radheef.info
ރަދީފު


ނާރިނގު
ނ (1) ފޮނިލުބޯ
(2) އޮރެންޖު
ނާރިނގު
ނ (1) ފޮނިލުބޯ (2) އޮރެންޖު
ހުތްޖަޑާ
ނ )ޏ ( ނާރިނގު ވައްތަރުގެ ބޮޑުހުތް ލުނބޮއެއް
ނާރިގަ
ނ )ގ ( ނާރިނގު
ނާރިގުފާނަ
ނ ފާނައިގެ ބާވަތެއް މިއީ ރާއްޖޭގެ ފަޅުފަރުތަކުގެ ފުން ބޭރުގައި ދިރިއުޅޭ ނާރިނގު ކުލައިގެ ކުޑަ މަހެކެވެ މިމަހުގެ ނިގޫފަތުގެ ފަހަތުބައިގައި ހުރަހަށް ހުދު ނޫކުލައިގެ ހިމަ ރޮނގެއް ހުންނާނެއެވެ
ބުރެކިފާނަ
ނ ކަނޑުހާލުގެ ބާވަތެއް. މިއަށް ދޮންބުރެކި ފާނަވެސް ކިޔައިއުޅެއެވެ. މަހުގެ ކުލައަކީ ނާރިނގު ކުލައެވެ. މަހުގެ ބޮލާއި ދެއަރިމަތީގައި ފަނޑުނޫކުލައިގެ ތިކިތަކެއްހުރެއެވެ. ނިގޫފަތުގެ ކޮޅު ހުދު ކުލައިގައި ހުރުމާއެކު ނިގޫފަތް ހުންނަނީ ހަނދުފަޅި ބުރަށް ކަފިކޮންނެވެ
ކުލަކޮކާމަސް
ނ ކޮކާމަހުގެ ބާވަތެއް. މިއީ ފަރުފަޅުތަކުގެ ބޭރުމަތީގައްޔާއި ގުންޑޮޅިތަކާ ފަރުގައި އުފެދިފައިހުންނަ ހޮހަޅުތަކުގައި ދިރިއުޅޭމަހެކެވެ. މުޅިމަހުގެ ހުރަހަށްވާގޮތަށް ދޮންނާރިނގުކުލައާއި ހުދުކުލައާއި ނޫކުލައިގެ ރޮނގުތަކެއް ހުރެއެވެ މަހުގެ ނިގޫ ފަތާއި ކުޑަ ކޮތަރިބައިގެ ކުލައަކީ ރީނދޫ ކުލައެވެ
ކޮވެލިފާނަ
ނ (1) ފާނައިގެ ބާވަތެއް މިއީ ފަރުފަރުގެ މުރަކަތަކުގެ ނިވަލުގައި އުޅޭ މަހެކެވެ މަހުގައި ހުންނަނީ ދިއްލިފައި ހުންނަ ރަތްނާރިނގު ކުލައެވެ ބޮލުން ފެށިގެން މުޅި މަހުގައި ނޫކުލައިގެ ކުދިކުދި ތިކިތަކެއް ހުރެއެވެ ކަންފަތުގެ ފަހަތުކޮޅު ހުންނަނީ ރީނދޫ ކުލައެއްގައެވެ (2) ބުޅަލަފާނަ
ފިއްފިތަށްހުރުން
މ (1) ފިތްފިތަށް އުފުލިފައި ހުރުން (2) ލުނބޯ ނާރިނގު ފަދަ ތަކެތީގެ އެތެރެ ކަލިވަތް ކަލިވަތަށް ހުރުން
ލުނބޯ
ނ ނާރިނގު އާއިލާގެ ހުތްމޭވާއެއް ބައެއްކަހަލަ ކާތަކެތީގައި ހުތް ރަހަލެއްވުމަށާއި ބޭސްވެރިކަމަށް މިބޭނުން ކުރެއެވެ
ލުނބޯގަސް
ނ ނާރިނގު އާއިލާގެ ހުތްމޭވާއެއް އަޅާގަހެއް މިގަހުގެ ފަތުގައި ދުވަނީ ޅަލުނބޯގެ ތޮށީގައި ދުވާކަހަލަ ޒަވިވަހެކެވެ