radheef.info
ރަދީފު


ކަލަ
ނ (1) ޒަމާން. މިސާލު: މިކަލަކަށް އައިސް. (2) ތިމާ އަނެކަކަށް ކޮށްދީފައި ހުންނަ ހެޔޮކަންތަކުގެ ވާހަކަ ހިތާނުވެގެން އެމީހާއަށް އިއްވާން ދައްކާ ދެއްކުން (3) )ސ ( ފަހަރު
ކުރޯޑު
ނ ސަތޭކަލައްކަ
ކުޑަ އޮޅަންނަ އޮޅި
ނ އިހުގައި އަސްކަރުންގެ ބައިތަކުގެ ތެރެއިން ބައެއްގެ ނަން މިބައި ޙަވާލުވެފައި އޮންނަނީ ދޮށިމޭނާ ބޭކަލަކާއެވެ
އަސާހަނޑޫ
ނ ފުރަމާލޭގެ ދެޚަތީބުންނާއި މީރުބަޙުރާއި ރަނަހަމާންތި ބޭކަލަކާއި މިނޫން ދެންތިއްބެވި އަސާދެއްވާ ބޭބޭކަލުންެކުރެ ކޮންމެ ބޭކަލަކަށް ވީއްލަވައިފައިތިބޭ ހަނގުބޭކަލުންގެ ދެމީހުންނަށް އޮންނަހަނޑޫ މިއީ އެބޭކަލުން އަންގަވާ ކަމެއްކުރާން ތިބޭ ދެމީހުނެވެ މި މީހުނަށް ހަނގުކަމުގެ ތަކެތި އޮވެފައި ވަރުތެރޭގެ މަސައްކަތެއް ނޯންނާނެއެވެ
އަޖިދައަށްކޮރުލުން
މ (1) އިރަށް އަޅުކަންކުރުން (2) އިރުއެއީ ކަލަކުކަމަށް ޤަބޫލުކޮށް އެފަރާތުން ކަންކަމަށް އެދި ފަންޑިތަހެދުން
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
ވިދާޅުބަސްބޯމަތި
އ )ބދ ( ރަސްކަލަކު އެންގެވި ކަމަކާ ޙަވާލުވުމަށް އިހުގައި ބުނެއުޅުނު ބަހެއް
ވެދުންއެޅުން
މ (1) ހަދިޔާގެ ގޮތުން ރަސްރަސްކަލުންނަށް ގެންނަ އެއްޗެހި ކޮޅު އެރަސްކަލަކު ހުންނަވާ ތަނަކަށް ނުވަތަ އެންގެވި ތަނަކަށް ގެންދިއުން (2) ރާއްޖެއިން ބޭރަށް ގޮސްފައި އަންނަ ރާއްޖެތެރޭގެ އޮޑިފަހަރުން ސަރުކާރަށް ވެދުންކުރުން
މަރެސް
ނ މާރިޗް )މީލާދީ ކަލަންޑަރުގެ ތިންވަނަ މަސް
މައިތިރިޔަށްކިޔެވުން
މ ކިޔެވެއްޔެއް ކިޔަވާއިރު އެކަމުން އަތުވެދާނެ ނުރައްކަލަކުން ދިފާޢުވުމަށް ކިޔަވާ ކިޔެވުން
މަލިކުތާހީދު
ނ ރައިވަރުތަކަކުން ތައުޙީދުގެ މައްޗަށް އެކުލެވިފައިވާ ޅެންބައެއް ބުނެވެނީ މިއީ ފެންފުށީ ބޭކަލަކު ހެއްދެވި އެއްޗެއް ކަމުގައެވެ
މަގުގެއްލިފައިވުން
މ (1) ދާނެމަގެއް ނޭނގިފައިވުން (2) މަޖާޒު: އެއްކައުވަންތަކަން ޤަބޫލުނުކުރުން (3) ކަލަކު ވޮޑިގެންވާކަން ޤަބޫލުނުކުރުން
މިސްކިތުވަކަރަށްވުން
މ މަޖާޒު: މަތީ ދަރަޖައިގެ ބޭފުޅަކު ކާވެނި ބައްލަވައިގެންފައި ވަރިކުރައްވާ އަންހެނަކު ނުވަތަ އެފަދަ ފިރިކަލަކު އަވަހާރަވެފައިވާ އަންހެނަކު ކުރީގެ ފިރިކަލުންނަށްވުރެ ދެރަމީހަކާ އިންނަން ނުކެރިފައި އިންނައިނުން
މިސްކިތުވަކަރު
ނ (1) މިސްކިތެއް ރޫޅައިލައިގެން ނަގާވަކަރު (2) މަޖާޒު: މަތީ ދަރަޖައިގެ ބޭފުޅަކު ކާވެނި ބައްލަވައިގެންފައި ވަރިކުރެއްވީމާ ނުވަތަ އެފަދަ ފިރިކަލަކު އަވަހާރަވީމާ އެއަށްވުރެ ދެރަމީހަކާ އިންނަން ނުކެރިފައި ތިބޭ އަންހެނުން
މުކައްލަފު
ނ އިވުން ނުވަތަ ފެނުން މިދެޙިއްސުން ކުރެޙިއްސެއް ސަލާމަތުން ހުރުމާއެކު ރަސޫލު ބޭކަލަކު ދީނަށް ގޮވާލެއްވި ގޮވާލެއްވުން އެމީހަކާ ހަމައަށް ވާޞިލުވެފައިވާ ބުއްދިހުރި ބާލިޣުވެފައިވާ މީހާ
މުޙައްރަމް
ނ (1) ހިޖުރީ ކަލަންޑަރުގެ ފުރަތަމަ މަސް (2) ކަނދިމަސް
ފަށްގަނޑުޖެހުން
މ (1) ދަތުރުކުރާއިރު ކަނޑުގަދަ މޫސުމަށް ރާޅަށް ރައްކަލަކަށް މަތިކަން މަތީގައި ފިލައެއް ޖެހުން. (2) މާލެ ދަތުރުކުރާއިރު ގިނަމުދާ އެރުވުމަށްޓަކައި ފިލާޖަހައި އުސްކުރުން
ގެޒެޓުކުރެވުން
މ ރައްޔިތުންގެ މަޖްލިސުން ފާސްކުރާ ބިލެއް ރަސްކަލަކު ނުވަތަ ރައީސަކު ތަސްދީޤު ކުރެއްވުމަށްފަހު ދައުލަތުގެ ގެޒެޓުގައި ޝާއިއު ކުރެވުން
ފަތުރަތު
ނ (1) ދެކަމެއްގެ ނުވަތަ ދެ ޒަމާނެއްގެ ދެމެދުގައި ހޭދަވާ ވަގުތު. (2) ރަސޫލު ބޭކަލެއްގެ ޒަމާން ވޭތުވެގޮސް އެބޭކަލެއްގެ ރިސާލަތު އޮޅުމަށްފަހު އަނެއް ރަސޫލުބޭކަލަކު ފޮނުއްވުމާ ދެމެދުގައި ހޭދަވާ މުއްދަތު (3) މަޖާޒު: ކަމެއް ހީނަރުވެފައި އޮންނަ ދުވަސްވަރު