radheef.info
ރަދީފު


ކައް
ނ ދިވެހިލިބާހާއި ޕިޖާމާ ފަހާއިރު ކިހިލިފަތްދަށަށްވާ ދިމާގައި އަރިޔާއި އަތާ ގުޅުވައިފައި އޮންނަ ހަތަރެސްކަން ފޮތިކޮޅު
އެރި
ނ (1) ރުކު އެޅުމާއި ބަނބުކެޔޮ ކެނޑުންފަދަ ކަންކަމުގައި ގަހަށް ރުކަށް އަރާމީހާއަށް އޮންނަބައި މިއީ ހަތަރެތިން އެކައްޗެވެ ކޮންނަ އެއްޗިއްސާއި ހޮވާ އެއްޗެހީންދޭ ބަޔަށްވެސް މިހެން ކިޔައެވެ (2) "އެރުން" މިބަހުގެ ނިމިނިމުނުކަން
އެރުން
މ (1) އޮއްސުމުގެ އިދިކޮޅު (2) އުދަވުން (3) ތިރިން މައްޗަށް ދިއުން (4) މޫދުން އެއްގަމަށް އައުން (5) އެއްޗެއްގެ ތެރެއަށް އަނެކައްޗެއް ވަނުން (6) އަތިރިމައްޗަށް ފޭބުން (7) އަތިރިއަށް ދިއުން (8) އަތިރިމަތީން އެއްގަމަށް އައުން (9) މޫދަށް ނުވަތަ އެހެންވެސް ފެންގަނޑަކަށް ފޭބުން )01( ރަސްމީ ބައެއް ކަންތަކާއި އޮޅިމެދުގައިނަމަ އެކަމެއްގައިވުން
އެޅަބަތް
ނ )ސ ( ބޮނޑިބަތްކައްކާގޮތަށް ގަބުޅިހުނި އަޅައިގެން ކައްކާ ބަތް
އެޅަބޭސް
ނ )ސ ( ވިހައިގެން ހަތް ދުވަހުގެ ތެރޭގައި ދޭން ކައްކާ ބޭސްކަނދި
އެޅުން
މ (1) އެއްޗެއްގެ ތެރެއަށް އެއްޗެއް އޮއްސުން މިސާލު: ކުރަޔަށްފެން އެޅުން (2) އެއްޗެއްގައި އެއްޗެއް ބެހެއްޓުން މިސާލު: ތައްޓަށްބަތްއެޅުން (3) ކާށިކުރުނބާފަދަ ތަކެތި ރުކުން ބިނުން (4) އެކަތި އަނެކައްޗަށް ފުށުއަރައި ނިވައުވުން (5) ފުރާދުއްވާ އެއްޗެތި ބަނދަރެއްގައި ނުވަތަ ފަޅެއްގައި ދުރަށް ނުދާނޭގޮތަށް ހަރުކުރުން (6) ގަސްގަހާގެހީން މަލާއި މޭވާނުކުތުން (7) އެއްޗެއްގެ ބައެއް އަނެކައްޗެއްގައި ޖެހި ހަރުލާނޭގޮތްވުން (8) ބޭސްފަދަތަކެތި ގައިގާ ބޯކޮށް ތަތްކުރުން (9) އަދުންފަދަ ތަކެތި ލޮލުގެ ރަވައިގާ ކާއްތައިލުން )01( ތަވީދުފަދަ ތަކެތިގައިގާ ބަނުން (11) ހަށިގަނޑުގެ ގުނަންތަކުގައި ގަހަނާ ފަދަ ތަކެތި ހަރުލާގޮތް ހެދުން (21) ހެދުން ގަޔަށްލުން )31( ތާކިހާ ރުމާފަދަ ތަކެތި ބޮލުގައި ބެހެއްޓުން )41( ފާފަވެރިވާ ގޮތުން އެކަކު އަނެކަކާ ޝަހުވާނީ އެދުމުގައި ކަމެއް ކުރުން މިބަސް ގިނައިން ބޭނުންކުރާނީ އެއްޖިންސްގެ ދެމީހުން މިބާވަތުގެ ކަމެއް ކުރީ މައެވެ
އެޅުވުން
މ (1) އެއްޗަކާއި އެއްޗެއް ގުޅުވުން. (2) އެއްޗެއްގައި އަނެއްކައްޗެއް އަޅައިގަންނާނޭ ގޮތްހެދުން. (3) ކޮޅުލެނބިފައިވާ އެއްޗެއް ނުވަތަ ކޮޅު ގުދުވެފައިވާ އެއްޗެއް ތަނެއްގައި އެލިފައި ހުންނާނޭ ގޮތަށް ބެހެއްޓުން. މިސާލު: ކުޑައެޅުވުން. (4) ބޮޅެއް ނުވަތަ މަޅިއެއް މޮހޮރެއް ނުވަތަ ބުޅިއެއްފަދަތާކު އެޅުމުން. މިސާލު: ފާނޫޒު އެޅުވުން ތަޅުދަނޑިފަތި އެޅުވުން (5) މަޖާޒު: މީހަކު ނުކުރާކަމެއް ކުރިކަމަށް ހެދުން
އެކަތިގަނޑަށްވުން
މ (1) އެކައްޗަކަށްވުން (2) މާބޮޑަށް އެކުވެރިވުން (3) އަންނައުނު މަދުވަމުން ގޮސް އެންމެ ހެދުމަކަށްވުން
އެކުވުން
މ (1) ގުޅުން (2) އެކުވެރިވުން (3) އެކަތި އަނެކައްޗާ އެއްވުން
އެއްކުރުން
މ (1) ޖަމާކުރުން (2) އެތައް އެއްޗެއް އެކައްޗަކަށް ވާނޭހެން ހެދުން (3) އެކަކަށްވުރެ ގިނައަދަދެއްގެ ޖުމްލަ ހޯދުން
އެއްވެސް
އ (1) އެކައްޗެއްވެސް (2) އެއްކަމެއްވެސް މިބަސް ބޭނުންކުރެވެނީ ނަފީގެ ގޮތުގައެވެ މިސާލު: އެއްވެސް ކަމަކު ނޫން އެއްވެސް ތާކު ނެތް
އެއްޖަންގީކައްޕި
ނ އެއްފުރޮޅުލީ ކައްޕި
އެމުނުން
މ ނަރު ދަނޑިފަދަ އެއްޗަކަށް އަނެކައްޗެއް މަހައިލުން މިސާލު: ތަސްބީހަ އެމުނުން ސިޓީ އެމުނުން
އެތެރެބަނޑަހަލުބަނޑޭރި
ނ އެތެރެބަނޑަހަލުގެ ފަރާތުން ކުރާންޖެހޭ ހުރިހައި ކަމެއްބެލެހެއްޓުމުގެ ބަނޑޭރި ކައްކާ ބަދިގޭގައި ކެކޭކެއްކުން ތަކުގެ ޚަރަދު ބަލަހައްޓައި މިކަންތައް ހިންގާނީ މި ބަނޑަހަލުގެ ފަރާތުންނެވެ
އޮނުފަތިރާރާ
ނ ވޮއްޑުންޏެއްގެ ސިފައިގައި ލަނބައިފައި އޮންނަ އޮނުފަތި ކޮޅެއްގައި ކަށިކެޔޮ ގަހު ހިކިފަތުގެ ވަރުފަށެއް ނުވަތަ އެކަހަލަ ކޮންމެވެސް އެއްޗެއް ހަރުކޮށްގެން ހަދާއެއްޗެއް. މިއީ އެއްލާމަޑި ވައު ކޮކާފަދަ އެއްޗެތީގެ މައި ދުނީގެ މަތީކޮޅުގައި ހަރުކޮށްގެން ކައްޗާ ދުއްވާއިރު ވަރަށް ރީތި އަޑެއް ގޮވާއެއްޗެކެވެ
އޮބި
ނ (1) މަހެއްގެ ސިފައިގައި ދެފައިކަށްޓަށް ލަކުޑިން ހަދައިފައި އޮންނަ ދައްޗެއް. މިގިނައިން ގެންގުޅެނީ ތެޔޮހާނާއިރު ކައްކައިފައި ހުންނަ ކުނޑި ގަނޑުފެލާށެވެ. (2) ފަންދަމާ ބިތުގައި ބޭރުން ފަންތަކުގެ ދިގަށް އަޅާފަތިގަނޑު. (3) ބައެއް ތަންތަން އޮއްބައި ހިފެހެއްޓުމަށްޓަކައި އަޅާފަތިގަނޑު ނުވަތަ ދަނޑިގަނޑު
އޮޅުދޫކައްޓަލަ
ނ އާދައިގެ ކައްޓަލަ
އޮމާލުން
މ (1) ފުޅިއްސުން (2) ކައްސައިލުން
އޮގަރު ފާތިޙާ
ނ (1) އޮގަރުމަސް ލިބޭމީހާ އަހަރަކު އެއްފަހަރު ކައްކައިގެން ކިޔަވާ ފާތިޙާ (2) ކަޑުމަތި ފާތިޙާ
އޮގަރުކިޔެވުން
މ (1) އޮގަރުމަސްލިބޭ މީހާ އަހަރަކު އެއްފަހަރު ކައްކައިގެން ޞަލަވާތް ފާތިޙާ ކިޔެވުން (2) މަސްދޯނި ފަހަރުން އޮގަރުމަސްދީގެން ކޮންމެ ދުވަހަކު މަސްދޯނި ލަފާއިރު އެތާ އިނދެގެން ޞަލަވާތްފުޅާއި ފާތިޙާ ފަރިއްކޮޅު ކިޔެވުން އޮގަރު ކިޔަވާއިރު ހުރިހާ ވަލީވެރިންނަށް ފާތިޙާ ފަރިއްކޮޅު ކިޔަވައިފައި ކަނޑުމަތި ފާތިޙާ ކިޔަވާނެއެވެ (3) ރާވެރީން ރާތަށްޓެއް ދީގެން މިފާތިޙާ ކިއުއްވުން
އޯބަތުބަތްޕެން
ނ އޯބަތްލައިގެން ކައްކާ ބަތްޕެނެއް