radheef.info
ރަދީފު


ނައިބު
ނ (1) ވެރިއެއްގެ ބަދަލުގައި ކަންހިންގާން ހުންނަމީހާ
(2) ރާއްޖެތެރޭގެ ރަށްރަށުގައި ޝަރީޢަތް ކުރަން ހުންނަމީހާ
(3) ފުށުން ހަދާފައި ހުންނަ ފޮނިހެދިކާއެއް
މިބޮޑަށް ވައްތަރުވާނީ ފޮނިރޮށްޓާއެވެ
ނައިބު
ނ (1) ވެރިއެއްގެ ބަދަލުގައި ކަންހިންގާން ހުންނަމީހާ (2) ރާއްޖެތެރޭގެ ރަށްރަށުގައި ޝަރީޢަތް ކުރަން ހުންނަމީހާ (3) ފުށުން ހަދާފައި ހުންނަ ފޮނިހެދިކާއެއް މިބޮޑަށް ވައްތަރުވާނީ ފޮނިރޮށްޓާއެވެ
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ނައިބުބޮލި
ނ ދިވެހިރާއްޖޭގައި ފައިސާގެ ގޮތުގައި ބޮލި ގެންގުޅުނު ޒަމާނުގައި ރަށްރަށުގައި ތިއްބެވި ނައިބުންނަށް ނަގާ އުޅުނު ބޮލީގެބައި )މިނަގަނީ ބައިހަރަކުން އަތްގެކެވެ
ނައިބުފަތްކޮޅު
ނ ނައިބުކަމާ ހިނގާއިރު ނައިބު ބޭކަލުންގެ ގެންދަވާ ދީނުގެ އަމުރުތައް ލިޔެވިފައިވާ ފަތް
ބާރަބައިންބައި
ނ (1) އިހުޒަމާނުގައި މުދާބެހުމުގައި ނައިބުން ނަށްނަގައި އުޅުނުބައި (2) ބާރަބައިކުޅަ އެއްބައި
ބޮޑުނައިބު
ނ (1) ފަނޑިޔާރުގޭ ނައިބުންކުރެ އިސްނައިބު (2) އަތޮޅުގެ ނައިބުންކުރެ އިސްނައިބު
ބޮޑުލިބާސް
ނ ބޯފޮތީގެ ދިގު ކޯޓެއް މިއީ އިހުގައި ފަނޑިޔާރުން ނާއި ބޮޑު ނައިބުން ރަސްމީ ޢިއްޒަތުގައި ބައިވެރިވާއިރު ލައިއުޅުނު ލިބާހެކެވެ
އިރުވައިމައުލޫދު
ނ އިރުވަޔަށް ބަޑިހެލީމާ ބޮޑުދުންދޭ ފަންސަވީސް ޒިޔާރަތްދޮށުގައި ފަންސަވީސްރޭ ވާދެން ރެޔަކު ޒިޔާރަތެއް ދޮށުގައި ފޭލިގެ ޖަހައިހެން ކިޔައި އުޅުނު މައުލޫދު. މައުލޫދު ކިޔާނީ ޒިކުރުވެރީންނެވެ. މިމައުލޫދު ފަށައި މައުލޫދު ބުނެހަދާނީ ފަނޑިޔާރުގޭ ނައިބު ބޭކަލެކެވެ. މައުލޫދު ހުއްޓޭއިރަށް ބޮޑު ބަދިގެއިން ފާރުދޮށު ކޭމުގެ ދެކޭން ގެންނާނެއެވެ. މިކަން ކުރާނީ ސިއްކަގޭ ހަނގު ބޭކަލުންނެވެ. ބަޑިހެލީމާ މާބަނޑޭރި ބޭކަލަކު ސިއްކަގެއަށާއި ޒިކުރުވެރީންގެ މުރީދުގެއަށް އިރުވައި މައުލޫދު ކިޔުމުގެ ޚަބަރާ ފޮނުއްވާނެއެވެ
ފަތްކިޔުން
މ (1) އިހުގައި ނައިބުކަމަށް ހިނގާ ދުވަހު ކިޔުމަށް ރަސްމީގޮތުން ލިޔެފައި އޮންނަ ފަތްކޮޅު ރައްޔިތުންނަށް ކިޔަވައިދީ އިއްވުން (2) އިހުގައި އަތޮޅުވެރިކަމުގެ ފަތްކޮޅު ރައްޔިތުންނަށް އިއްވުން (3) ފޮތެއް ކިޔުން
ފާތިހާބެރު
ނ އިހުގައި ބޯފޮޅި ދުވަހު ޢަޞުރަށް ގޮވީމާ ނައިބުސްޚާނުން ޖަހާބެރު
ސިލުވާނަށްތެޅުން
މ އިހުގައި މީހެއްގެ އަންބަކު ހިލޭ ފިރިހެނަކާ ހުއްދަ ނޫން ގުޅުމެއް ހިންގުމުން އެ ފިރިހެން މީހާގެ ގައިގައި ބޮންތި އަކުން ތިނެތިފަހަރު ޖެހުމަށް އެކަނބުލޭގެ ފިރިމީހާއަށް ފަނޑިޔާރު ގެއިން ނުވަތަ ނައިބުގެއިން ހުއްދަ ދީގެން ޖަހާ ތިނެތި ފަހަރު ޖެހުން