radheef.info
ރަދީފު


އަޑި
ނ (1) ހަމައަށްހުރި އެއްޗެއްގައި ހުންނަ ވަޅުކޮޅު.
(2) ފުންކޮށް ހުންނަ އެއްޗެއްގެ ނުވަތަ ތަނެއްގެ އެތެރޭގެ ތިރީބައި.
މިސާލު: (ހ) ފޮށީގެ އަޑި
(ށ) ވަޅުގެ އަޑި
(ނ) ކަދާ އަޑި
(ރ) ރުނބާ ގޯނި ފަދަ އެއްޗެތީގެ އަޑި
(3) ފޯއްކިބައެއް ކޮށަމުން ގޮސް ފުލުގައި އޮންނަ ތަންކޮޅު
(4) ބިމުގެ ސަޠުޙުން ތިރި
(5) މަޖާޒު: ކަންކަމުގެ ފޮރުވިފައިވާ ޙަޤީޤަތް
އަޑި
ނ (1) ހަމައަށްހުރި އެއްޗެއްގައި ހުންނަ ވަޅުކޮޅު. (2) ފުންކޮށް ހުންނަ އެއްޗެއްގެ ނުވަތަ ތަނެއްގެ އެތެރޭގެ ތިރީބައި. މިސާލު: (ހ) ފޮށީގެ އަޑި (ށ) ވަޅުގެ އަޑި (ނ) ކަދާ އަޑި (ރ) ރުނބާ ގޯނި ފަދަ އެއްޗެތީގެ އަޑި (3) ފޯއްކިބައެއް ކޮށަމުން ގޮސް ފުލުގައި އޮންނަ ތަންކޮޅު (4) ބިމުގެ ސަޠުޙުން ތިރި (5) މަޖާޒު: ކަންކަމުގެ ފޮރުވިފައިވާ ޙަޤީޤަތް
ހަނާހިނދުން
މ ދިޔާއެއްޗެއްގެ ތެރޭގައި ހުންނަ އޮލަ އެތިކޮޅު އަޑިޔަށްފޭދުން
ހަނާހިންދުން
މ ދިޔާއެއްޗެއްގެ ތެރޭގައި ހުންނަ އޮލަ ހިމުންބައި އަޑިޔަށް ފޭދެންދެން ބެހެއްޓުން
ހަރުވާޅު
ނ ފޫޅާކަކުލާ ދެމެދު ނިވާކުރަން އަޑިންލާ ފޭރާމެއް މިހުންނަނީ އަންނަ ފަށް ލައިފައި ދެފައިކުރި ވަކިން ފަހައިފައެވެ
ހަކުރު
ނ (1) އުއްދަނޑިއާއި ރުކުރާއާއި ވައްތަރު ވައްތަރުގެ މޭވާއާއި އަޑިއަށް ފައިބާ ގޮނޑިލީ ބައެއް ތަކެތިން ނަގާފޮނި މިހިކިކޮންނާއި ދިޔާކޮށްހުރެއެވެ (2) )ވ ( ބާވަތެއްގެ މޫދުމަހެއް
ހައި
ނ (1) ކުނާވިޔަން ގެންގުޅޭހުއި (2) ވިޔުނު އެތިގަނޑުގެ ކޮޅުން ކަނޑާލާ އުއިގަނޑުގެ އުއި (3) ބަނޑު ހުސްވުމުގެ އުނދަގޫ (4) ނއ އަޑި (5) ހިނދި (6) ވަރުލައި މިސާލު: )ހ( މީހާގެ ހައިވެލާ ތަންކޮޅެއް ނެތެވެ )ށ( މިދޯނީގައި ހައިވެލާ ތަންކޮޅެއް ނެތެވެ )ނ( މިއީ ހައިނުކޮށް ރާޅުމުގުރާ ތަނެކެވެ އތ (7) މިންވަރު މިސާލު: ނާޅިއެއްހާ ހަނޑޫ (8) ކޮންމެ މިސާލު: ނެތްހައި އެއްޗެއް ހޯދަން އުޅެއެވެ
ހައިވުން
މ (1) މަޢިދާހުސްވުން (2) މަދުވުން (3) އަޑިވުން (4) ބަނޑުހައިގަތުން
ބަށިފުޅި
ނ ފޫއަޑިކޮށް ތިރިޔަށް ފަލަކޮށް ކަރުހިމަކޮށް ތުން ފުރޮޅައިފައި ހުންނަ ފުޅިޔެއް
އެސްމައު
ނ އޮށްބޭހުގެ ތެރޭގައި ހިމެނޭ އެއްޗެއް. ވަށްކޮށް ފަތިކޮށް އެއްފަރާތަށް ކުޑަ ފުއްޕުމެއް ލައިފައި އަދި އެފުއްޕުމާ ދިމާއިން އަނެއްފަރާތުގައި ކުޑަ އަޑިކަމެއް ހުންނަ ހުދުކުލައިގެ ހަރު އެއްޗެއް އޭގެ ކައިރިފަށުގައި ދެފަޅި ތަތްކޮށްފައި ހުންނަ ކަހަލަ ގޮތެއް ހުންނާނެއެވެ އަދި ގޭނީމާ ތެރަސްކަންވެސް ހުންނާނެއެވެ
ހަމަބިން
ނ (1) ރަށުގެ އާންމުބިން (2) އަޑިގުޑަން ކަމެއްނެތި އެއްވަރަށް އޮންނަބިން
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ
ހަތްބަހައްޓާދޮރާށި
ނ ގަނޑުވަރުތެރޭގައި ހުންނަ ޚާއްޞަ ދޮރާއްޓެއް ރަސްކަލަކު ރަސްމީ ޢިއްޒަތުގައި ކޮއިލުތެރޭން ނުކުމެ ވަޑައިގަތުމަށްފަހު އަނބުރާ ކޮއިލު ތެރެއަށް ވަޑައިގަންނަވާއިރު މިދޮރާއްޓާ ހަމަވުމުން ހަތްކޮޅުތައް ހިފައިގެން ތިބޭ މީހުން ކިއެވެނި ބޭކަލުންގެ އަށީގެ ފާރުން އަޑިކޮށްލެވިފައިވާ ތަނެއްގައި ހަތްކޮޅު ބަހައްޓާތީ މިދޮރާށްޓަށް މިނަން ނިސްބަތްވެފައިވަނީއެވެ
ހިނދި
(1) އަޑި މިސާލު: ހިނދިބަނޑު (2) އަޑިކޮޅު (3) ވައިރޯޅި ނެތިވެފައި އޮންނަމަޑު
ހިނދިވަޅު
ނ (1) ލަގޮނޑިވަޅު (2) މޭކަށިގަނޑު ކޮޅުގައި ހުންނަ އަޑިކޮޅު (3) ކަންކަށީގައި ހުންނަ އަޑިކޮޅު ފަދަ ތަންތަން
ހިނދުން
މ (1) ކެކިކެކިފެން ހުސްވުން (2) ދިޔަވަރު އަޑިވުން (3) އޮއްވަޅު ކުޅޭއިރު ހުސްވަޅަކަށް އަތްހުސްވުން މަޖާޒު: ކަމެއް ކުރަމުންގޮސް ގަސްތުކުރި ގޮތަށް ނުވެވި އެކަމެއް ހުއްޓުން (4) ކަނޑުގައި ހިފާވަރަށް ވައިރޯޅި ނެތުން (5) ފުފިފައި ހުރި އެއްޗެއް ހައިވުން (6) ރޮމުން ރޮމުން ނުވަތަ ހެމުން ގޮސް ނޭވާނުލެވޭ ވަރުވުން (7) ދިޔާއެއްޗެހި އާތްވަށް އަރާހުސްވުން
ހިންދުން
މ (1) ކައްކައިކައްކައި ފެން ހުސްކުރުން (2) ކައްކައި ފެން މަދުކުރުން (3) އެއްޗެއްގެ ބައްޓަމުން އަޑިކުރުން
ހެއިއެރުން
މ (1) ވާނުވާ ނޭނގުމަށްފަހު ވާނުވާ އެނގުން (2) ތަންދޮރު އެނގުން (3) ނިދިން ހޭލެވުން (4) ހަމަބުއްދި ލިބުން (5) ވަތްހޭލާން ފެށުން (6) އަޑިއެގެންފެށުން (7) ކަމެއްގެ މައްޗަށް ވިސްނުންތެރިވުން މިސާލު: އޭނާއަކީ ވިޔަފާރިއަށް ހޭއަރާމީހެކެވެ
ހެއިލުން
މ (1) ނިދުމަށްފަހު އިހުހުރި ޙާލަށް އައުން (2) ސަމާލުވުން (3) އަޑިނޭނގޭ ހިސާބުން އައިސް ވަތް އެނގޭން ފެށުން
ހޭ
ނ (1) ވާނުވާ އެނގުމުގެ ބާރު. (2) ބުއްދި. (3) ދެވަނަ ފަހަރަށް ސުވާލު ކުރުމުގެ ޖުމްލައިގެ ފަހަތަށް ގެންނަ އަކުރު. މިސާލު: މިބުނި އެއްޗެއް ވިސްނިއްޖެހޭ. (4) މީހަކު ތިމާޔާ ކުޅަ ސުވާލެއް އަނެކާގާތު ބުނާއިރު ޖުމްލައިގެ ފަހަތަށް ގެންނަ އަކުރު މިސާލު: އަބްދުﷲ އަހަރެން ކުރެން އެއްސޭ އިބްރާހީމް ނާދޭހޭ (5) ހުޅަނގު މޫސުމުގެ ނަކަތްތަކުގެ ތެރެއިން ފަނަރަވަނަ ނަކަތް (6) ކަނޑުގެ އަޑި ކިރިޔަކިރިޔާ ފެންނަ (7) )ޏ ސ ( ދުރުން ކިރިޔަކިރިޔާ ފެންނަ ފެނުން (8) " އޭތް" މިބަސް އަންހެނުންނަށް ގޮވުމަށް ބޭނުންކުރާގޮތް
ހޭލާފަށް
ނ ކަނޑުގައި ދަތުރުކޮށްފައި އަންނައިރު ރަށެއްގެ ނުވަތަ ފަޅެއްގެ އަޑި އެނގެންފަށާ ހިސާބު
ހޭލުން
މ (1) ނިދީން ހޭއެރުން (2) ކަނޑު ފަދަތަންތާގައި އަޑި އެނގޭ ހިސާބަށް އާދެވުން (3) ކަމަކަށް ވިސްނާ ހުރުން (4) ތަންދޮރު އެނގުން