radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ކަލިޔާބިރިންޖީ
ނ ބާވަތެއްގެ ބަތެއް. މިއީ ފިޔާ ފެނާއި ފޮނިތޮށި ކާފޫރުތޮޅި ފެނާއި ލޮނުލައިގެން ގިތެލާއި ކާށިތެލާއި މީރުކޮށްފައި އޭގެތެރެއަށް ހަނޑޫއަޅައި ރަނގަޅަށް ފެން ހިނދި ހަނޑޫގަނޑު ހަނާވީމާ ކާށިކިރާއި ދިރިޔާ އިނގުރާ އަދި ކުރިން ފެނުއެޅި ތަކެތީގެ ބާކީ ހުރި ފެނާއިއެކު އެތަކެތި އަޅައިގެން ކައްކާ ބަތެކެވެ
ކަލިޔާކެރުން
މ )ޏ.( ކައްޓަލަ މަޑުކޮށް ރަނގަޅަށް ފިސްކޮށް ގޮށްފިލުވައިފައި ހަކުރު އަޅައިގެން ހިލައި ވަރުކުރުން. މިހުންނާނީ ކުދިކޮށް ފޯލި ފޯއްޔަށް ހަދައި ހިކި ކެޔޮފަތުގައި ބަންދުކޮށްފައެވެ
ކަލިޔާކެޑުން
މ )ސ.( ކައްޓަލަމަޑުކޮށް ރަނގަޅަށްފިސްކޮށް ގޮށްފިލުވައިފައި ހަކުރުއަޅައިގެން ހިލައިވަރުކުރުން މިހުންނާނީ ކުދިކޮށް ފޯލި ފޯއްޔަށްހަދައި ހިކިކެޔޮފަތުގައި ބަންދުކޮށްފައެވެ
ކަލޯ
ނ (1) ފިރިހެނެއްކަން ދަލީލުކުރާނަމެއް (2) ތިމާޔަށްވުރެ ހަގު ގާތްތިމާގެ ފިރިހެނުންނަށް ލޯބިން ކިޔާނަމެއް (3) ދެރަކޮށް ނިކަމަތިކޮށްލުމަށް ފިރިހެނުންނާ ދިމާއަށް ބުނާގޮތް (4) މުސްކުޅިބަހުގައި މާތް ފިރިހެނުންނަށް ކިޔާގޮތެއް (5) ބައެއް ކަހަލަ ޖަނަވާރާއި ދޫނިސޫފާސޫފީގެ ނަމުގެ ފަހަތަށް ގެންނަބަހެއް މިސާލު: )ހ( ބުޅާކަލޯ )ށ( މާކަނާކަލޯ
ކަސާރީކުރާ
ނ ނަމޫނާކުރާ ބައްޓަމަށް ފަތިކޮށް ކަރު އެއަށްވުރެ ހިމަދިގުކޮށް ހުންނަ ބޮޑު ކުރައެއް މީގެ ވައްގަނޑު ހުންނާނީ ގުޑުގުޑާ ދޫންޏެއްގެ ކަރާ އެއްވައްތަރު ގޮތަކަށެވެ
ކަސްރަތު
ނ ހަށިގަނޑުގެ ނާރުތައް ދޫކޮށް މަސްހަރުކޮށް ލޭހިންގުވާން ކުރާ ޙަރަކާތް ނުވަތަ މިފަދަ ބޭނުމުގައި ކުޅޭ ކުޅިވަރު
ކަސްރަތު ކުރުން
މ ހަށިގަނޑުގެ ނާރުތައް ދޫކޮށް މަސް ހަރުކޮށް ލޭހިންގުވާން ހަރަކާތްކުރުން ނުވަތަ މިފަދަ ބޭނުމުގައި ކުޅޭ ކުޅިކުޅިވަރު ކުޅުން
ކަޑަނެބަތެ
ނ )ގ ( އަންހެނުން މާލޫދުގެ ފަށާ ކޭމަށް ގެންދާ ބޮނޑިބަތެއް މިބޮނޑިބަތް ހުންނާނީ ވަރަށް ރީތިކޮށް ފަތުން އޮމާން ކޮށްފައެވެ މިމާލޫދަށް ކިޔައިއުޅެނީ އަންހެނުން މާލޫދެވެ މިމާލޫދު ކިޔުއްވަނީ ރަށުގެ ހުރިހާ އަންހެނުން ބައިވެރިވެގެންނެވެ
ކަޑަބޮއް
ނ (1) ބާރަށް އަސްދުއްވާއިރު އިވޭއަޑު (2) ދުވުމުގެ ބާރުކަން ބަޔާންކޮށްދޭ ބަހެއް
ކަޑަބޮއްޖެހުން
މ (1) ހަލުއި ފިޔަވަޅަށްވުރެ ހަރުކޮށް އަސްދުވުން (2) މާބާރަށް ދުވެފައި ދިޔުން
ކަޑަކަ
ނ ކުޅިޖެހުމުގައި ފައިގައިޖަހާން އެއްލާއެތި ފަހަރެއް އައްޑަނަ ކޮށީ މީހުން މި އެތިފަހަރުން ރެކޭނީ އައްޑަނަ ދިމާކޮށްގެންނެވެ ދަނޑި ކޮށީ މީހުން ރެކޭނީ ފުންމައިގަނެގެންނެވެ
ކަޑައްތު
ނ ދޭތެރެއެއް ހުރަސްކޮށް ދާދިއުން
ކަޑައްތުކުރުން
މ ހުރަސްކޮށް ދިއުން
ކަޑައްތުވުން
މ ހުރަސްކޮށް ދެވުން
ކަޑުއޮރި
ނ ގަލު އޮރިޔަށްވުރެ ފުޅާކޮށް އަނގަކުޑަކޮށް ހުންނަމަހެއް މިއީ މަސްމީރު ފަރުމަހެކެވެ
ކަޓާރިބޮލި
ނ )މ ( ބޮލީގެބާވަތެއް މީގެތުންފަތުގެ އެތެރެކައިރި ހުންނާނީ ކަޅުކޮށްނެވެ ދެފަރާތުގެ އަރިމަތީގައި ކުރެހުމެއްހުރެއެވެ ބޮޑުމިނަކީ ގާތްގަނޑަކަށް 3 އިންޗި ނުވަތަ 2/1 2 އިންޗިއެވެ
ކަޗޯރު
ނ (1) އެއްޗެހި އެހިލައި ބާލައި ހަދާން ގޮނޑުދޮށުގައި މޫދުން އެތައް ހިސާބަކަށް ދާނޭހެން ކަތިކޮށް ކޮންކްރީޓުން ހަދައިފައި އޮންނަތަން (2) ބިންގަނޑު ކަތިކޮށްފައި އޮންނަތަން (3) މަޖާޒު: ދެރަމީހާ
ކާ
ނ (1) ކާފިޔާ ހަމަކޮށް ހަދައިފައި ހުންނަ ވަޒަން ބަހުރުވައިގެ ބާވަތެއް މިއީ ހަބަސް ރައިވަރުގެ ކުރީ ހަތަރުބަހާ އެއްގޮތަށް އެއްވަޒަނަކަށް ހަތަރު ބަހުން ފިލިކޯޅި ހަމަކޮށް ހަދައިފައި ހުންނަ އެއްޗެކެވެ މީގައި ހަބަސް ރައިވަރުގެ ކުރިން ފެށޭ ބަސްނެތިފައި އަނެއް ތިން ބަހުގެ ވަޒަނަށް ހަދައިފައި ހުންނަ ބާވަތެއްވެސް ހުރެއެވެ (2) ބިލެތުވައް (3) ބައްތެލިފަހަރާއި ނާފަހަރުގެ ކަވަރުނާތަކުން ބޯރުދުވަށް އަރައިފައި ހުންނަތަން
ކާށިޖެހުން
މ ފަންޑިތަވެރިކަމުގެ ގޮތުން ކުރާ ކަމެއް މިކަންކުރާ ގޮތަކީ ކާށިމަށައި އޮމާންކޮށް ލިޔެ މަތުރައި އެއްޗެއްގައި ނުވަތަ ތަނެއްގައި ޖަހައި ކާށި ކުދިކުދިކޮށްލުމެވެ
ކާނޓުމަހަ
ނ )ގ.( ބޮލާއި ކަށިފައްޗާއި ކަންފަތްގަނޑާ ކަޅިމަހާއި މިތަންތަނަށް އެއްކޮށްކިޔާނަން