radheef.info
ރަދީފު


މައިގެ
ނ (1) ގޭގެ ބޭރުގެއަށްވާބައި
(2) ޢާއިލާ އުފެދުނުގެ
މައިގެ
ނ (1) ގޭގެ ބޭރުގެއަށްވާބައި (2) ޢާއިލާ އުފެދުނުގެ
ހަނގުރާމަބިން
ނ (1) ހަނގުރާމަ ކުރާ ބިން (2) ހަނގުރާމައިގެ މައިދާން
ހަރުންދެމި
ނ )ސ ( އިޑިއައްޕަން ދަމާ ހަރުން ދަމައިގެން ތެލުލައި ހަކުރުލައިފައި ހުންނަ ހެދިކާ އެއްޗެއް
ހަވަރުދުރޯ
ނ ހަވަރަށް ގޮވީމާ ހާޒިރުނުވާ މީހުންގެ އަތުން ނަގާ ލާރި. މިނަގާނީ ވާރުނަގާ ހަމައިގެ މަތީންނެވެ
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ނަހަމަ
ނ (1) ހަމައިގެ އިދިކޮޅު (2) ބޭއިންސާފު ނއ (3) އަރަފޯދިގެންނުވާ (4) އެކަށީގެންނުވާ
ނަރުދެމުން
މ (1) ވިރި ކެކޭތަކެތި ނަރުފިލާއިން ދަމައިގެން ނަރެއްހެން ހިމަކުރުން (2) ބޮބިން ނަރު ވަކިކުރުން
ނާށިގަނޑުކަނދި
ނ ކަނދީގެބާވަތެއް. މިއީ ހިއްތަލަފުށް މޮޑެ ވިދުތޮރުފައިފައި ހުންނަ ނާށިގަނޑަކުން ފުށްދަމައިގެން އެފުށް ހިއްކައިފައި އެ އުފުއްޔަށް އަޅައިގެން ކައްކާ ކަންޖެކެވެ
ނިވާ
ނ (1) ހާމައިގެ އިދިކޮޅު (2) ނުފެންނަތަން (3) ހުރަސް (4) ނިވުން މިބަހުގެ އަމުރު (5) ނިވުން މިބަހުގެ ވާކަން
ނޯށުންރުއިން
މ (1) ހިތާމައިގެ އަސަރު އެންމެމަތީ ދަރަޖައަށް ކުރުން (2) ހިތާމައިގެ އަސަރު ވަންހަނާ ކުރުން
ރަންބިންދުށުން
މ މަޖާޒު: (1) މީހަކަށް މުދާތަކެއް ލިބިގެން އުޅޭނެ ނޫޅޭނެ ގޮތެއް ނޭގިގެން އުޅެންފެށީމާ ބުނާގޮތް (2) ކުކުޅުހާ ތަންތާ ތިބެފައި ވީކަމެއް ނޭގި ކަރުދަމައިގެން ދުއްވައިގަތުމަށް ބުނެއުޅޭ ބަހެއް
ރާޅުފޮށި
ނ (1) މާކަނާފޮށި. މިއީ މީގޮނޑު ދޮށަށް ލައްވެފައި ހުންނަ ރާޅުބިސް ވައްތަރުގެ އެއަށްވުރެ ބޮޑު އެއްޗެކެވެ ވައްކޮންނާއި ކުކުޅުބިސް ބުރަށް ހުރެއެވެ (2) ހިޔަމައިގެ ތޮށިގަނޑު
ރާއުނދުނުފަތަފޮޅި
ނ މަސްފަތަފޮޅި ފިހަން ފުށްގަނޑު މޮޑޭގޮތަށް މޮޑެފައި ފަތުގައި ޖަހައި ފަތާކޮށްލައިފައި މަތިން ފަތްގަޑެއްޖަހައި ހޫނުކޮށް ހުންނަ ރާއުނދުނުގެ އަޅިގަނޑުދަމައިގެންފައި އުނދުނުގެތެރޭގައި ބާއްވާއި މައްޗަށް ހޫނުއަޅިއަޅައިގެން ފިހާފަތަފޮޅި
ރޮށި
ނ (1) ފުށް މޮޑެ ތުނިކޮށް ދަމައިގެން ފިހާ ކާއެއްޗެއް (2) ކާފޫރު ބަންޑެލީގެ ފޮތިފޮތި (3) )ސ ( ފަރުޖު
)ފެންޑާ( ބޭރުފެންޑާ
ނ ޒަމާނުއްސުރެ ދިވެހިރާއްޖޭގައި ގެދޮރު އެޅުމުގައި މައިގެއަށް ވަނުމުގެ ކުރިން ވަދެވޭ ތަން
ބޮނޑިތާން ކުރުން
މ (1) ފޮތިގަނޑެއް ހޫނުފެނުން ތެންމައިގެން ނުވަތަ ފިނިކުރިފެން ތެންމައިގެން ގައިގައި އޮބުން. (2) ބޮނޑިތާން ހޫނުކޮށްގެން ފަރުވާޔަކަށްޓަކައި ގައިގައި އުނގުޅުން. (3) ފަރުވާޔަކަށްޓަކައި ކޮންމެވެސް އެއްޗަކުން މާލީސް ކުރުން. (4) ފަރުވާޔަކަށްޓަކައި އެއްޗަކުން ގައިގައި އޮބުން
ކަނޑި
ނ (1) ހަނގުރާމައިގެ ހަތިޔާރެއް. މިއީ ތިލަދިގު ތޫނު ހަތިޔާރެކެވެ (2) 003 ނާޅީގެ މިންވަރު (3) ދިޔާއެއްޗެއްނަމަ 003 އަޑުބާގެ މިންވަރު (4) އެލަންގަލަން ކުޅޭއިރު ގެންގުޅޭ އިލޮށި
ކަމަންދު
ނ ޙަމަލާގައި ތިބޭ މީހުން އެކަކު އަނެކަކުގެ ކަރުގައި އަޅުވައިފައި ދަމައިގަންނާން ގެންގުޅުނު މަޅިއެއް މިއީ ކަނޑި ހަނގުރާމައިގެ ތެރޭގައި ކޮށް އުޅުނު ކަމެކެވެ
ކަސަބުކަން
ނ ސަރުކާރުގެ ކަނޑުމަތީ އުޅަނދު ފަހަރާއި އިހުގައި މާލޭ މައިކަނޑިންމައިގެ ބައްތި ދިއްލުމުގެ ސަރުކާރު ވަޒީފާ
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކެވެލި
ނ (1) އަތްފައިގައި އަޅަން ހަދައިފައި ހުންނަ ގަހަނާއެއް. މިއީ މަޢުދަނަކުން ނަރުދަމައިގެން އެނަރުން ގަތައިފައި ނުވަތަ ބޮޅު އަމުނައިފައި ހުންނަ އެއްޗެކެވެ (2) ގަހަނާއެއްގެ ގޮތަށް ނޫނަސް އެކިއެކި ބޭނުންތަކަށް ފަތިކޮށްނާއި ހަތަރު އަރިއަށް ނުވަތަ އެނޫން ސިފަސިފައަށް ތައްޔާރުކޮށްފައި ހުންނަ ހިމަފަށް (3) ފަންގިވިންނަ ކަނިވަޅު (4) )ހ ( ކޭލި