radheef.info
ރަދީފު


އަދި
އ ވަކިވަރަކަށްވުރެ އިތުރަށް މިސާލު: )ހ( އަދިއަންނާނުހޭ )ށ( އަދި ދޭށޭ
ކުއްތާ
ނ (1) ބަޅު. (2) ހަތަރެސްފައި ޖަހައިގެން އުޅޭ ނަގޫ އިދިފުށަށް ގުދުކޮށް އޮންނަ ވައްވައްޖަހާ ޙައިވާނެއް. މި ގިނައިރަށް އޮންނަނީ އަނގަހުޅުވައިގެން ދޫނެރެގެން ޒާތަކަށް ނޭވާ ލައިލައެވެ މީވަރަށް ވިސްނުން ތޫނު ހުޝިޔާރު އެއްޗެކެވެ އަދި އޮޅުވާ ވަފާތެރި ޙައިވާނެކެވެ
ކުލާތި
ނ (1) ކުނބު ކުރީގައި ގަދަކުރަން އަޅާ ބަންދު އަދި އެކަމަށް ބަންނަ ބަނުން (2) )ގ ( ގޮނޑުދޮށަށް ލައްވާ ތާރުވައްތަރުގެ ތެޔޮގުޅަގުޅަ
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ކެއްސުން
ނ (1) ފުއްޕާމޭގައި ހުންނަވައި ގަދަބާރާއެކު އަދި އަޑާއެކު ކުއްލިއަކަށް އަނގައިން ބޭރުކޮށްލާ ބޭރުކޮށްލުން (2) )ސ ( ކެއްސައިލުން
ކޭޓޫ
(1) އާގުބޯޓު ފަހަރުގައި ބައްތެލިނަގާން ކޮޅުލަނބާލައިފައި ހުންނަދަގަނޑު އަދިމިނޫނަސް މިގޮތަށްހުންނަ އެއްޗިއްސަށް މިހެންކިޔައެވެ (2) ނައުފަހަރުގެ ފަނާމަތީގައި ދެފަރާތު ދެކަންކަށި މައްޗަށް ނެރެފައި އޮންނަ ގުޑުގުޑަ
ކޮޕީ
ނ (1) ފަތްބޮޑެތިކޮށް އަދިބޯކޮށް ހުންނަ ކުޑަވަރަކު ތަރުކާރީގަހެއް (2) އަޞްލާ އެއްގޮތަށް ހަދާ ނަކަލު
އަށި
ނ (1) އިށީނދެ އޮށޯވެހަދާން ލަކުޑީން ނުވަތަ އެހެން އެއްޗަކުން ހަތަރު ކަނަށް ހަދައިފައި ޖަހައިފައި ފަޑިނާޅާ ހުންނަ އެއްޗެއް (2) މިބޭނުމުގައި ރާނައިފައި ހުންނަ ތަންތަން (3) އެކިއެކިކަންތަކު މައްޗަށް އަރައި ތިބޭށާއި އަދިވެސް ބައެއް ބޭނުމުގައި ހަދާތަންތަން (4) މާލޭ ހުކުރު މިސްކިތުގެ ދެފަރާތު ފެންޑާޔަށް އޮންނަތަން
އަނދުންދަވާދު
ނ ކާށިތެލުގެ އަނދުނާއި އަދިވެސް ބައެއްތަކެތި ބޭސްގަށާ ހަނަކަށް އަޅައިގެން ފެންއަޅައި އެތައްގަޑިއެއްގެއިރުވާދެންގަށައި ކަފާސްލައިގެންއަޅާ ދަވާދު މިއަށްޖަހާނީ ވަކިގޮތަކަށް ކައްކައިފައި ހުންނަ ރާހުތެކެވެ
އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
އަބޫނާ
ނ ރަސްކަމަށް ކޮލިލާ ދުވަހު ގުރުދަކިއުމާއި އަދިވެސް މިބާވަތުގެ ބައެއް ކަންތައްކުރުމަށް ދަޢުލަތުން ޢައްޔަންކުރާމީހާ
އަކުރު
ނ (1) އެއިން ބަސްތައް ހެދިފައިވާ ބައިތައް. މިސާލު: އަލިފު ބާ ތާ ހ ށ ނ ރ އޭ ބީ ސީ ޑީ. 1 2 3 4. (2) އެހެންބަހަކާ ގުޅިގެންނޫނީ އޭގެ މާނަ ދޭހަނުވާބަސް. މިސާލު: އަދި އަށް
އަފިހުން
މ އަފިހުން ގަހުގައި ހިއްކައިފައިވާ ކިރު މިއީ ވަރަށް ބޮޑަށް މަސްތުވާ އެއްޗެކެވެ އަދި ބޭހެއްމެއެވެ
އަތްމަތީދޮށި
ނ (1) މަސްބާނާދޮށީގެތެރޭން އެންމެދިގު ދޮށްޓާ ޖެހިގެން އޮންނަ ދޮށި (2) އެމީހަކަށްފަސޭހަ އަދިގިނައިން ބޭނުންކުރާ ދޮށި
އަލަނާސި
ނ ޅަބޯކެޔޮގަހެއްކަހަލަ ގަހެއްގެކުރިން ނުކުންނަ ރަތްކުލައެއްގެ ފޮނި މޭވާއެއް މިހުންނާނީ ބޮޑެތި އުންތަކެއް ފަޅައިފައެވެ މިމޭވާގެމަތީކުރިވެސްދާނީ ހެދެމުންނެވެ ނަމަވެސް އެކުރިޔަކު ދެނެއް މޭވާއެއްނުގަންނާނެއެވެ މީވަރަށްމީރު އަދި މީރުވަސްދުވާ މަޝްހޫރު މޭވާއެކެވެ
އަލަމާރި
ނ މިއީ އަންނައުނާއި ފޮތާއި އަދިވެސް ހިފައިގެންގުޅޭ ބައެއްތަކެތި ރައްކައު ކުރާން ބިތްތެރީން ހުޅުވޭގޮތަށް ހަދާފައި ހުންނަ ފަރުނީޗަރެކެވެ މިހުންނަނީ ކޮޅަށް ބަހައްޓާފައެވެ
އަލިފާންއާވި
ނ ރޯވުމެއް ހޫނުވުމެއްނެތި ފިހުމާއި އެނދުމުގެ ބާރު ހުންނަ ދިޔާއެއްޗެއް. މިއީ ކައްސަނދުވާނި ބާރޯޒް އަދިވެސް މިބާވަތުގެ މަޢުދަނީ އެއްޗެހީން ނަގާއެއްޗެކެވެ
އާހަދި
ނ ފަންޑިތަބޭހެއް މިހަދަނީ އޮޑިހަނުގައި ތަކެތި ގާނައިގެންނާއި އަދި މިނޫން ގޮތްގޮތަށެވެ
އިހަށް
ނ (1) ކުރިން (2) ބައެއް ފަހަރަށް (3) "އިރުކޮޅަކު" "އަދި" މިދެބަހުގެ މާނާގައިވެސް މިބަސް ބުނެއެވެ
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އިލޮށިފަތި
ނ ކުނިކެހުމާ އަދިވެސް ބައެއް ބޭނުމަށްޓަކައި ބަނދެފައި އޮންނަ އިލޮށިބޮނޑި