radheef.info
ރަދީފު


ކަލަ
ނ (1) ޒަމާން. މިސާލު: މިކަލަކަށް އައިސް. (2) ތިމާ އަނެކަކަށް ކޮށްދީފައި ހުންނަ ހެޔޮކަންތަކުގެ ވާހަކަ
ހިތާނުވެގެން އެމީހާއަށް އިއްވާން ދައްކާ ދެއްކުން
(3) )ސ
( ފަހަރު
ކަލަ
ނ (1) ޒަމާން. މިސާލު: މިކަލަކަށް އައިސް. (2) ތިމާ އަނެކަކަށް ކޮށްދީފައި ހުންނަ ހެޔޮކަންތަކުގެ ވާހަކަ ހިތާނުވެގެން އެމީހާއަށް އިއްވާން ދައްކާ ދެއްކުން (3) )ސ ( ފަހަރު
ހަނދުމަސް
ނ (1) ހިޖުރީ ކަލަންޑަރުގެމަސް (2) މުޙައްރަމް މަހުން ފެށިގެން ޙައްޖުމަހަށް ނިމޭ އަހަރުގެ ކޮންމެ މަހެއް
ހަކުރާވަރު
ނ ހަވަރުގެ ތެރެއިން ހަކުރާ ބޭކަލަކާ ޙަވާލުވެފައިވާ ވަރު ނުވަތަ ބައި
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ހަތްބަހައްޓާދޮރާށި
ނ ގަނޑުވަރުތެރޭގައި ހުންނަ ޚާއްޞަ ދޮރާއްޓެއް ރަސްކަލަކު ރަސްމީ ޢިއްޒަތުގައި ކޮއިލުތެރޭން ނުކުމެ ވަޑައިގަތުމަށްފަހު އަނބުރާ ކޮއިލު ތެރެއަށް ވަޑައިގަންނަވާއިރު މިދޮރާއްޓާ ހަމަވުމުން ހަތްކޮޅުތައް ހިފައިގެން ތިބޭ މީހުން ކިއެވެނި ބޭކަލުންގެ އަށީގެ ފާރުން އަޑިކޮށްލެވިފައިވާ ތަނެއްގައި ހަތްކޮޅު ބަހައްޓާތީ މިދޮރާށްޓަށް މިނަން ނިސްބަތްވެފައިވަނީއެވެ
ހިތިދުވަސް
ނ ރަމަޟާންމަހު 22، 24، 26، 28 މި ހަތަރު ދުވަސް. މިއީ ރަސްމީ ގޮތުން ރަސްކަލަކު ބައެއް ވަލީވެރިންގެ ޒިޔާރަތަށް ފާތިޙާ ވިދާޅުވުމަށް ވަޑައިގަންނަވާ ދުވަސް ދުވަހެވެ. (1) ހެންވޭރު ބޮޑު ހިތީގައި ޙަބްޝީގެފާނުގެ މަޤާމްފުޅަށް. (2) މާފަންނު ބޮޑު ހިތީގައި އަލި ރަސްގެފާނު ޒިޔާރަތަށް. (3) ހެންވޭރު ކުޑަހިތީގައި މެދުޒިޔާރަތަށް. (4) މާފަންނު ކުޑަހިތީގައި ފަޤީހު ސުލައިމާނު ޒިޔާރަތަށެވެ. ފަހުން މިކަމުގެ ރަސްމިއްޔާތު ރޭގަނޑަށް ބަދަލުވީމާ އޮންނަނީ 23، 25، 27، 29 މިރޭ ތަކުގައެވެ
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހުރާގޭދަރިކޮޅު
ނ ރާއްޖެ އިސްލާންވީފަހުން ހަތްވަނަޔަށް ރާއްޖޭގައި ރަސްކަންކުރި ޢާއިލާ މި ޢާއިލާގެ ފުރަތަމަ ރަސްކަލަކީ ހުރާ ދޮންމަރުދުރު ފަޑިއްތަކުރުފާނުގެ ޙުސައިން ދަހަރާ ތަކުރުފާނުގެ މުޙައްމަދު ފާމުލަދޭރި މަނިކުފާނުގެ ދަރިކަލުން އަލްޣާޒީ ޙަސަން އިއްޒުއްދީނު ދޮންބަންޑާރައިންނެވެ މިޢާއިލާއިން ތޭރަ ރަސްކަލުން ރަސްކަން ކުރެއްވިއެވެ
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ނިލަމެހިތެރޭގައި ހުންނަ ދޮންނޫކުލައިގެ އެމެއް ހުއްބު
ނ (1) އިހުގައި ކޮންމެ ބުރާސްފަތި ދުވަހަކު ހަވީރު މެދުޒިޔާރަތް ދޮށުގައި މާމުދިން ބޭކަލަކު ކިޔަވާ ކިޔެވެއްޔެއް (2) )އ
ހުވަނދުގޮށި
ނ ހުވަނދުއަޅާން ބިލެތްގަނޑަކުން ރޫޖައްސައިގެން ހަދާގޮއްޓެއް މިއީ ހުކުރު ދުވަހު ހުކުރުކުރާ ޚަޠީބެއްގެ ގެއިން މުދިން ބޭކަލަކު މިޙްރާބުގޭގައި ތިއްބަވާ ބޭކަލުންނަށް ދޭން ހުވަނދު ގެންގޮސް އުޅުނު އެއްޗެކެވެ
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހެއިޖެއްސުން
މ (1) ވިސްނައިދީ މަގަށް އެޅުވުން (2) ހޭނިތިފައިވާ މީހަކު ހޭއެރުވުން (3) )ސ ( ނިދައިފައި އޮތްމީހަކު ހޭލެއްވުން (4) އިހުގައި ރަސްކަލަކު މީހަކަށް ބަނޑުހަނޑޫ ލިބޭފެންވަރުގެ ވަޒީފާ އެއް ދެއްވުން
ރަނޑުރިހި
ނ ހަނގު ބޭކަލަކު މީހަކާ ކައިވެނި ކުރެއްވުމަށްފަހު ވަރިކުރައްވާފާ ދެން މީހަކާ ކައިވެނި ނުކުރައްވާ ހުންނަވާތާ އަހަރުވީމާ ނަގައި އުޅުނު ލާރި
އައްޓަށްގެންދެވުން
މ ހަނގުބޭކަލުން މަޖިލީހަށް އަރާ ބޭކަލުން ބޮޑު ބޭކަލުން ވަރު ތެރެއަށް ލެއްވީމާ ފުރަތަމަ ދަމަށް ދުރުވާންޖެހޭ ރޭ އެއަށްޓެއްގެ ބޭކަލުން ދުރުވެ އެމީހަކު ގޮވައިގެން ދަމުއަށްޓަށް ދުރުވުން އެގެއެއްގައި އަށީ ބޭކަލުންނަށް އަވެލި ހުންނާންވާނެއެވެ އެރޭ އައްޓަށް އަރުއްވާފައި އެބޭކަލަކު ދުރުވާނީ ގެޔަށެވެ
ނާބަބޭލުން
މ ނާބަ ޖަހަންވާއިރަށް ނުޖެހުނުނަމަ ކުދިބޭކަލަކު ނާބަޖަހާބެރާ ދަނޑިގަނޑު ބާލައިގެން ދެގެދޭތެރެއަށް ގެންދިއުން )މިހެން ހަދައިފިނަމަ ދެން ނާބަޖެހޭނީ އަލުން އިޒުނަ ހޯދައިގެންނެވެ
ރަންދި
ނ (1) ރަސްކަލަކަށް ކޮލިލާފަހުން ފުރަތަމަ ލިބިވަޑައި ގަންނަވާ އަންހެން ބޭފުޅަކަށް ކިޔާ ރަސްމީ ނަމެއް (2) ކަޅުބިލަމަހަށް ކިޔާ ވަނަމެއް
ރަމަޟާން
ނ (1) ރޯދަމަސް (2) ހިޖުރީ ކަލަންޑަރުގެ ނުވަވަނަމަސް
ރަސޫލު
ނ މާތް ﷲ އެބޭކަލަކަށް ޝަރީޢަތެއް ބާވާލައްވައި އެޝަރީޢަތެއް މީސްތަކުންނަށް ފޯރުވައި ދެއްވުމަށް އަންގަވައިފައިވާ މާތް އިންސާނާ
ރަސްކަން
ނ (1) ރަސްކަލަކު ހުންނަވައިގެން ހިންގާ ވެރިކަން (2) މަޖާޒު: ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތް ހިތަކަށް އުޅޭ އުޅުން (3) ބަލަހައްޓާނެ މީހަކު ނެތިދާ ވަގުތުކޮޅު ކުއްޖަކު ނުވަތަ ކުޑަކުދީން ތަކެއް ހިތްހިތަކަށް އުޅޭ އުޅުން މިސާލު: އަހަރެން ގެއަށް އައިއިރު ކުދިން ކޮޅު ކޮޓަރި ތެރޭގައި ރަސްކަން ކުރަނީއެވެ
ރަސްކަންކުރުން
މ (1) ރަސްކަލަކު ހުންނަވައިގެން ހިންގާ ވެރިކަން ހިންގުން މަޖާޒު: (2) ތަނެއްގެ ބާރު ލިބިފައިވާ މީހަކު ނުވަތަ ބަޔަކު އެތަނެއްގައި ނެތުމުން ދެން ހުންނަ މީހަކު ނުވަތަ ދެން ތިބޭ ބަޔަކު އެތަނަށް ނުފޫޒު ފޯރުވައިގެން ހިތްހިތަކަށް އުޅުން (3) ބަލަހައްޓާނެ މީހަކުނެތި ދާވަގުތުކޮޅު ކުއްޖަކު ނުވަތަ ކުޑަކުދިންތަކެއް ހިތްހިތަކަށް އުޅުން