radheef.info
ރަދީފު


މެ
އ ބަސްގަދަކޮށްލުމަށް ބޭނުންކޮށް އުޅޭ ބަހެއް މިސާލު: )ހ( ދަނޑު ކޮށީ ޙަސަނެވެ )ށ( ގޮވާންކޮށީވެސް އޭނާމެއެވެ
ރަންދިކަނބާ
ނ ރަދުންގެ އަންހެން ބޭފުޅުންނަށް ދައުލަތުން ދެއްވާ ކޮލީ ނަމެއް
ރަންދިޔަ
ނ (1) އަންހެންކުއްޖަކާ ބޮޑަށް ހިތާވެގެން ލޯބިން ކިޔާ ވަނަމެއް ގިނައިން މިބަސް އިސްތިޢުމާލު ކޮށް އުޅެނީ ޅެމުގައެވެ (2) މަޖާޒު: ކަޅުބިލަމަސް
ރަންތާސްފޭލި
ނ ފޭލީގެ މެދުބައި ޖަރީކޮށް ވިޔާ ފޭލި
ރަންޏަކު ދަރިއެއް ބޮޑެއް ނުކުރާނެއެވެ.
(މިސާލުބަހެއް) ރަނިބޭކަނބަލުންނަކީ ކުދިން ބެލުމުގެ ބަރުއުފުލާ ބަޔަކު ނޫނެވެ. ތިމާ ނުކުރިޔަސް ކުށްވެރިނުވާ ކަހަލަ ތިމާކުރާންވާ ބައެއް ކަންތައް އެހެން މީހުންނާ ޖައްސާ ބައެއް މީހުންނާ މެދުގައި ބުނެއުޅޭ ބަހެއް.
ރަޅޮވަޑޮ
ނ )ޏ ސ ( (1) ގޮނޑުދޮށް (2) އެންމެ އެއްގަމަށް ރާޅު އަރާ ހިސާބު
ރަކަ
ނ )ހ ( ބޯދީގެ ތެރޭގައި ހުންނަ އެމެއް މިއެން ބޯއްޖަށްވުރެ ތަންކޮޅެއް ބޮޑުވާނެއެވެ މިހުންނަނީ އަނގަ ބޮޑުކޮށް ރަތްކުލައެއްގައެވެ އަދި ކަޅުރަތްކުލައެއްގެ ރޮނގެއް ހުރެއެވެ
ރަކަބޯދި
ނ )ހ ( ބޯދީގެ ތެރޭގެ އެންމެ ރަތް ބާވަތް
ރަކުޢަތް
ނ ޤިޔާމަކާއި ރުކޫޢަކާއި ދެސަޖިދަ ހިމެނޭގޮތަށް ނަމާދުގައި ކުރެވޭ ޙަރަކާތްތައް
ރައިފަލު
ނ އަތްމަތީގައި ގެންގުޅެވޭ ގޮތަށް ހަދައިފައި ހުންނަ ބަޑީގެ ޚާއްޞަ ބާވަތެއް: މިބާވަތުގެ ބަޑީގެ ވަޒަން ނުކުމެގެން ދާހޮޅީގެ އެތެރެ ހަދައިފައި ހުންނަގޮތުން ބަޑިން ނުކުމެގެންދާ ވަޒަންދާނީ ވަކިގޮތަކަށް އެނބުރެމުންނެވެ. މިބާވަތުގެ ބަޑީގެ އޮޓޮމެޓިކް ވައްތަރުތަކާއި އޮޓޮމެޓިކްނޫން ވައްތަރުތައްވެސް ހުރެއެވެ
ރައުޟާ
ނ ކީރިތި ރަސޫލާގެ ގެކޮޅާއި އެކަލޭގެފާނުގެ މިންބަރު ކޮޅާ ދެމެދުގައި އޮންނަ ސުވަރުގޭގެ ބިންކޮޅެއް
ރައްކައުކުރުން
މ (1) ސަލާމަތް ކުރުން (2) ފޮރުވުން (3) ވިއްސުމަށް މާތްބަހުންނާއި އެންމެ މާތްބަހުން ކިޔާގޮތް
ރައްކައުވުން
މ (1) ސަލާމަތްވުން (2) ފިލުން (3) ވިހެއުމަށް މާތްބަހުންނާއި އެންމެ މާތްބަހުން ކިޔާގޮތް
ރައްކަލު
ނ ފިރިހެނުންނަށް ކިޔާވަނަމެއް
ރައްކަލެ
ނ )ގ ( ރީނދޫކުލައިގެ ކުޑަމަހެއް ދެފަރާތުން ކުރެ ކޮންމެ ފަރާތެއްގައި ކަޅުތިއްކެއް ހުންނާނެއެވެ
ރައްކާ
ނ (1) ސަލާމަތް (2) އެއްޗެއް ފޮރުވާ ފޮރުވުން (3) ފަޗިސްފޮތިގަނޑުގެ މެދުން ދެފަރާތުގައި ބުރަފަތިކޮށް ބަގިޔާޖަހައިފައި ހުންނަގޮޅި
ރައްކާބައިން
ނ (1) ފަލީގެ ދުލުން މެއްކަށް އައްސައިފައި ހުންނަ މާރު (2) ހުންގާނުގައި އޮޅައިފައި ދެފަރާތުންގެނެސް އައްސައިފައި ހުންނަ މާރު (3) މީހަކު ގެއްލުމަކުން ސަލާމަތްކުރުމަށްޓަކައި ރައްކައުތެރިކުރުވުމުގެ ގޮތުންއަޅާ ކަމަރު (4) ގޮނޑީ ކަމަރު
ރައްވެރާވަނި
ނއ )ޏ ( ކުކުޅުހާލުގެ ފަތްގަނޑުގެ ކުރެހުމެއް
ރައްޔިތުން
ނ ޤައުމެއްގެ ނުވަތަ ރަށެއްގެ މީހުން
ރަވޯކައިފާހޮޑަށްލުން
މިސާލު: މާބޮޑަށް ރަވޯވެފައި ތިބޭކުދިންނާމެދު ބުނެއުޅޭ ބަހެއް
ރަމަންރަމަންފޯލި
ނ ކުޑަކުދިން މުގޯލި އަޅައިގެން ކުޅޭ ކުޅިވަރެއް މިކުޅިވަރުގައި މުގޯލިތައް ހުންނަނީ މެދުގައި އެއް މުގޯލި އަޅައި އޭގެ ވަށައިގެން އެހެން މުގޯލިތައް ހުންނަ ގޮތަށެވެ މިމުގޯލިތައް އަޅާނީ ކުދިން ތިބި ޢަދަދަކަށެވެ މެދު މުގޯލީގައި ހުންނަ ކުއްޖާ ހުންނާނީ ތުނި ފޮތިކޮޅަކުން ކަނުބަނދެފައެވެ އެކުއްޖާ ރަމަންރަމަންފޯލި ކޮބައިހޭ ކިޔާފައި އެއް މުގޯލިން އަނެއް މުގޯއްޔަށް ހިނގާއިރު އޭނާގެ އަތުނުޖެހޭން ވެގެން ކުދީން އެއް މުގޯލިން އަނެއް މުގޯއްޔަށް ދުވާނެއެވެ ކަނުބަނދެފައިވާ ކުއްޖާ މުގޯލިން ބޭރުގައި ހުރި ކުއްޖެއްގެ ގައިގައި އަތްލެވިއްޖެނަމަ އެ އަތްލެވުނު ކުއްޖާ ނުބައިވާނެއެވެ އެއީ ރަމަންރަމަން ފޯއްޔެވެ