radheef.info
ރަދީފު


އެޅުވުން
މ (1) އެއްޗަކާއި އެއްޗެއް ގުޅުވުން. (2) އެއްޗެއްގައި އަނެއްކައްޗެއް އަޅައިގަންނާނޭ ގޮތްހެދުން. (3) ކޮޅުލެނބިފައިވާ އެއްޗެއް ނުވަތަ ކޮޅު ގުދުވެފައިވާ އެއްޗެއް ތަނެއްގައި އެލިފައި ހުންނާނޭ ގޮތަށް ބެހެއްޓުން. މިސާލު: ކުޑައެޅުވުން. (4) ބޮޅެއް ނުވަތަ މަޅިއެއް މޮހޮރެއް ނުވަތަ ބުޅިއެއްފަދަތާކު އެޅުމުން. މިސާލު: ފާނޫޒު އެޅުވުން
ތަޅުދަނޑިފަތި އެޅުވުން
(5) މަޖާޒު: މީހަކު ނުކުރާކަމެއް ކުރިކަމަށް ހެދުން
އެޅުވުން
މ (1) އެއްޗަކާއި އެއްޗެއް ގުޅުވުން. (2) އެއްޗެއްގައި އަނެއްކައްޗެއް އަޅައިގަންނާނޭ ގޮތްހެދުން. (3) ކޮޅުލެނބިފައިވާ އެއްޗެއް ނުވަތަ ކޮޅު ގުދުވެފައިވާ އެއްޗެއް ތަނެއްގައި އެލިފައި ހުންނާނޭ ގޮތަށް ބެހެއްޓުން. މިސާލު: ކުޑައެޅުވުން. (4) ބޮޅެއް ނުވަތަ މަޅިއެއް މޮހޮރެއް ނުވަތަ ބުޅިއެއްފަދަތާކު އެޅުމުން. މިސާލު: ފާނޫޒު އެޅުވުން ތަޅުދަނޑިފަތި އެޅުވުން (5) މަޖާޒު: މީހަކު ނުކުރާކަމެއް ކުރިކަމަށް ހެދުން
ހެއިޖެއްސުން
މ (1) ވިސްނައިދީ މަގަށް އެޅުވުން (2) ހޭނިތިފައިވާ މީހަކު ހޭއެރުވުން (3) )ސ ( ނިދައިފައި އޮތްމީހަކު ހޭލެއްވުން (4) އިހުގައި ރަސްކަލަކު މީހަކަށް ބަނޑުހަނޑޫ ލިބޭފެންވަރުގެ ވަޒީފާ އެއް ދެއްވުން
ބިޑިއެޅުން
މ (1) ބިޑިން އަތްފައި ބަންދުކުރުން މިއީ ދަގަނޑުން ހަދައިފައި އުޅާގޮތަށް ދެއަތުގައި އަޅުވާ ތަޅުލާ އެއްޗެކެވެ (2) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް ތަޅު އެޅުވުން
ބޫންބޫން ލެއްވުން
މ ބޫންބޫން އެޅުވުން
އަލިކުރުން
މ (1) ދިއްލުން (2) އަލިވާގޮތް ހެދުން (3) އަލިއެޅުވުން
އުޑިއެޅުން
މ (1) އެއްޗެއް މުގުރުމަށްޓަކައި އުޑިތައްޔާރުކުރުން (2) އުޑީގެ ނާރެހުގައި މަތީކިބަ އެޅުވުން )އެއިރުހުންނަންވާނީ އުޑީގެ ދަށުގައި އެއްޗެއް ފަތުރާފައެވެ
މައިތިރިކުރުން
މ (1) ހަމައިން ނައްޓާލައިގެން އުޅޭ ކަމެއް ނުވަތަ ބައެއް ހަމައަކަށް އެޅުވުން (2) ހަމަހިމޭންކުރުން
މަތިކުރުން
މ (1) ކަމެއް ޙަވާލުކުރުން. (2) ކުރާނޭ މަސައްކަތެއް ނުވަތަ ދާނޭ ތަނެއް ނުވަތަ ދައްކާނޭ ވާހަކައެއް ހޯދައި އެކަމުގެ ވަގުތުޖެހެންވާއިރަށް ތައްޔާރު ކުރުން (3) މީހެއްގެ ބޮލުގައި އެމީހާ ނުކުރާކަމެއްގެ ތުހުމަތު އެޅުވުން
މަގަށްއެޅުވުން
މ މަޖާޒު: ކަމެއް ނުވަތަ މީހަކު ރަނގަޅުގޮތުން އެއްކިބާވެގެން ދާންފެށީމާ ހަމައަށް އެޅުވުން
ފާކުރުން
މ (1) ވަކިވަރަކަށް ދޮންވެފައި ހުންނަމޭވާ ފައްކާވެގެން މަޑުވާނެ ގޮތް ހެދުން (2) ބަނބުކެޔޮ ވަޅުލައިގެން މަޑުވާގޮތް ހެދުން (3) ކެކުރި ފިތައިގެން މަޑުވާގޮތް ހެދުން (4) ދަނޑި ފަދަ އެއްޗެހި މޫދު އަޅައިގެން ތޮށި މަޑުކުރުން (5) އޮޅުގައި ނުވަތަ މޫދުގައި އަޅައިގެން ބޮނބި މަޑުކުރުން (6) މަޖާޒު: ތިމާކުރަންޖެހޭ ކަމެއް ބޮލުން ނައްޓައިލައިގެން އަނެކެއްގެ ބޮލުގައި އެޅުވުން (7) އުނދަގުލެއް ޖެއްސުން
ދެރުވުން
މ (1) ދަރަންޏެއް ބޮލުގައި އެޅުވުން (2) ދަރަނިވެރިކުރުވުން
ފެންފުރުވުން
މ ކަންވާރަކަށް ފެން އެޅުވުން
ތަންޑިޔާލުން
މ އެއްޗެއް ތަނަކަށް ގެންދިއުމަށް އެއެއްޗެއްގައި ޖަހައިފައި ހުންނަ ވާފަށުގައި ތަންޑިޔާ ބަނުން ނުވަތަ އެޅުވުން
ތާޅަފިލިފުމުން
މ (1) ތާޅަފިލިން އަޑުނެރުން (2) ތާޅަފިލީގައި ރާގުއެޅުވުން
ތުހުމަތުއެޅުވުން
މ ކުށެއް ކުރިކަމުގެ ނުވަތަ ކުރާކަމުގެ ބަދުނާމު އެޅުވުން
ތުންމަޅިއެޅުން
މ (1) ޖަނަވާރުގެ ތުން ނުހުޅުވޭގޮތަށް ތުނބުގައި މަޅިއެއް އެޅުވުން (2) މަޖާޒު: މީހަކަށް އަނެކަކާ ދެކޮޅަށް އެއްޗެއް ނުބުނެވޭނެގޮތް ހެދުން
ލިބާސްލެއްވުން
މ ލިބާހަށް އައިބުވެފައިވާ ކުދީންނަށް ތައްޔާރުކުރާ ހެދުން އެޅުވުން
ސީދާކުރުން
މ (1) ތެދުކުރުން (2) މަގަށްއެޅުވުން (3) އަމާޒު ކުރުން
ޗުކު ޗުކު ލެއްވުން
މ ޗުކް ޗުކް އެޅުވުން