radheef.info
ރަދީފު


ކަޑައްތު
ނ ދޭތެރެއެއް ހުރަސްކޮށް ދާދިއުން
ކަޑައްތު
ނ ދޭތެރެއެއް ހުރަސްކޮށް ދާދިއުން
ހުރަސްކުރުން
މ (1) ކަޑައްތުކުރުން (2) ކުރިކެނޑުން (3) ދިގަށް އޮތް އެއްޗެއް ހުރަހަށް އަނބުރާލުން (4) އެއްފަރާތުން އަނެއް ފަރާތަށް ދިއުން
ރާހި
ނ (1) އިރު ހިނގާ 21 ބުރުޖު އިރުމަހުގެ އަހަރެއްވަށާ ޖެހޭއިރު އިރު މި 21 ބުރުޖު ކަޑައްތު ކުރާނެއެވެ މީގެ އެކިއެކި ބުރުޖު ހުންނާނީ އެކިއެކި ސިފަޔަށް ތަރިއެތުރިފައެވެ މިސާލު: )ހ( ހަމްލަރާހި )ށ( މޭސަރާހި
ބެއްދުން
މ (1) އެކަތި އަނެއްޗާއި ގުޅުވުން (2) މީހެއްގައި ނުވަތަ އެއްޗެއްގައި އޮޅުލައިގަތުން (3) އެއްޗެއްގައި މަޅިއެއް އަޅުވައި ބާރުކުރުން (4) މުށްލައްޕައި ބާރު ކުރުން (5) ނިވާކުރުން (6) މަސްތަކެއް ދަލަކަށް ނުވަތަ ކޮށިގަނޑަކަށް ވައްދައި ބަންދުކުރުން (7) ބަންދުކުރުން (8) ކުރިމަތި ބަންދުކޮށްގެން ކުރިޔަށް ދިޔަނުދިނުން (9) ދައްކާ ވާހަކައަކުން އަނެކަކު ދެރަކޮށްލުން )01( ކަޑައްތު ކުރުން
ބެދުން
މ (1) ދިޔާއެއްޗެހި އޮލަވެ ގަނޑުގަތުން މިސާލު: ހަލުވިދާއާއި ކަސްޓަޑު ފަދަތަކެތި ކައްކައިފައި ބެހެއްޓީމާ ބެދެއެވެ (2) ދިޔަވަރު ހިކެމުންގޮސް ފަޅުމަތީގެ ބިންގަނޑު ހިކުން މިސާލު: ދިޔަވަރުހިކި ފަޅުމަތި އޮތީ ބެދިފައެވެ (3) މީހާގެ ކިބައިން ވެފައި އޮތްކުށެއް ސާބިތުވުން މިސާލު: އޭނާވަނީ އެކުށުގައި ބެދިފައެވެ (4) ކުރިޔަށް ދެވޭނެ ގޮތެއް ނެތުން މިސާލު: އޭނާކުރި ކުށެއްގެ ސަބަބުން ކުރިޔަށް ދިއުމުގެ މަގުއޮތީ ބެދިފައެވެ (5) ދެއެއްޗެއް ތަތްވެ އެކަތި ގަނޑަކަށްވުން މިސާލު: އޭނާގެ އަތުގެ މުލައް ދަނޑިން ވަކިވި ކަށިގަނޑު ކުރިފަރުވާއެއްގެ ސަބަބުން މިހާރު ބެދިއްޖެއެވެ (6) ހިންމިޔާއި ލޯވަޅު ފަދަތަންތަން ބަންދުވުން މިސާލު: ދޯނީގެ ހިންމިތައްވަނީ ކޮޅައި މަދަން އަޅައިގެން ބެދިފައެވެ (7) އަނގަބެދުން ވާހަކައެއް ދައްކައިގެން ކުރިނުލިބުން މިސާލު: އަހަރެންދެއްކި ވާހަކައިން އޭނާގެއަނގަބެދިއްޖެއެވެ (8) މަޅިޔެއް ނުވަތަ ގޮށެއްފަދަ އެއްޗެއް ބާރުވުން މިސާލު: ފިނދަނަ މަޅިފަތީގައި ބެދިއްޖެއެވެ (9) ކަޑައްތުވުން މިސާލު: މާލެއަތޮޅުން ބ އަތޮޅަށް ދެވޭނީ ކާށިދޫ ކަނޑު ބައްދައިގެންނެވެ )01( ކުރިޔަށްނުދެވޭ ގޮތްވުން މިސާލު: އޭނާ ހިނގަމުން ދަނިކޮށް މަގުމަތީގައި ދުއްވާ އެއްޗިހީގެ ސަބަބުން މަގު ބެދިއްޖެއެވެ
ކަނޑުއޮޅި ގިރާކުރުން
މ ކަނޑުއޮޅި ކަޑައްތުކޮށް ދިއުން
ކަނޑުދުވުން
މ ކަނޑެއް ކަޑައްތުކުރުން
ގިރާ
ނއ (1) އެންމެހިމަ މިސާލު: ގިރާ އިސްތަށި (2) ހަލާކު ވަމުން ނެތުމުންދާ މިސާލު: ގިރާތުނޑި (3) ކަޑައްތު މިސާލު: ކަނޑު ގިރާކޮށް (4) ނ ހުރަހަށް އޮންނަ ދިގުއުސް އެއްޗެއްގެ މަތިން ފައިނަގައިގެން ކުރާ ހުރަސް މިސާލު: އޮޅިގިރާކޮށް