radheef.info
ރަދީފު


ފޮނި
ނ (1) މާމަލުގެ ކަރުގަނޑުގައި ހުންނަ އޮލަ ފެންފޮދު. (2) މާމުޔާއި ހަކުރު ފަދަ ތަކެތީގައި ދޭރަހަ. (3) މޭވާގައި ހުންނަ ހަކުރުގެ ރަހަ. (4) މަޖާޒު: ތިމާގެ މޮޅުކަމާއި ކުޅަދާނަކަން ދެއްކުމަށް ދައްކާ ވާހަކަ (5) ނއ ތިމާއާއި އެކަށީގެންވާ ވަރަށްވުރެ މައްޗަށް ބޮޑާވެގަނެގެން އުޅޭ އުޅުން (6) ދެވޭ ދޮން (7) އަރާމާއި ރާޙަތާއި އުފާ (8) ބަސްބަހުގައި ހުންނަ ބަލާޣަތްތެރިކަން
ހިލިކުސަ
ނ (1) ފޮނިކާއެއްޗެއް (2) މަޖާޒު: ކައްކާންއުޅެ ރަނގަޅަށް ނުކެކިގެން ދެން އެހިލައި ރޯފިލުވީމާ ކިޔާނަން
ހުވަފެން
ނ )ބދ ( (1) ނިދައިފައި އޮންނައިރު ފެންނަ އެކިބާވަތުގެ ކަންތައް (2) )ސ ( ތުނިޔައާ ވައްތަރު އެޔަށްވުރެ ކުދި އެއްޗެއް (3) މަޖާޒު: ފޮނިއުންމީދު
ހުވަގޮށް
ނ ފެނުތެރޭގައި ހެދޭ ޒަވިފޮނި ވަހެއް ދުވާގަހެއްގެ ގަސްގަނޑު މިއީ ބޭހަށް ބޭނުންކުރާ އެއްޗެކެވެ
ހުތްފޮނި
ނއ ހުތްރަހަޔާއި ފޮނިރަހަ އެކުލެވިގެންވާ
ހެއްސޯހެދުން
މ )ޏ ސ ( ތިމާގެ މިންވަރަށްވުރެ ބޮޑާވެގެން ނުވަތަ ފޮނިވެގެން އުޅުން
ރާފަނި
ނ )ސ ( ރާފޮނި
ކަރާ
ނ ބަރަބޮލުގެ ސިފަޔަށް ފިތްނުޖަހާ އޮންނަ ވެލެއްގައި އަޅާ ފޮނިމޭވާއެއް
ކަރު
ނ (1) ބޮލާއި ހަށިގަނޑާއި ދޭތެރެ. (2) ދަތްދޮޅިޔާއި ލަގޮނޑިވަޅާ ދޭތެރެ. (3) ބަނޑިޔާ ނުވަތަ ފުޅި ފަދަ ބައެއް ކަންވާރުގެ މަތީން ހިމަކޮށްލައިފައި ހުންނަ ހިސާބު. (4) ޝަރުބަތާއި ދިވެހި ހަކުރުފަދަ ފޮނިތަކެތީގެ ތެރޭގައި ފުއްފުކަށް ގަނޑުގަނޑަށް ހެދޭ ހަކުރު. (5) ބައެއް މޭވާއާއި ތަރުކާރީގެ އެތެރޭގައި އޮށްތައް ހަރުލައިފައި އޮންނަ މަޑުތަން. (6) ބައެއް ޒާތުގެ މޭވާއާއި ތަރުކާރީގެ އެތެރޭގައި ހަރުކޮށް އޮންނަ ކާންބޭނުން ނުކުރާތަން (7) ލިބާހުގައި ބޮލުން ވައްޓައިލާން ކަނޑާތަން (8) ލިބާހުގައި ބޮލުން ވައްޓައިލާން ކަނޑާތަނުން ނަގާފޮތިކޮޅު (9) ނައިބޮލީގެ އެތެރޭގައި ފަށްފަށަށް ހުންނަ ހަރުތަންތަން )01( މަސް ބައްދަން ފަޅުތެރޭގައި ހަދާ ގޮނީގެ އަނގަމަތީގެ ހިމަތަން (11) ކާށިހުންޏާއި ތެޔޮ އަޅައިގެން ހަދާ ކާއެއްޗެއްސާއި ތެލަށް އަންނަ ނުބައިކަމެއް
ކަރުކެނޑޭވަރުވުން
މަޖާޒު: )ބ ( އެއްޗެއްގެ ފޮނިރަހަ ގަދަވެގެންގޮސް ކަރަށް އުނދަގޫ ވާވަރުވުން
ހޮޅި
ނ (1) ފޯލިކޮށް ދިގުކޮށް އެތެރޭގައި ހޮއި އޮންނަ އެތި މިސާލު: )ހ( ބައްތިހޮޅި )ށ( ފެންހޮޅި )ނ( އާގުބޯޓުގެ ދުންހޮޅި (2) ދިގުނޫން ނަމަވެސް މެދުގައި ހޮއިއޮންނަ ބައެއްތަކެތި މިސާލު: )ހ( މޫދުގައި ފަތަން ގެންގުޅޭ ހޮޅި )ށ( ފަންހޮޅި )ނ( ފޮނިރޮށި ކަނޑާ ހޮޅި (3) ލަވަކިޔާ ފޮށީގެ ލަވަ އަޅައިފައި އެއޮންނަ ފަތިބުރު (4) އޮނުފަޅި މިސާލު: )ހ( ހޮޅިކުރަފަތް )ށ( ހޮޅިވަޑާންކަށި (5) ނއ އުތުރުކަރައިގެ މީހުންގެޒާތް (6) ތާކުންތާކުނުޖެހޭ ކަންތައް (7) ތާކުންތާކުނުޖެހޭ ވިޔާނުދާ ވާހަކަ (8) އުތުރު ކަރައިގެ އިސްލާމުންގެ ޖަމާޢަތެއް
ހޮޅިފޮނިތޮށި
ނ އޮޅިފައި ހުންނަ ތުނި ފޮނިތޮށި
ނައިބު
ނ (1) ވެރިއެއްގެ ބަދަލުގައި ކަންހިންގާން ހުންނަމީހާ (2) ރާއްޖެތެރޭގެ ރަށްރަށުގައި ޝަރީޢަތް ކުރަން ހުންނަމީހާ (3) ފުށުން ހަދާފައި ހުންނަ ފޮނިހެދިކާއެއް މިބޮޑަށް ވައްތަރުވާނީ ފޮނިރޮށްޓާއެވެ
ނާނަކަޓާ
ނ ފާރޮށި އުނދުނުގައި ފިހާ ފޮނިކާއެއްޗެއް. މިއީ ހަކުރާއި ގިތެލާއި ކުޅުބިހާއި ކާފޫރުތޮޅި ލައިގެން ގޮދަން ފުށުގައި ތައްޔާރުކުރާ އެއްޗެކެވެ
ނާރިނގު
ނ (1) ފޮނިލުބޯ (2) އޮރެންޖު
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ރަހަ
ނ (1) ދުލުގައި ހުންނަ ގްލޭންޑްތަކުގެ އެހީގައި އެއްޗަކީ ކުޅިއެއްޗެއްކަން ނުވަތަ ފޮނި އެއްޗެއްކަން ނުވަތަ ލޮނު އެއްޗެއްކަން ނުވަތަ ހުތް އެއްޗެއްކަން ނުވަތަ ހިތި އެއްޗެއްކަން ނުވަތަ އެހެންވެސް ރަހައެއްލާ އެއްޗެއްކަން އެނގުމުގެ ޙިއްޞު ނުވަތަ ބާރު (2) އެމީހެއްގައި ހުންނަ ވަކި އެއްޗަކަށް ގަބޫލުވާ ނުވަތަ ވަކި ކަހަލަ ގޮތަކަށް ހެދުން އަޅާ ސިފަ (3) ދިރޭރަހަ
ރަހައެނގުން
މ (1) އެއްޗެއްގައިލަނީ ފޮނިރަހަކަން ލޮނުރަހަކަން ހުތްރަހަކަން ނުވަތަ ކުޅިރަހަކަން ހިތިރަހަކަން އިހުސާސްވުން (2) މަޖާޒު: އަންހެނެއްގެގޮތް ބާވަތް އެނގުން
ރަންބުސްތާނު
ނ ބޮޑު އޮށެއް އޮންނަ ކުޑަ މޭވާއެއް މީގެ ތޮށިގަޑުގައި ނަރު ފަޅައިފައި ހުންނާނެއެވެ މީގެ ކާން ބޭނުންކުރަނީ އޮށުގެ ބޭރުން އޮންނަ ހުތްފޮނި ރަހަލާ ހުދުކުލައިގެ ހެވާކޮޅެވެ
ރަސްގުއްލަ
ނ ފޮނިކާއެއްޗެއް. މިއީ ރޯ ކިރަށް ހަކުރާ ގިތެލާ އަޅައިގެން މަޑު ގިނީގައި ކައްކަމުންގޮސް ފެންހިނދި ގުޅަވެށޭވަރަށް ކެކުނީމާ ބޭނުން ސައިޒަކަށް ގުޅަވަށައި ހަކުރު ފަންޏަށްލައިފައި ހުންނަ އެއްޗެކެވެ މިހުންނާނީ ސާފު ހުދު ކުލައިގައެވެ
ރިހަބަތްކޭން
ނ މައުލޫދަށް ކައްކާ ކޭމުގެ ބާވަތެއް. އާންމުކޮށް މިކޭމުގައި ހުންނާނީ ފެންބަތާއި ބަރަބޮލު ރިހައާއި ކިރެވެ. މިކިރަކީ ހަނޑުލު ފުށުގައި ފޮނިކޮށް ކައްކާފައި ހުންނަ އެއްޗެކެވެ. މިއީ ހިޔަރަކާތް މާލޫދާއި ގަނޑުމާލޫދާއި ރަންމާލޫދު ފަދަ މާލޫދުތަކަށް ކައްކާއުޅުނު ކޭމެކެވެ