radheef.info
ރަދީފު


މަޅި
ނ (1) އެއްޗެހީގައި ބެއްދުމަށް ގޮށެއް ޖަހައިގެން ހަދާ ބޮޅެއް މި ބޮޅު އޮންނާނީ އެއްކޮޅަށް ދަމާލީމާ ބާރުވެބެދޭ ގޮތަށެވެ (2) ނަނު ރޯނު ފަދަ ތަކެތިން ހަދާބޮޅެއް މިއީ އެއްޗެހި އަޅުވަން ނުވަތަ އެއްޗެހީގައި އަޅުވަން ބޭނުންކުރާ މަޅިއެކެވެ (3) މަޖާޒު: ކެހި
ބޯމަޅި
ނ ބޮއްވާމަޅި
ޅާނބު
ނ (1) ރުއްގަހަށް އަރާން ދެފައިތިލައިގައި އަޅުވާމަޅި (2) ފަލިލައްވަން މެއްކުގައި އައްސައިފައި ހުންނަމަޅި
ކަނބޮޅި
ނ )ގ ( ކަމަޅި
ކައިވަތުމަޅިނެއްޓުން
މ ކައިވަތެއްގެ ދިގުމިން ހުންނަވަރު މަޅިއެއްހަދައި އެއްފައިގެ ދަށުން ދެއަތް ކައްތިރިވާނޭހެން ނަގައި ދެއަތުކުޑަހުޅުގައި އެމަޅިއެޅުވީމާ އަމިއްލައަށް މަޅިނެއްޓުން
ކަމަންދު
ނ ޙަމަލާގައި ތިބޭ މީހުން އެކަކު އަނެކަކުގެ ކަރުގައި އަޅުވައިފައި ދަމައިގަންނާން ގެންގުޅުނު މަޅިއެއް މިއީ ކަނޑި ހަނގުރާމައިގެ ތެރޭގައި ކޮށް އުޅުނު ކަމެކެވެ
ކަމަޅަފެޅުން
މ ކަމަޅި ފެޅުން
ކަފަތަޅާމަޅި
ނ ކަފަތަޅާން ފަންވަތުން ހަދައިގެން ގެންގުޅޭ މަޅި
ކޮޅުހެދުން
މ (1) ފޮށާފަދަ ތަކެތީގެ ކޮޅުގައި ފޯގައިލައި މަޅި ގޮތްގޮތަށް ހެދުން (2) ނަނާއިވާފަދަ ތަކެތީގެ ކޮޅުހިމަކޮށްލުން ނުވަތަ އެކިއެކި ބޭނުމަށްޓަކައި ކޮޅު ނުނިއުޅޭނެހެން ހެދުން
އެޅުވުން
މ (1) އެއްޗަކާއި އެއްޗެއް ގުޅުވުން. (2) އެއްޗެއްގައި އަނެއްކައްޗެއް އަޅައިގަންނާނޭ ގޮތްހެދުން. (3) ކޮޅުލެނބިފައިވާ އެއްޗެއް ނުވަތަ ކޮޅު ގުދުވެފައިވާ އެއްޗެއް ތަނެއްގައި އެލިފައި ހުންނާނޭ ގޮތަށް ބެހެއްޓުން. މިސާލު: ކުޑައެޅުވުން. (4) ބޮޅެއް ނުވަތަ މަޅިއެއް މޮހޮރެއް ނުވަތަ ބުޅިއެއްފަދަތާކު އެޅުމުން. މިސާލު: ފާނޫޒު އެޅުވުން ތަޅުދަނޑިފަތި އެޅުވުން (5) މަޖާޒު: މީހަކު ނުކުރާކަމެއް ކުރިކަމަށް ހެދުން
އެއްތެޔޮމަޅި
ނ ދަނޑިގަނޑެއްގައި ހަތަރު މަޅި ނުވަތަ އަށް މަޅި ނޫނީ ސޯޅަ މަޅި ވަކިގޮތަކަށް ހަރުކޮށްފައި އެތެރެއަށް ނަނުފަށެއް ލައްވައިގެން ގެންގުޅޭ އެއްޗެއް މިއީ ފޫހި ފިލުވަން ގެންގުޅޭ ކުޅިވަރެއްގެ ގޮތުގައި ވަކި ގަވާއިދަކުން އަޅުވާ ނައްޓާ ހަދާ އެއްޗެކެވެ
ވަކި
ނ (1) ގޮވާމުގެ އޮއްޓަރު (2) ބައެއްގަސްގަހުގައި އަޅާ ކުދި ތަކެތި (3) މިނިކާ ނުވަތަ އަތްފައިން ޝިކާރަކުރާ ޖަނަވާރުގެ ނިޔަފަތި (4) އޮށްވަޅު ކުޅޭއިރު ހިލާވަޅުގެ ކުރީވަޅުގައި އޮންނަފުށް (5) ގުޅުން ކެނޑިގެން ނުވަތަ މެދުކެނޑިގެންވާ ދުރު (6) އެއްޗެހިތަކެއްގެ ތެރެއިން ކޮންމެވެސް އެއްޗެއް އެހެނިހެން އެއްޗިއްސާ ކުރެވޭ ތަފާތު (7) އެކަހެރި (8) )މކ( މިޔަރުގެ ފީކަރުގައި ބައްދާން ގެންގުޅޭ ރޯނުންހަދައިފައި އޮންނަމަޅި
ވަގޮށް
ނ (1) ދަމާލާ ގޮށުގެ އިދިކޮޅު ގޮށް މިގޮށް ޖަހަނީ އެއްފަށް ދަށުން އަނެއްފަށް ގެންގޮސް ބާރުކޮށްފައި އޭގެ މައްޗަށް ހަމަ އެމަޅި ދެވަނަ ފަހަރު ޖަހައިގެންނެވެ (2) ނޭގިޖެހޭ މޮހަން އުދަގޫ ގޮށް
ވާން
ނ (1) ކެޔޮޅުކަމުގޮސް ތިބޭއިރު ދޯނި ފަރާތް ފަރާތަށް ދިޔަ ނުދިނުމަށްޓަކައި ވައުގަނޑެއްގައި އައްސައި ކަނޑަށް ދޫކޮށްފައި އޮންނަ ގައު. މިގައު އޮންނާނީ އަޑީގައި ޖެހޭވަރަށެވެ. (2) ބުޅާ ކުކުޅު މީދާ ފަދަ ތަކެތި ހިފާންޖަހައި ބާވަތެއްގެ ދަންތުރައެއް. މިހުންނާނީ ދަނޑިއެއްލަނބައި އޭގައި މަޅިއެއް ޖަހައިފައެވެ މިދަންތުރައިގައި ޖެހުނީމައި ދަނޑި ތެދުވެގެންގޮސް އެޖެހުނު އެތި ހުންނާނީ އެލިފައެވެ (3) ނއ ދޫކަމުގެ އިދިކޮޅު
ވެހެވުން
މ )ގ ( ދޫނިތައް ލަވަމުން ގެންގޮސް މަޅިފަތީގައި ޖެއްސުން
މަޅިބެދުން
ނ (1) ސަރުބަތު ހަލުވިދާފަދަ ތަކެތި ކެއްކުމުގައި ވަކި ވަރަކަށް އޮލަވުން. )މިގޮތް އެނގޭނީ ބޮނޑިނަރުން މަޅިއެއްހަދައި އެއަށް ބާނާފައި ނަގާއިރު އެއެއްޗަކުން މަޅީގެ އެތެރެ ބެދިފައި ހުރުމުންނެވެ
މަޅިއެއްލުން
މ (1) ވިއުމާއި ފެހުމާއި މާޖެހުމުގައި މަތީރޮއްޖާ އަޑީރޮދި ނުގުޅިގެން މަތީރޮދި މަޅިއެއްގެ ގޮތުގައި މައްޗަށް އެރުން (2) ވާ އަޅާއިރު އުޅިކަން ދޫވެގެން ކާށިޖެހުން
މަޅިމަތިވުން
މ (1) އެއްޗެއް ހިފަންވެގެން ޖަހައިފައި މަޅިއެއްގެ ތެރެއަށް އެއްޗެއްވަނުން (2) މަޖާޒު: ބޮނޑިއެއް ދިނުމުގެގޮތުން މީހަކު ރާވައިފައިވާ ރޭވުމެއްގައި ބެދޭގޮތްވުން
މަޅިފަތި
ނ ދޫނި ހިފުމަށްޓަކައި ބޮނބިނަރު ނުވަތަ އެވަރުގެ ހިމަފަށްތަކަކުން ވަކިވަކި މަޅިތަކެއް ހަދައި އޮށީގައި ނުވަތަ އެފަދަ އެއްޗެއްގައި ހަރުކޮށްގެން ތައްޔާރުކުރާ އެއްޗެއް
މަޅިފަތިޖެހުން
މ ދޫނި ހިފުމަށްޓަކައި ތަނެއްގައި މަޅިފަތި ބެހެއްޓުން
މަޅިގަނޑަ
ނ )ސ ( މަޅިފަތި