radheef.info
ރަދީފު


ވާން
ނ (1) ކެޔޮޅުކަމުގޮސް ތިބޭއިރު ދޯނި ފަރާތް ފަރާތަށް ދިޔަ ނުދިނުމަށްޓަކައި ވައުގަނޑެއްގައި އައްސައި ކަނޑަށް ދޫކޮށްފައި އޮންނަ ގައު. މިގައު އޮންނާނީ އަޑީގައި ޖެހޭވަރަށެވެ. (2) ބުޅާ
ކުކުޅު
 މީދާ ފަދަ ތަކެތި
ހިފާންޖަހައި ބާވަތެއްގެ ދަންތުރައެއް. މިހުންނާނީ ދަނޑިއެއްލަނބައި
އޭގައި މަޅިއެއް ޖަހައިފައެވެ
މިދަންތުރައިގައި ޖެހުނީމައި ދަނޑި ތެދުވެގެންގޮސް އެޖެހުނު އެތި ހުންނާނީ އެލިފައެވެ
(3) ނއ
ދޫކަމުގެ އިދިކޮޅު
ވާން
ނ (1) ކެޔޮޅުކަމުގޮސް ތިބޭއިރު ދޯނި ފަރާތް ފަރާތަށް ދިޔަ ނުދިނުމަށްޓަކައި ވައުގަނޑެއްގައި އައްސައި ކަނޑަށް ދޫކޮށްފައި އޮންނަ ގައު. މިގައު އޮންނާނީ އަޑީގައި ޖެހޭވަރަށެވެ. (2) ބުޅާ ކުކުޅު މީދާ ފަދަ ތަކެތި ހިފާންޖަހައި ބާވަތެއްގެ ދަންތުރައެއް. މިހުންނާނީ ދަނޑިއެއްލަނބައި އޭގައި މަޅިއެއް ޖަހައިފައެވެ މިދަންތުރައިގައި ޖެހުނީމައި ދަނޑި ތެދުވެގެންގޮސް އެޖެހުނު އެތި ހުންނާނީ އެލިފައެވެ (3) ނއ ދޫކަމުގެ އިދިކޮޅު
ހަނދޭގިރި
ނ (1) އިހުގައި ދައުލަތް ހިންގަވާން އިސްވެތިއްބަވާ ވެރީންކުރެ އެކަކަށް ދެއްވާކޮލީގެ ނަމެއް (2) ވަޒީރުއްދާ ޚިލިއްޔާ
ހަރަމަލި
ނއ )ސ ( މޭވާފަދަ ތަކެތި ގަހުގައި ވަރިވަރިޔަށް އަންނައިރު ހަރުވާން ކައިރިވެފައި ހުންނަވަރި
ހަރާންފަދަތޯއްޗެއް
އކ (1) ކަމެއް ނުކުރުމުގެ މައްޗަށް ގަދައެޅުމުގެ ގޮތުން ބުނާ ބަހެއް. މިސާލު: ހަރާންފަދަތޯއްޗެއް އަހަރެން އޭނާއާ އަނގައިން ބުނާނެނަމަ. (2) ކަމެއް ކުރުވާން ބޮޑަށް އެދުންވެރިވުމާއެކު އެކަމެއް ކުރުވާން ގަދަކޮށްލާން ބުނާބަހެއް. މިސާލު: ހަރާންފަދަތޯއްޗެއް ދޭނެނަމަ. މިހެން ބުނެއުޅެނީ ނުދޭނެހެން ހީވާ އެއްޗެއް ދީފާނަމޭ ބުނިބަސް ގަދަކުރުވުމަށެވެ
ހަރުބޭސް
ނ (1) ބައެއް ބަލިބައްޔަށް ދިވެހި ބޭސްކޮށް ނިމިގެން ޅައިކަން ފިލުވާން ކުރާ ބޭސް (2) އަންހެނުން ވިހައިގެން ހަށިގަނޑު ހަރުކުރުވުމަށްޓަކައި ކާންދޭން ހިލާ ބޭސް (3) ހިލިބޭސް
ހަރުވުން
މ (1) މޭވާދޮންވާން ކައިރިވުން (2) އެއްޗަކާ އަނެކައްޗެއް ތަތްވުން (3) ނުވެއްޓޭވަރަށް ހިފެހެއްޓިފައިހުރުން (4) ޅަކަން ކެނޑުން (5) ވައިމަތިޅަކަން ކެނޑުން (6) ހަރުބޭހުގެ ސަބަބުން ހަށިގަނޑު ރަނގަޅުވުން (7) ބުއްދިވެރިވުން (8) އެއްޗެއްގައި އަނެކަތި ތަތްވުން (9) ނ ޅައިވުމުގެ އިދިކޮޅު (10) މަޖާޒު: އުމުރަށްވުރެ ދޮށިވުން
ހަރޮމަލި
ނއ )ޏ.( މޭވާފަދަ ތަކެތި ގަހުގައި ހުންނައިރު ހަރުވާން ކައިރިވެފައި ހުންނަ ވަރި އެއީ ވަރީގެ ތަފާތެވެ
ހަބޭސްކުރުން
މ (1) ނައުޒޯނގުގެ ނަގިލިނަގަމުން ދިއުން (2) ވާވަލަށް ދަމައި ވާންކުރުން
ހަޅަންގަޅިއްވުން
މ ދޯނިފަހަރު ކޮޅައިފައިހުންނަ ހަޅަނގު ނެއްޓުން ދޯނިފަހަރުން ދިޔަވާން ފެށީމައިވެސް މިހެންބުނެއެވެ
ހަކި
ނ (1) ބިލެތްފަދަ ވެޔޮވެލުގެ ފަތްވަޅުން ނުކުމެ ތަންތާނގައި ހިއްޕާ މޫތައް. (2) އޮޑިދޯނިފަހަރުގެ ދެ އިހިގަނޑު ދޭތެރޭގައްޔާއި ބުޑުވަކާ އިހިގަނޑާ ދޭތެރޭގައި ޖަހައިފައި ހުންނަތޭރި (3) ގިނަދުވަހު މޫދުގައި އޮންނަ ލަކުޑި ފަދަ އެއްޗެހީން ފަޅާ ރިނދަ (4) އުދަރެހުގައި ފަށަލަ ފަށަލައަށް ޖަހާ ވިލާބުޑު (5) )ސ ( ބިލެތް އަރުވައިފައި ހުންނަ ރުއްރުކުގައި ވާލައްވާން ބަންނަ ކަފިގަނޑު (6) )ހ ( އެނދު އުނދޯލިފަދަ ތަކެތީގެ ފަޑީގައި ލިޔެފައި ޖަހާ ތޭރި
ހައިކަފުޅު
ނ ފައިދާއާއި ޘަވާބަށްޓަކައި ކިޔަވާން ގެންގުޅޭ ހަތްދުޢާއެއް
ރޯޒާވަޅު
ނ (1) ކައްޕީގައި ފުރޮޅު ލައްވާން ކޮނެފައި ހުންނަ ތަން (2) ފުރޮޅު ވަޅު
އިންދުން
މ (1) ގަސް ރޯދަނޑިފަދަ އެއްޗެތި ހައްދާން ބިމަށްހެރުން (2) އޮށްފަދަ އެއްޗެތި ފަޅުވާން ބިމުގައި ވަޅުލުން (3) ވަޅިފުރޯ ފޮނުމަތް ފަދަ އެއްޗެތީގެ ތިލަމުށްގަނޑުގައި ހަރުކުރުން (4) ދެލަކުޑިގަނޑު ޅިސް ލައިގެން ހަރުލެއްވުން
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
ވަރިތޮޅި
ނ ދެމަފިރީން ދުރުކުރުވާން ހަދާފަންޑިތަ
ފަތިސް
ނ (1) ފަޖުރު ތަރި އެރީއްސުރެ އިރުއަރަން ފެށުމާ ދެމެދު (2) މަޖާޒު: އުއްމީދު (3) ރަނގަޅު ހެޔޮ ފެށުމަކަށް ތައްޔާރުވާން ފަށާފެށުން
ހައް
ނ (1) ދިގުއޮޑިކޮށް އޮންނަ ލަކުޑިކޮޅެއްގައި ދެލޯވަޅު ތޮރުފާފައި އެއްލޯވަޅުން ކުސަފުރާފައި އަނެއް ލޯވަޅުން ވާލައްވާން ހުންނަ ކައްޕިފަދަ އެއްޗެއް. (2) ގުޑިވައިގައި ހިއްޕުމަށްޓަކައި ދަނޑިއެއްގެ ކުރީގައި ހަކެއްފަދަ އެއްޗެއް ހަރުކޮށް އެއަށް ދިދައިގެ ވާ ފަދައިން ވަލެއްލައްވައި ކޮޅަށް ޖަހައިފައި ހުންނަ ދިގު ދަނޑި (3) ސަންގު (4) ސަންގާ ވައްތަރު ކޮންމެ އެއްޗެއް
ހަވަރުތުންފުހި
ނ (1) ހަވަރު ގޮވާލުން ކޭންބައްލަވައިގެން ހަވަރު އަތްފުއްސަވާން އެލުވައިފައި ހުންނަ ފޮތިގަނޑު (2) މަޖާޒު: ޝަހްވާނީގޮތުން ތިމާގާތަށް އައިކޮންމެ ފިރިހެނަކާ ޤަބޫލުވާ އަންހެނާ
ހަތްހާއްޔަށްލުން
މ (1) ބަފާބުޅަލަށް ފޮރުވާން މައިއެތި ޅަ ބުޅާތައް އެއް ތަނުން އަނެއް ތަނަށް ގެންދިއުން (2) މަޖާޒު: މާބޮޑަށް ފޮރުވުން
ހަސްކާ
ނ (1) ކުއްލި (2) އެއްވާމަކަށް ވާންވެފައިހުރެފައި ދުލެއް ޖެހިލައިފައި ޖެހޭލަކި މިބަސް ގިނައިން ބޭނުންކުރަނީ ވައިމަޑު އިރަށް ރިޔަލުގެ ދަންމާނުން ޖަހާ ލަތްކަށާއި ނަގިލީގެ ކެނބަށް އަރާ ކުއްލިއަށެވެ (3) މަޖާޒު: ވެރިޔަކު ދަށުގައިވާ މީހަކަށްވާ ކޯފާ
ހިރުވުން
މ (1) ކެހުންފަށެއް އައުން. (2) ކުދިކުދި ފަނި މަކުނުފަދަ ތަކެތި ގައިގައި ދުވާން ފެށީމާ އެކަމުގެ އިޙްސާސުވުން (3) ފަތްތަކެއް ނުވަތަ ކުނިތަކެއްގެ ތެރޭގައި ދިރޭ އެއްޗެއް އޮވެގެން އަޑުއިވޭގޮތަށް ނުވަތަ ހެލޭގޮތަށް އުޅުން (4) މަޖާޒު: ޝަހްވާނީ އެދުން އުފެދުން