radheef.info
ރަދީފު


ރައްޔިތުން
ނ ޤައުމެއްގެ ނުވަތަ ރަށެއްގެ މީހުން
ރައްޔިތުން
ނ ޤައުމެއްގެ ނުވަތަ ރަށެއްގެ މީހުން
ހަރުފަތުކޭން
ނ (1) ރަށްރަށުގެ ޚަތީބުން ފުރަތަމަ ހުކުރު ކުރުމަށްފަހު ރައްޔިތުންނަށް ދީއުޅުނު ކެއުމެއް (2) ހަރުފަތަށްއެރިކޭން
ހަތްހެއްތި
ނ )ސ ( ހަތްއަމުރު މިއީ އިހުޒަމާނުގައި ކޮންމެ ހުކުރު ދުވަހަކު ހުކުރުން ފޭބުމަށްފަހު ވެރީންގެ ފަރާތުން ރައްޔިތުންނަށް ކުރާ ހަތް އަމުރެވެ (1) މާތްކަލާގެއަށް ކިޔަމަންތެރިވާހެއްތި (2) ޒިނޭނުކުރާ ހެއްތި (3) ވައްކަން ނުކުރާ ހެއްތި (4) ދޮގުނުހަދާހެއްތި (5) ނަމާދުކުރާހެއްތި (6) ރޯދަހިފާހެއްތި (7) ވެރިންނަށް ކިޔަމަންގަންނަހެއްތި
ނައިބުފަތް
ނ (1) ނާއިބުކަން ރަށްރަށުގެ މީހުނާ ހަވާލުކުރާއިރު މަހުކަމަތުއް ޝަރުޢިއްޔާއިން ދޭފަތް މިފަތް އެރަށްރަށުގެ ރައްޔިތުންނަށް ކިޔައިދިނުމީ ލާޒިމް ކަމެކެވެ (2) އިހުގައި ކޮންމެ އަހަރެއްގެ ރަޖަބުމަހު 6 ވަނަ ދުވަހު ފަޑިޔާރު މަނިކުފާނުގެ ފަރާތްޕުޅުން ދީނީ އަމުރު މަޢްރޫފު ހިންގުމަށް އަންގަވާ އެންގެވުން ލިޔެފައިވާ ކަރުދާސް
ނިމަ
ނ (1) ރަށްރަށުގެ ރައްޔިތުންކުރާ ދަތުރުތަކުގައި ރައިވެރިންނަށް ނުދެވޭތީ އެމީހުން އަތުން ނަގައި އުޅުނު ހަކުރު ނުވަތަ ތަކެތި (2) ދަތުރުވެރިންނަށް ބައެއް ރަށްރަށުން ހަދިޔާއަށް ދީއުޅުނު ތަކެތި މިތަކެތިދީ އުޅުނީ އެރަށްރަށުގެ ފަޅަށް ދަތުރުދޯނި ވަނީމައެވެ
ރަށުމީހުންގެ
ނ ރައްޔިތުންގެ ގެ
ރަށްމެދު
ނ އިހުގައި ރައްޔިތުންގެ ކަންތައް ކުރާން މީހުންއެއްވާ މައިދާން
ރައްޔިތުގެ
ނ ރާއްޖޭގެ ރަށްރަށުގައި ރައްޔިތުންގެ ކަންތައްތައް ހިންގައި އުޅުނު ގެ
ބަނޑުވޭންކާރު
ނ ސަރުކާރުގެ އުޖޫރައެއްނެތް ރައްޔިތުންގެ އިތުބާރުހުރި އެމީހުންތެރޭން ބަސްވިކޭމީހުން
ބައިގެ
ނ )ދ ( ރައްޔިތުންގެ ބަނޑަހަގެ
ބާރަމާލޫދު
ނ ރައްޔިތުންގެ ފަރާތުން ރަބީޢުލްއައްވަލުމަހު 21 ވިލޭރޭ ކިޔައި އުޅުނު މާލޫދު
ބޮޑުތަކުރުދަން
ނ ދަމުހަރުގެޔަށް ދަމަށްއެރި ޒަމާނުގައި ހެންވޭރު ރައްޔިތުން ބައިކޮށްފައި އޮންނަ 4 ބައިން ކުރެއެއްބައި
ކަތީބުބައި
ނ އިހުގައި ރަށްރަށުގެ ކަތީބުންނަށް އެރަށެއްގެ ރައްޔިތުންކުރާ މަސައްކަތަކުން ލިބޭއެއްޗަކުން އޮންނަބައި މިއީ ސައުވީސްބައިކުޅަ އެއްބައެވެ
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކޮންގްރެސް
ނ (1) މަޖްލިސް (2) ސިޔާސީ މަޖްލިސް (3) ސަފީރުންގެ މަޖްލިސް (4) ބައިނަލް އަޤުވާމީ ކަންތައް ހަމަޖެއްސުމަށް ނަގާ މަޖްލިސް (5) އެމެރިކާގެ ރައްޔިތުންގެ މަޖްލިސްގެ ދެގެ ސެނެޓާއި ހައުސް އޮފް ރެޕްރެޒެންޓެޓިވްސް އެކުގައި ހިމެނޭގޮތަށް ކިޔާނަމެއް
ކޮންސެލްކަން
ނ (1) ދަށުދަރަޖައިގެ ސަފީރުކަން. (2) އެއްދައުލަތަކުން އަނެއް ދައުލަތަކަށް ފޮނުވައިފައި ހުންނަ އެފޮނުވި ދަޢުލަތުގެ ރައްޔިތުންގެ ވިޔަފާރިއާއި އެހެނިހެން ކަންތައް ބަލަހައްޓާ ވަކީލުކަން
ކޮމިޓީ
ނ ގިނަ ބައެއްގެ ތެރެއިން ވަކި ކަމަކަށް ޚާއްޞަކޮށް ހޮވާ މީހުންކޮޅެއް މިސާލު: ރައްޔިތުންގެ މަޖިލީހުން ބަޖެޓާމެދު ވިސްނާގޮތެއް ކަނޑައެޅުމަށް ކޮމިޓީއެއް ހޮވައިފިއެވެ
ވާރުފެތުރުން
މ ވާރުނެގި ޒަމާނުގައި ރަށްރަށު ރައްޔިތުންގެ އަތުންވާރު ނަގާންވީ އަދަދު ބޯބޯ މައްޗަށް މިންވަރު ކުރުން
ވާރުގެ
ނ ވާރުވެރިޔާ ހުންނާން އަތޮޅުގެ ރައްޔިތުން އަތުން ވާރުގެ ޤަވައިދުން ޚަރަދުކޮށްގެން އަޅާގެ ވާރަށް ނެގޭ ތަކެތި ރައްކައުކޮށް އުޅުނީވެސް އެގޭގައެވެ
ވިޔަކުރާކޭން
ނ އިހުގައި ސަރުކާރުން ވާރު ނެންގެވިއިރު އެކަމުގެ ހިސާބުކުރުމަށް ރާއްޖެތެރެއަށް ފޮނުައްވާ ބޭކަލުންނަށް ރައްޔިތުންގެ ފަރާތުން ކައްކާ ކޭން
މައިޒާންގެ
ނ އިހުގައި މާލޭގެ ހަތަރު އަވަށުގައި އަވަށު ރައްޔިތުންނަށް އަންގަންޖެހޭ ކަންތައްތައް އިޢްލާން ކުރުމަށާއި އެތާގެ ސަރަޙައްދަށް އަވަށު މީހުން އެއްކޮށް ވާހަކަ ދައްކައި ނަޞޭޙަތް ދިނުމަށް ހަދާފައި ހުންނަ ތަނެއް