radheef.info
ރަދީފު


ރަކަ
ނ )ހ
( ބޯދީގެ ތެރޭގައި ހުންނަ އެމެއް
މިއެން ބޯއްޖަށްވުރެ ތަންކޮޅެއް ބޮޑުވާނެއެވެ
މިހުންނަނީ އަނގަ ބޮޑުކޮށް ރަތްކުލައެއްގައެވެ
އަދި ކަޅުރަތްކުލައެއްގެ ރޮނގެއް ހުރެއެވެ
ރަކަ
ނ )ހ ( ބޯދީގެ ތެރޭގައި ހުންނަ އެމެއް މިއެން ބޯއްޖަށްވުރެ ތަންކޮޅެއް ބޮޑުވާނެއެވެ މިހުންނަނީ އަނގަ ބޮޑުކޮށް ރަތްކުލައެއްގައެވެ އަދި ކަޅުރަތްކުލައެއްގެ ރޮނގެއް ހުރެއެވެ
ހަށަވާލި
ނ ވާލި އާއިލާގެ ފަރުމަހެއް މިމަސް އެހެނިހެން ވާއްޔަށްވުރެ ދިގުވާނެއެވެ މިވާލީގެ ބުރަކަށި މަތީ އެއްވަރަކަށް ހުންނަ ކަށިތަކެއް ހުންނާނެއެވެ މަހުގެ ކުލައަކީ ރިހިއަޅި ކުލައެވެ މަހުގެ އަރިމަތީގައި ދެބަރިއަކަށް ހުންނަ ކަޅު ލައްތަކެއް ހުރެއެވެ
ހަނދަލަ
ނ )ހ ( (1) ބޮޑުކޮރަކަލި (2) ކޮރަކައްޔާއި ހަންޖާ ދެމެދުގެ ހަނދިމަސް
ހަނި
ނ (1) ތަނަވަސްކަން ކުޑަ (2) ފުޅާމިން ކުޑަ މިސާލު: މިއީ ކާރަކަށް ދެވޭ ވަރަށް ވުރެވެސް ހަނި މަގެކެވެ (3) ފުޅަލުގެ އިދިކޮޅު
ހަނު
ނ (1) ވަޅި އާއި ފުރޯ ފަދަ ތަކެތި ތޫނު ކުރާން ކުރަނދާއި ލާއިން ވަށްބުރަކަށް ހަދައިގެން ގެންގުޅޭ އެއްޗެއް (2) ވަޅި ފުރޯފަދަ ތަކެތި ތޫނުކުރާން ގެންގުޅޭ އާލަތެއް (3) )ކއ ( މަޑުން (4) )ނއ ( ހިމޭން
ހަންޑި ހުނިގޮނޑި
ނ (1) ފަޅޯގަހު އިބިލީސް. (2) ފާވެފައި ހުންނަ ފަޅޯގަސްގަނޑަށް އަންނަ ފައިދިގު މަދިރިއެއް ކަހަލަ އެއްޗެއް. މިއީ ބުރަކަށި މަތި އިތި ރަތް ރީނދޫ ކުލައިގެ އެއްޗެކެވެ
ހަރުބަސް
ނ އަދަބީބަސްތަކުގެ ތެރެއިން އަމުރަކަށްވާ ނުވަތަ ނަހީއަކަށްވާ ނުވަތަ ނަސޭހަތެއް ކަމުގައިވާ ކޮންމެ ބަހެއް
ހަޅިއަފޮނާ
ނ )ސ ( މުރަކަމަސް
ހަކުރުބޮލި
ނ ބޮލީގެ ބާވަތެއް ގަދަމުށިކުލައިގެ ތިކީގެ ރޮނގުތަކެއް ވަރަށް ހިމަކޮށް މިބޮލީގެ ބޭރުގައި ހުރެއެވެ ބަނޑުދަށްފަރާތް ހުންނަނީ ހުދުކޮށެވެ ބުރަކަށިމަތީގައި މުށިކުލައާއި ގާތް ދޮންކުލައެއް ހުރެއެވެ
ބަށިގަން
ނ ބަށީގައި ކައްކާ ފޮނި ހިކިރިހައެއް. މިހަދަނީ ބަށި މުޅިން ވަކިނުކޮށް ހަތަރުފަޅިއަށް ފަޅާ ވަކި ވަރަކަށް މަޑުކޮށްލުމަށްފަހު އޭގެ ތެރޭގައި ހުރި އޮށްތަކާއެކު ކަރުގަނޑުނަގާ މަސްކޮޅެއްމޮޑެ އޭގެ ތެރެއަށް ލޮނުމިރުސް ހަވާދުކޮޅަކާ ބަށިން ނެގި ބަޔާ އަޅައިއެއްކޮށް މޮޑެ އެއިން އެއްބައި ބަށީގެ އެތެރެއަށް އަޅައި ރޮދިން ބަށިބަނދެލާ ގިތެޔޮފޮދެއްގައި ބާކީ ހުރި ހަވާދުކޮޅު އަޅައިގެން ފުށްފުށަށްޖަހައި ރަނގަޅަށް ރޯފިލުވައިގެންނެވެ
ވަރުބަލިކަން
ނއނ (1) ހަކަތަ ދެރަކަން (2) ވަރު ދެރަކަން
މިންކެނޑުން
މ (1) އެއްޗެއްގައި ހުރި ދިޔާ ނުވަތަ އޮލަ އެއްޗެއްގެ މިންވަރު ބެލުމަށް ކުރާ ކަމެއް (2) އެއްޗެއް ވަކި ވަރަކަށް ބައިބައިކޮށްފައި ފާހަގަޖެހުން މިސާލު: ފުޅީގެ މިންކެނޑުން ތަށީގެ މިންކެނޑުން
ފަތާދިއުން
މ މަޖާޒު: ދައުލަތުގެ އަމުރަކައިގެން ދިއުން
ފަތިފުށް
ނ (1) ފަހާފައި ހުންނަ ލިބާހާއި ގަމީސް ފަދަ ތަކެތީގެ އެތެރެ ފަރާތް (2) މަޖާޒު: މީހަކަށް ކުރެވިފައި ހުންނަ ލަދުގަންނަންޖެހޭ ދެރަކަންތައްތައް
ފަތިފުށްކިޔުން
މ (1) މީހަކަށް ކުރެވިފައިވާ ލަދުގަންނަންޖެހޭ ކަހަލަ ދެރަކަންތަކުގެ ވާހަކަ ހާމަކޮށް ދެއްކުން (2) ބަދުނާމު ކުރުން
ހަތަރުވަނަ
ނއ (1) ހަތަރަކަށްވާ (2) ހަތަރެއްގެ
ހަތަރުފައިޖެހިގޮނޑި
ނ (1) އިށީންނަތަން ވައްކޮށް ލިޔެލާޖަހައިފައި ކިއްސަރަކަށް އޮންނަ ހަތަރުފައިޖެހި ގޮނޑިއެއް: މީގެ އުސްމިނަކީ ގާތްގަނޑަކަށް ފޫޓެކެވެ މިއީ އިހުގައި ގަނޑުވަރުތެރޭގައި ވަރަށް ޢިއްޒަތް ހުރި އެއްޗެކެވެ (2) ހަތަރުފައިޖަހާފައި ހުންނަ ކޮންމެ ގޮނޑިއެއް
ހަތިމައު
ނ )ސ ( މުރަކައިގެ ބާވަތެއް މި ވައްތަރުވާނީ މާގަނޑުކޮޕީއާއެވެ މީގެ ކުލައަކީ މުށިކުލަށެވެ މި މުރަކައެކޭ އެއްގޮތަށް މުރަނަވާނެއެވެ
ހަތްނަރަކަ
ނ ނަރަކައިގެ ހަތް ވަތްގަނޑު އެއީ ޖަހައްނަމު ޖަޙީމު ސަޤަރު ސަޢީރު ލަޡާ ޙުޠަމާ ހާވިޔާ
ހާ
ނ (1) ކުކުޅުގެ ފިރިހެން އެތި. (2) އަތޮޅެއްގެ އެތެރެވަރީގައި ވަށައިގެން ތިލަ ކައިރިފަށެއް އޮތުމާއެކު އެތެރެ ފުންކޮށް ހުންނަ ތަންތަން. މިސާލު: އެދޯނި މިއަދު އެން އެޅީ ވަރަށް ދުރުގައި އޮތް ހަލަކުންނެވެ. (3) ބައެއް އެއްޗެހީގެ އެތިއެތިކޮޅު. މިސާލު: އުޑުމަތީގައި ހާވިލާ ވަރަށްގިނައެވެ. )ށ( ތިޔަ ހާމަސްކޮޅު ގެންނާށެވެ. )ނ( ހާރަން. (4) ލައްޕާފައި ހުންނަ ބައެއްތަކެތި ހުޅުވައިލުން. މިސާލު: ފޮށީގެ މަތި ހާކޮށްފި އެވެ. (5) ފޭ. މިސާލު: ދޮރުފަތުގެ ހިންމި މިހިރީ ހާވެފައެވެ. (6) އެއްޗެއްގެ ފޭރާން ދެރަކަމުން ނުވަތަ އެއްޗެއްގައި ހުންނަ ބާކޮޅަކުން ނުވަތަ އެއްޗެއްގެ ހިންމި ދުރުވެގެން އެއްފަރާތުން އަނެއްފަރާތް ފެންނަފެނުން މިސާލު: މިތަނުން އަދިވެސް އެބަ ހާއަޅައެވެ މިބަހުގެ 4 5 މިދެނަންބަރުގައިވާ ހާ އިން ކޮންމެވެސް އެއްޗަކާ ގުޅުވައިގެން މެނުވީ މާނައެއް ދޭހައެއް ނުވެއެވެ މިސާލު: ހާވުން ހާކުރުން
ހިރިގައު
ނ މުރަކައިގެ ބާވަތެއް. މިއީ ގޮފިނުވާގޮތަށް އެކަތިގަނޑަކަށް ހެދިފައި ހުންނަ އެއްޗެކެވެ. މިއީ ރާއްޖޭގައި އުފެދޭކަމަށް ބުނެވޭ އެންމެ މޮޅު ގަލެވެ. އިހުގެ ދިވެހިން ވަޅުވަޅާއި ޢިމާރާތްފަދަ ތަންތަނާއި މަހާނަގާފަދަ ތަކެތި ހެދުމަށް މިގާ ބޭނުންކުރިއެވެ ހިރިގަލުގައި ބިންވަޅުނަގައި ކުރެހުމަކީ ދިވެހީންގެ ވަރަށް ޚާއްޞަ ފަންނީ މަސައްކަތެކެވެ