ޒިޔާރަތަށް ދުން ދިނުން
ދުންދިނުން
މ ނަދުރު ބުނެގެން ޒިޔާރަތް ޒިޔާރަތަށް ދުން ފޮނުވުން
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި