radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
މައިތިރިކުރުން
މ (1) ހަމައިން ނައްޓާލައިގެން އުޅޭ ކަމެއް ނުވަތަ ބައެއް ހަމައަކަށް އެޅުވުން (2) ހަމަހިމޭންކުރުން
މައިތިރިޔަށްކިޔެވުން
މ ކިޔެވެއްޔެއް ކިޔަވާއިރު އެކަމުން އަތުވެދާނެ ނުރައްކަލަކުން ދިފާޢުވުމަށް ކިޔަވާ ކިޔެވުން
މައިތޮށި
ނ (1) ރަށެއް ނުވަތަ ފަޅެއް ފަދަ ތަނެއްގައި ޤުދްރަތީ ގޮތުން އުފެދިފައިވާ ތޮށި (2) ރަށެއް ފަޅެއް ފަދަ ތަނެއްގައި ޤުދްރަތީގޮތުން އުފެދިފައިވާ ތޮށިމަތީގައި ނުވަތަ ބައެއްގައި ގަލުންލާތޮށި ނުވަތަ ފާރު
މައިގަނޑުނަން
ނ ޅެމާއި މަޒުމޫނު ފަދަ ތަކެތީގެ މައުޟޫޢު
މައިގަނޑުބައި
ނ (1) ޅެމާއި މަޒުމޫނު ފަދަ ތަކެތީގެ މަޤްޞަދުގެބައި (2) އަޞްލު
މައިގެ
ނ (1) ގޭގެ ބޭރުގެއަށްވާބައި (2) ޢާއިލާ އުފެދުނުގެ
މައިސޯބު
ނ (1) ގަޑީގެ ކަށި އަނބުރައިދޭ ސޯބު (2) މަޖާޒު: ތަނެއްގެ އެންމެ ބޮޑު މީހާ (3) ޗާބީދޭ އެއްޗެއްގެ ކެނބު ގުޅިފައިވާ ފުއްކެނޑިބުރު ނުވަތަ ނާރެސް މިބުރު ނުވަތަ ނާރެސް އެނބުރުމުގެ ސަބަބުން އެ އެއްޗެއް ހިންގައިދެއެވެ
މައިޒާން
ނ ހުސްވަގުތުގައި. މީހުން ހިތްފަސޭހަކުރުމަށާއި މަޖާވާހަކަ ދައްކައި ޚިޔާލު ބަދަލު ކުރުމަށް ހަދާފައި ހުންނަތަނެއް. މިކަހަލަ ތަންތަން ހަދާފައި ހުންނާނީ ހުސް ތަންތަނުގައި ހިޔާބޮޑެތި ގަސްގަސް ދޮށުގައްޔާއި ހިޔާ ލިބޭ ތަންތާގައެވެ ރުއްވަކަރާއި ކަށިކެޔޮ ހޮޅުން އަށިހަދައިގެންނެވެ ފަހަކަށް އައިސް ރާނާއި ސިމެންތި ޖަހައިގެންވެސް މައިޒާން ހަދާ އުޅުނެވެ
މައިޒާންގެ
ނ އިހުގައި މާލޭގެ ހަތަރު އަވަށުގައި އަވަށު ރައްޔިތުންނަށް އަންގަންޖެހޭ ކަންތައްތައް އިޢްލާން ކުރުމަށާއި އެތާގެ ސަރަޙައްދަށް އަވަށު މީހުން އެއްކޮށް ވާހަކަ ދައްކައި ނަޞޭޙަތް ދިނުމަށް ހަދާފައި ހުންނަ ތަނެއް
މައުރަޒު
ނ (1) ފަންނީގޮތުން ކުރެވޭ މަސައްކަތްތަކުގެ ނަމޫނާތައް ހުށަހެޅޭތަން (2) ދައްކަން ބޭނުންވާތަކެތި ދެއްކުމަށް ބަހައްޓާފައި ހުންނަތަން
މައުލޫދު
ނ ކީރިތި ރަސޫލާއަށް ނިސްބަތްކޮށް ޅެމުން ނުވަތަ ވަކި ޚާއްޞަ ޢިބާރާތްތަކަކުން އެކުލަވާލާފައިވާ ސިޔަރަތު
މައް
ނއ (1) އެހެން އެއްޗަކާ އެކު ނުވާ )ހުރިގޮތަށްހުރި( މިސާލު: މައްދިވެހިބަހުން )ސާފުދިވެހިބަހުން( (2) އާދައިގެ މިސާލު: މައްމީހެއް
މައްލަވަކުރުން
މ މީހަކާދިމާއަށް މާބޮޑަށް ބެލުމާއެކު ހުނުމާއި ކުދިކުދި އިޝާރާތް ކުރުމާއި ބައެއްފާޑުގެ ކުދި ސަމާސާ ކުރުން
މައްސަލަ
ނ (1) ޙައްލުކުރަން ނުވަތަ ނިންމުމެއް ނިންމަންޖެހޭ ކަމެއް (2) ނުރަނގަޅުކަމެއް (3) އުނދަގުލެއް (4) ހަމަނުޖެހުމެއް
މައްސަލަޖެހުން
މ (1) ހައްލުކުރަން ނުވަތަ ނިންމުމެއް ނިންމަންޖެހޭކަމެއް ކުރިމަތިވުން (2) ދީނީ ނުވަތަ ޤާނޫނީ ގޮތުން ޙުކުމެއް ކަނޑައެޅޭ ފަދަ ކަމެއް ކުރިމަތިވުން (3) ހަމަނުޖެހުން އުފެއްދުން (4) ކުށެއްޖެހުން
މައްސަލަޖެއްސުން
މ (1) ޙައްލުކުރަން ނުވަތަ ނިންމުމެއް ނިންމަން ޖެހޭ ކަމެއް ކުރިމަތި ކުރުން (2) ދީނީ ނުވަތަ ޤާނޫނީ ޙުކުމެއް ކަނޑައަޅަންޖެހޭ ފަދަކަމެއް ކުރިމަތި ކުރުން (3) ހަމަނުޖެހުން އުފެއްދުން (4) އުނދަގުލެއް ކުރިމަތި ކުރުން
މައްސާގު
ނ ކާން ބޭނުންކުރާ ފަތްޕިލާވެއްޔެއް މީގެ ތަފާތު ވައްތަރު ހުރެއެވެ ރަތާއި ހުދުހުރެއެވެ
މައްސާޙު
ނ ގޯތިގޯއްޗާއި ބިންބިމާއި ޢިމާރާތްފަދަ ތަންތާގައި މިންއަޅައިގެން ތަނުގެ ބޮޑުމިން ބަލާމީހާ
މައްޖައިނު
ނ މަޔާއިނު
މަފިދުތެލޮގައިވިޔަނިސުން
ނ އަކުރު ފިލިތާނައިގެ ފިއްޔަށް ބޭނުންކުރާ އަކުރުތައް. މިފިލިތައް ބޭނުންކުރާގޮތަކީ: މ. )އަބަފިލި( ފ )އިބިފިލި( ދ )އުބުފިލި( ތ )އެބެފިލި( ލ )އޮބޮފިލި( ގ )ސުކުން( މީންކޮންމެ އަކުރެއް ދެފަހަރަށް ލިއުނީމާ އެވީ ދެމޭ ފިއްޔަކަށެވެ