radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
އިސްޓޭމްޕް
ނ (1) ޕޯސްޓުން ފޮނުވާ އެއްޗެހީގައްޔާއި ރަސްމީބައެއް ލިޔުން ތަކުގައްޔާއި އަދިވެސް އެފަދަ ބައެއް އެއްޗެހީގައި ހިއްޕަން ހަދައިފައި ހުންނަ އެއްޗެއް މިއީ އެއްފަރާތުގައި ތެރަސްލާފައި އަނެއްފަރާތުގައި ބައެއް ކުރެހުމާއި އަގުޖަހައިފައި ހުންނަ ޗާޕްކުރި ކަރުދާސްކޮޅެއް (2) އިސްޓޭމު
އިސްޓޭޖް
ނ (1) ކުޅިވަރު ކުޅުންފަދަ ކަންތައްތަކަށް ހަމަބިމަށްވުރެ އުސްކޮންތައްޔާރު ކޮށްފައި ހުންނަތަން. )މިފަދަތަންތަން ގިނައިން ހަދައިފައި ހުންނަނީ ފިލައިންނެވެ.( (2) ތަގުރީރުކުރުން ފަދަ ކަންތަކުގައި ގިނަމީހުންނަށް ފެނުން ފަސޭހަވުމަށްޓަކައި އެކަމެއް ކުރާމީހާ އަރައިހުރުމަށް ހަދައިފައި ހުންނަ އެއްޗެއް. (3) ތަޢުލީމު ކުޅިވަރު ބަލިބަލިފަދަ ކަންތަކުގެ އެކިއެކި ދަރަޖަ
އިސްޓޭޝަން
ނ (1) ދަތުރުވެރިން ދަތުރުކުރުމުގައި އާދަވެގެން މަޑުކުރުމަށް ހަމަޖެހިފައިވާ ތަންތަނާއި އެތަންތަނުގައި ހުންނަ އެކަމާގުޅޭ ޢިމާރާތް (2) ސައިންސްގެ ޚާއްޞަ ކިޔެވުމަކަށް ނުވަތަ ކަނޑައެޅިފައިވާ ކަންތައް ތަކެއް މުޠާލިޢާ ކުރުމަށް ހުންނަތަން (3) ޢާއްމުންނަށް ޚިދުމަތްކޮށް ދިނުމަށް ހަމަޖެހިފައިވާ ބައެއް ތަންތަން މިސާލު: )ހ( ފުލުސް އިސްޓޭޝަން )ށ( ފައަރ އިސްޓޭޝަން )ނ( ރޭޑިއޯ ނުވަތަ ތެލްވިޒަން ޓްރާންސްމިޓް ކުރުމާއި ރިސީވް ކުރުމަށް ކަނޑައެޅި ރޭވި އެއާބެހޭ އެއްޗެހި ބަހައްޓައިފައި ހުންނަ ތަން
އިސްޕަންޖު
ނ (1) ނުހަނުލުއި މަޑުއެއްޗެއް މީގެ އެތެރޭގައި ވަރުވަރުގެ ލޯވަޅުތައް ހުންނާނެއެވެ މިއީ ގައި އުނގުޅުމަށްވެސް ބޭނުންކުރާ އެއްޗެކެވެ (2) ހުހިވައް
އިސްޕަންޖުކުރުން
މ (1) ހޫނުފެނުން ބޮނޑިތާން ކުރުން (2) ތުވާލު ފަދަ އެއްޗެއް ތެންމައިގެން ގައިސާފުކުރުން
އިސްޕަންޖުކޭކު
ނ (1) ކޭކުގެ ބާވަތެއް (2) ބަޓަރު ނުވަތަ މާޖިރީން ފަދަ އެއްޗެއް ނާޅައި ނުވަތަ މިއިން ބާވަތެއް ވަރަށް މަދުން އަޅައިގެން ހަދާ އިސްޕަންޖު ގޮތަށް ހުންނަ ލުއިލުއި ކޭކޭއް
އިސްޕިރިޓްކުރާ
ނ ބިގަރާއި އިންޖީނު އުނދުން ފަދަ އެއްޗިއްސަށް އިސްޕިރިޓްއަޅަން ގެންގުޅޭ ކުރާ
އިޖާބަދިނުން
މ (1) ދަޢުވަތު ގަބޫލުކުރުން (2) ކަމަކަށް އެދުނީމާ އެކަމެއް ކޮށްދިނުން (3) ސުވާލެއް ކުރީމާ ނުވަތަ ކަމަކަށް އެދުނީމާ އެމީހާގެ އެދުމާ އެއްގޮތަށް ޖަވާބު ދިނުން
އިޙުރާން
)އިޙްރާމް( ނ ޙައްޖު ނުވަތަ ޢުމްރާގެ އަޅުކަމުގައި ޙަރާމްވަ ކަންތައް ދޫކޮށްލުމަށް ކިޔަ ނަން
އިޤްލާބު
ނ (1) އެއްގޮތަކުން އަނެއްގޮތަކަށް ފުރޮޅިގެންދާ ދިއުން. (2) ޤާރީވެރީންގެ އިޞްޠިލާޙުގައި ބާގެކުރިއަށް އޮންނަ ނޫނާއި ތަންވީނު ޣުންނައަށް ރައްކައުތެރިވުމާއެކު މީމަކަށް ފުރޮޅައިލާ ފުރޮޅައިލުން
އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
އީރާނު
ނ (1) ސަމުގާގެ އިރުމަތީފަޅި (2) ފާރިސްކަރަ (3) ނިޔަމިކަމުގެ އިޞްޠިލާޙުގައި ދުނިޔެ އުތުރާ ދެކުނުން ބައިކޮށް އިރުމަތީ ފަޅިއަށް ދިވެހިން ކިޔާގޮތް
އީވުން
މ (1) ލަދުގަންނަ ކަމަށް ހެދިގެން އުޅުން (2) ލަދުނުގަންނަންވާން ކަންތަކަށް ލަދުގަންނަ ކަމަށް ހަދައިގެން އުޅުން މިބަސް ބުނެއުޅެނީ އަންހެނުންނާއި ކުޑަކުދިންނާ މެދުގައެވެ (3) އާތްވުން
އީމާންކަން
ނއނ އީމާނުގެ ނއނ
އީދުހަރުގެ
ނ އިހުގައި މާލޭގައި ޢީދުނަމާދު ކުރާން ދައުލަތުގެ ފަރާތުން އަޅާހަރުގެ މިހަރުގެ އަޅަނީ ޢީދުމިސްކިތާ ޖައްސައިގެން ދެކުނުންނެވެ
އީދުބަޑި
ނ އީދުވިލޭރޭ އިރުއޮއްސުނީމާ އީދު ވިލޭރޭކަން އަންގާން ޖަހައިއުޅުނު ތިންބަޑި
އީދުބޮނޑި
ނ އީދު ދުވަހު ގޭގެއަށް ހަދިޔާ ފޮނުވާން ފިހާ ބޯކިބަލެއް
އީދުގަސް
ނ ބައެއް ރަށްރަށުގައި ޢީދުވިލޭރޭ ގަހެއްގައި ހިކިފަން ނުވަތަ ހިކިފަތް އެލުވައިގެން ހަދާ އެއްޗެއް ފަތިސްވީމާ މިއެލުވި އެއްޗެތީގައި ރޯކޮށްލަނީއެވެ
އީޓު
ނ ބާވަތެއްގެ މަށްޓަކުން ހަދާއެއްޗެއް މިއީ އެކިބޭނުމަށް އެކިސިފައިގައި ހަދާއެއްޗެކެވެ މިސާލު: ފުރާޅުގައި ޖަހާ އީޓު ތަޅުންގަނޑުގައި ޖަހާ އީޓު ރާނާ އީޓު
އީޖާދު
ނ ކަމެއް ނުވަތަ އެއްޗެއް އަލަށް އުފައްދާ އުފެއްދުން މިއުފައްދާ އެއްޗަކަށް ވެސް އީޖާދު ކިޔައެވެ