radheef.info
ރަދީފު


އަޑި
ނ (1) ހަމައަށްހުރި އެއްޗެއްގައި ހުންނަ ވަޅުކޮޅު. (2) ފުންކޮށް ހުންނަ އެއްޗެއްގެ ނުވަތަ ތަނެއްގެ އެތެރޭގެ ތިރީބައި. މިސާލު: (ހ) ފޮށީގެ އަޑި (ށ) ވަޅުގެ އަޑި (ނ) ކަދާ އަޑި (ރ) ރުނބާ ގޯނި ފަދަ އެއްޗެތީގެ އަޑި (3) ފޯއްކިބައެއް ކޮށަމުން ގޮސް ފުލުގައި އޮންނަ ތަންކޮޅު (4) ބިމުގެ ސަޠުޙުން ތިރި (5) މަޖާޒު: ކަންކަމުގެ ފޮރުވިފައިވާ ޙަޤީޤަތް
ވަތިއެޑުން
މ )ޏ.ސ.( ގަލުއެޅުން. )އަޑިއަށް ފައްތާ ނަގިލި ބުޅިނަނު ވާ ފަދަ ތަކެތި ގަލެއްގައި ނުވަތަ އެނޫންވެސް އެއްޗެއްގައި އަޅައި ގަނެގެން ނުނެއްޓުން
ވަތްހޭލާފަށް
ނ (1) ކަނޑަށްވުރެ ތިލަ ފަޅަށްވުރެ ފުން ހިސާބު (2) އަޑިއެނގެން ފެށޭ ހިސާބު
ވަތްކަޅުވުން
މ ހޭފަށުން ދަތުރުކުރަމުން ގޮސް ހޭލުންކެނޑި އަޑި ނޭނގޭ ހިސާބަށް ނިކުމެވުން
ވާންފަށް
ނ )ކ.( (1) އުނދޯލީގެ ވައު. (2) އަޑިން މަސްބާނަން ފައްތާއިރު ހެތުރު ނުވަތަ ނަނުގައި ބައްދައިފައި އޮޑީގައި ހައްޔަރުކޮށްފައި ހުންނަ ހިމަފަށް. ނުވަތަ އެންގަނޑު އޮޔާ ދިޔަނުދިނުމަށްޓަކައި ގަލެއްގައި ބައްދައިފައި ބުޅީގައި އައްސައިފައި ހުންނަ ހިމަފަށް (3) ވާންގާ ޖައްސާއިރު ވާންގަލާ ވަލާގުޅައިފައި ހުންނަ ހިމަފަށް މިފަށް ހުންނާނީ ފަސޭހައިން ކަނޑައިލެވޭ ގޮތަށެވެ
ވާދީ
ނ (1) ހަމަ ބިމަށްވުރެ އަޑިކޮށް ފެތުރިފައިވާ ބިން (2) ދެފަރުބަދައެއްގެ ދެމެދުގެ އަޑިތަން (3) އޮއި ހިނގާބޮޑެތި ފެންފެންގަނޑުގެ ގޮނި ނުވަތަ އައްސޭރި ފަށް
ވިލާތުއަލުވި
ނ ބިމުއަޑިއަށް ފައިބާ ތަރުކާރީއެއް
މަހިފޮޅުން
މ މަހިއުފެދޭގޮތަށް ފެންމައްޗަށް ތިލަވެއުޅޭ މަސްއައިނާއި މަހުގެ ބައިބައިގަނޑު ބަޑިތަޅައިގެންފައި ކުއްލިއަކަށް އަޑިއަށް ދިއުން
މައިމޫ
ނ (1) ބައެއް ގަސްގަހުގެ މައިގަސް ގަނޑާ އެއްސީދަލަށް އަޑިއަށް ހުންނަ މޫ (2) ބައެއް ވައްތަރުގެ ގަސް ހިފެހެއްޓި ހުރުމުގެ ބާރު ލިއްބައިދޭމޫ (3) މަޖާޒު: ކަމެއްގައި ނުވަތަ ތަނެއްގައި ވެރިއެއްގެ ގޮތުން އެންމެ އިސްވެހުރިމީހާ
މަތިބެދުން
މ (1) ގަސްތައް ބޯވެގެން މަތިނިވާވުން (2) ގައިގައިޖަހާ ފާރު ގަނޑުގެ އަޑިނުބައިވުމާއިއެކު މަތި ހިކިފައި ހުރުން (3) ހިޔާކުރާ ތަންތާނގެ މަތި ރަނގަޅަށް ހިޔާވުން (4) ކައްކާ ތަކެތީގައި ދުލިލުން
މަގު
ނ (1) ހިނގުމަށާއި އެއްޗެހި ދުއްވުމަށް ޚާއްޞަ ކުރެވިފައިވާތަން (2) ޓިނާއި އީޓްފަދަ ތަކެތީގައި ފެންދަތުރުކުރުމަށް ޓަކައި އަޑިކޮށްފައި ހުންނަތަން (3) ގޮތް (4) ހަމަ (5) ދިޔާ އެއްޗެހި ބޯން ބޭނުންކުރާ ޖޯޑުވައްތަރުގެ އުޅައްލީ ތަށްޓެއް
މަޑިވަޅު
ނ (1) މޫދުގައި މަޑި ވަޅުޖަހައިގެން އޮންނަތަން (2) ކުނބުގެ ފޫ ހިފެހެއްޓުމަށް ކުނބު ވައްގަނޑުގެ މެދުން ކަނޑައިފައި ހުންނަތަން (3) ފަރުޖުގެ ބައްޓަން (4) މަޑިކެއުމުގެ ސަބަބުން ރުކުގެ ކަނދުގައި އުފެދިފައިހުންނަ އަޑިކޮޅުކޮޅު
މާއަލަ
ނ ފުރައްދެއަލަ މިއީ އަޑިއަށް ފައިބާ އަލައެއްނޫނެވެ މިއީ ފަތްތައް ބޮޑެތިކޮށް ހުންނަ އުސްކޮށް ހެދޭ އަލައެކެވެ މިއަލަގަނޑަކީ ގަސްގަޑެވެ
މުށްވަޅު
ނ މުގުދަރު މަންޑިދަނޑިފަދަ ތަކެތީގައި ހިފަން އަޑިކޮށްފައި ހުންނަތަން
މުޅާ
ނ އަޑިއަށް ގޮނޑިލައިގެން ހެދޭ ކެއުމަށް ބޭނުންކުރާ ތަރުކާރީއެއް
މުލިހި
ނ (1) މަސްގަނޑު އަޑިން ގޮނޑިލައިގެން ބިއްސަށް ވުރެބޮޑެތިކޮށް އުފުއްލާފައި ހުންނަ ތަން (2) )ބދ ( ފުނިވަރު
މުލިހިނެގުން
މ މަސްގަނޑުގެ އަޑިން ގޮނޑިލައިގެން ބިއްސަށްވުރެ ބޮޑެތިކޮށް ތަންތަންކޮޅު އުފުލުން
މުޑުތު
ނ ތަންތާނގެ ފުންމިން ބަލަން ވާފަށެއް ފަދަ އެއްޗެއް ބައްދައިގެން އަޑިޔަށް ފައްތާ ބަރު
މުޑުތުލުން
މ ތަންތާނގެ ފުންމިންބަލަން ބަރު އެއްޗެއްގައި ވާފަށެއް ފަދަ އެއްޗެއް ބައްދައިގެން އަޑިޔަށް ފެއްތުން
މޫމިޔާ
ނ ބޭހަށް ބޭނުން ކުރާ އެއްޗެއް. މިފެން ފޮދަކަށްލީމާ އޭތިކޮޅު މަތީގައި އޮވެފައި އަޑިޔަށް މޫތަކެއްހެން ކުލަ ފައިބާނެއެވެ
މޮރޮ
ނ )ސ ( އެންދަމާދާ އަޑިޔަށް ފައްތާއިރު އޮންނަ އޮޅުންގަނޑު