radheef.info
ރަދީފު


ދަ
ނ )ބދ ( (1) ވަ (2) އަހަރެން މިސާލު: ދަބުނެފީމާ )އަހަރެން ބުނެފީމެވެ ( (3) ދަގަނޑު
އެންދެވުން
މ މީހަކުލައްވައި މުންޑުފޮށާ ފަދަތަކެތި އަނުން
އެރި
ނ (1) ރުކު އެޅުމާއި ބަނބުކެޔޮ ކެނޑުންފަދަ ކަންކަމުގައި ގަހަށް ރުކަށް އަރާމީހާއަށް އޮންނަބައި މިއީ ހަތަރެތިން އެކައްޗެވެ ކޮންނަ އެއްޗިއްސާއި ހޮވާ އެއްޗެހީންދޭ ބަޔަށްވެސް މިހެން ކިޔައެވެ (2) "އެރުން" މިބަހުގެ ނިމިނިމުނުކަން
އެރުން
މ (1) އޮއްސުމުގެ އިދިކޮޅު (2) އުދަވުން (3) ތިރިން މައްޗަށް ދިއުން (4) މޫދުން އެއްގަމަށް އައުން (5) އެއްޗެއްގެ ތެރެއަށް އަނެކައްޗެއް ވަނުން (6) އަތިރިމައްޗަށް ފޭބުން (7) އަތިރިއަށް ދިއުން (8) އަތިރިމަތީން އެއްގަމަށް އައުން (9) މޫދަށް ނުވަތަ އެހެންވެސް ފެންގަނޑަކަށް ފޭބުން )01( ރަސްމީ ބައެއް ކަންތަކާއި އޮޅިމެދުގައިނަމަ އެކަމެއްގައިވުން
އެރެހެއްޓުން
މ (1) ދަތުރަށް އެރުވުން (2) އަލްވަދާޢު ކިޔުން
އެޅުން
މ (1) އެއްޗެއްގެ ތެރެއަށް އެއްޗެއް އޮއްސުން މިސާލު: ކުރަޔަށްފެން އެޅުން (2) އެއްޗެއްގައި އެއްޗެއް ބެހެއްޓުން މިސާލު: ތައްޓަށްބަތްއެޅުން (3) ކާށިކުރުނބާފަދަ ތަކެތި ރުކުން ބިނުން (4) އެކަތި އަނެކައްޗަށް ފުށުއަރައި ނިވައުވުން (5) ފުރާދުއްވާ އެއްޗެތި ބަނދަރެއްގައި ނުވަތަ ފަޅެއްގައި ދުރަށް ނުދާނޭގޮތަށް ހަރުކުރުން (6) ގަސްގަހާގެހީން މަލާއި މޭވާނުކުތުން (7) އެއްޗެއްގެ ބައެއް އަނެކައްޗެއްގައި ޖެހި ހަރުލާނޭގޮތްވުން (8) ބޭސްފަދަތަކެތި ގައިގާ ބޯކޮށް ތަތްކުރުން (9) އަދުންފަދަ ތަކެތި ލޮލުގެ ރަވައިގާ ކާއްތައިލުން )01( ތަވީދުފަދަ ތަކެތިގައިގާ ބަނުން (11) ހަށިގަނޑުގެ ގުނަންތަކުގައި ގަހަނާ ފަދަ ތަކެތި ހަރުލާގޮތް ހެދުން (21) ހެދުން ގަޔަށްލުން )31( ތާކިހާ ރުމާފަދަ ތަކެތި ބޮލުގައި ބެހެއްޓުން )41( ފާފަވެރިވާ ގޮތުން އެކަކު އަނެކަކާ ޝަހުވާނީ އެދުމުގައި ކަމެއް ކުރުން މިބަސް ގިނައިން ބޭނުންކުރާނީ އެއްޖިންސްގެ ދެމީހުން މިބާވަތުގެ ކަމެއް ކުރީ މައެވެ
އެޅުވުން
މ (1) އެއްޗަކާއި އެއްޗެއް ގުޅުވުން. (2) އެއްޗެއްގައި އަނެއްކައްޗެއް އަޅައިގަންނާނޭ ގޮތްހެދުން. (3) ކޮޅުލެނބިފައިވާ އެއްޗެއް ނުވަތަ ކޮޅު ގުދުވެފައިވާ އެއްޗެއް ތަނެއްގައި އެލިފައި ހުންނާނޭ ގޮތަށް ބެހެއްޓުން. މިސާލު: ކުޑައެޅުވުން. (4) ބޮޅެއް ނުވަތަ މަޅިއެއް މޮހޮރެއް ނުވަތަ ބުޅިއެއްފަދަތާކު އެޅުމުން. މިސާލު: ފާނޫޒު އެޅުވުން ތަޅުދަނޑިފަތި އެޅުވުން (5) މަޖާޒު: މީހަކު ނުކުރާކަމެއް ކުރިކަމަށް ހެދުން
އެކަނިމާއެކަނި
ކއ "އެކަނި" މިބަސް ގަދަކުރާން ބުނާ ގޮތެއް
އެކައްޗާދިއުން
މ ލެތްކުޅޭއިރު ފުރަތަމަ ލޮންޏަށް ދާމީހާ މައިދަނޑީގެ އެންމެ ކުރީގައި ހުންނަމުގޯލީގައި އަތްނުވަތަ ފައިކާއްތައިލާފައި ދިއުން
އެކަތަ
ނ ސާފުކޮށް ކާރބަންއާ އެއްކޮށްފައި ހުންނަ ދަގަނޑު އާދައިގެ ދަގަނޑަށްވުރެ މިދަގަނޑު މާހަރުވާނެއެވެ
އެކަތިކެހުން
މ ލެތްކުޅޭއިރު ފުރަތަމަ ކުޅެން އަރާމީހާ މައިދަނޑީގެ ކުރީގައި ހުންނަމުގޯލީގައި ފައި ޖައްސައި ކަހާލާފައި ދުވެގޮސް ލޮންޏަށް އެރުން މިދާދިއުމުގައި އެހެންމީހުން އެމީހާ އަތުލާކަށް ނޫޅޭނެއެވެ މިހެންގޮސް ލޮންޏަށް އަރާފައި އަނބުރައި އަންނާންވާނީ މީހަކަށް އަތުނުވެއެވެ
އެކުނި
ނއ ދިވެހީންގެ ގުނުމުގައި ޢަދަދުކިޔާއިރު ފައްސިހި ތިންދޮޅަސް ފަނަސް ފަސްދޮޅަސް ފާނހިތި މިއިންކޮންމެ ޢަދަދަކަށް އެކެއްމަދުވީމާ ކިޔާގޮތް. މިސާލު: އެކުނި ފައްސިހި އެކުނި ތިންދޮޅަސް
އެކެއް
ނ (1) ގުނުމުގެ ފުރަތަމަ ޢަދަދު (2) އެންމެމީހެއް
އެކޮޅުކޮޅުންނެގުން
މ (1) ދެއަތް ޖައްސައިފައި ދެފައި މައްޗަށް ދަމައިލުން (2) ދެފައިގައި މީހަކު ހިފައިފައި ބޯކޮޅު ތިރިޔަށް ވާނޭހެން އުފުލައިލުން
އެކޮއި
ނ (1) ދަރީންނަށް ނުވަތަ ކުޑަކުދިންނަށް ލޯބިން ބުނާގޮތެއް (2) ކޮއްކޮ
އެއްކަށިވީރު
ނ (1) ކަށިފަލަ ވަރުގަދަމީހާ (2) ބޯދާޚިޔާލުގައި އަތްދަނޑީގެ ކަށި އެއްވެފައި އަދި އަރިކަށީގެ ކަށިތައްވެސް އެއްވެފައިވާމީހާ
އެއްކަށިވުން
މ އަރާބާރަކުން ނުވަތަ ތަދަކުން ހަށިގަނޑާއި ގުނަވަންތައް ހެލިފެލި ނުވާގޮތްވުން
އެއްކައުވަންތަ
ނއ (1) އެއްވެސް މަޢުނައެއްގައި ޝަރީކަކުނެތް (2) އެއްވެސްކަމަކުން އެއްފަދަ އަނެކެއްޗެއްނެތް މިއީ ﷲ އަށް ޚާއްޞަ ސިފަފުޅެކެވެ
އެއްކުރާނަވަތަ
ނ ހިސާބު ދަސްކުރާ ކުދިންނަށް އެއްކުރާން ކިޔާގޮތް ދަސްކޮށްދޭން ހަދާފައި އޮންނަ ނަވަތަ
އެއްކުރުން
މ (1) ޖަމާކުރުން (2) އެތައް އެއްޗެއް އެކައްޗަކަށް ވާނޭހެން ހެދުން (3) އެކަކަށްވުރެ ގިނައަދަދެއްގެ ޖުމްލަ ހޯދުން
އެއްވަސްވުން
މ (1) މުޅިތަނަށް ވަހެއް ފެތުރިފައިވުން (2) ގަދަ ވަހެއް ފެތުރިގަނެގެން ދިއުން (3) ދެގެއެއްގެ ފުރާޅުގެ ވަސް ހަމަހަމައަށް ދިމާވުން