radheef.info
ރަދީފު


ހުރެ
އ (1) ހެދި މިބަހުގެ މާނަ ދޭހަވަނީ އެހެން އެއްޗަކާއި ގުޅުވައިގެން ބުނީމައެވެ މިސާލު: މަދިރިޔާ ހުރެ ނިދޭކަށް ނެތެވެ (2) )ގ ( ރޫ
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮންޕިއުޓަރ
ނ ކަރަންޓުގެ ބޭނުންކޮށްގެން ވަރަށް ހަލުއިކޮށް ހިސާބުހަދާ މެޝިނެއް. މިމެޝިނަކީ އެއަށް މަޢުލޫމާތު ލެވޭނެގޮތަށާއި މަޢުލޫމާތު ރައްކާ ކުރެވޭނެ ބަޔަކާއި ވިޔަހަދާ ބަޔަކާއި މަޢުލޫމާތު ބޭރުކުރެވޭނެ ބައެއްގެ މައްޗަށް އެކުލެވޭ މެޝިނެކެވެ މީގެ ވަރަށް ގިނަ ބާވަތްތައް ހުރެއެވެ
ކޮރުކޮކާ
ނ ކަޅުމުށިކުލައިގެ ވަރަށް ކުޑަކޮކާލެއް މީގެ ފިޔައިގައި ހަށިގަނޑާގުޅޭ ހިސާބު ހުންނާނީ ގަދަ ދަނބުކުލައެއްގައެވެ ފިޔައިގެ ވަރަށް ފަނޑުހުދު ތިކިތަކެއް ހުރެއެވެ
ކޮރޮފިރޮނޑޮ
ނ )ޏ ( ރޮނޑުގެ ބާވަތެއް މިވައްތަރުގެ ރޮނޑުގެ ކަރުތާފަތްގަނޑުގެ ތެރޭގައި ކުރަތްޕެއް ކަހަލަ ކުދިކުދި ދިރޭ އެއްޗެހިތަކެއް ހުރެއެވެ ބާނާއިރު ބައެއް އެއްޗެހީގެ ކަރުތާފަތްގަނޑުން ބޭރުގައި މަރުވެގެން ތަތްވެފައިވެސް ހުރެއެވެ ކުލައަކީ ކަޅުކުލައެވެ ވައްތަރުވާނީ ކަޅު ރޮނޑާއެވެ
ކޮކާ
ނ (1) ހަށިގަނޑު ކުޑަ ފިޔަގަނޑުބޮޑު އުދުހޭ ސޫތްޕެއް މިއުޅެނީ މާމަލުގެ ފޮނިބޮއިގެންނެވެ މީގެ ވަރަށް ގިނަ ވައްތަރު ހުރެއެވެ މީގެ ފިޔަގަނޑު ތަފާތު ކުލަކުލައިގައި ހުރެއެވެ (2) މޫދުގައި އުޅޭ ފަތިމަހެއް (3) ކޮކާލުގެ ސިފައިގައި ހަދައިގެން އެއްލާން ގެންގުޅޭ ބާވަތެއްގެ ގުޑިޔެއް (4) ބާވަތެއްގެ ބޮއްޔެއް
ކޮކާބިބީ
ނ ބިބީގެ ބާވަތެއް. މަހުގެ ދެއަރިމަތީގެ ކުލައަކީ ހުދުކުލައެވެ. ދެއަރިމަތީގައި ދެކަތްޕަށްވާ ގޮތަށް އަޅިކުލައިގެ ރޮނގުތަކެއް ހުރެއެވެ. މަޑުކޮތަރިބައިގެ މަތިން ފެށިގެން މަހުގެ ލޯހުރަސްކޮށް ބަނޑުދަށް ފަރާތުގެ ކޮތަރިބައިގެ ނިމޭ ހިސާބަށް ކަޅުކުލައިގެ ފުޅާ ރޮނގެއް ހުރެއެވެ މަހުގެ ނިގޫ ކޮޅުގައި ހުންނަނީ ރީނދޫކުލައެވެ
ކޮއްތަށް ދީފައި ބަނޑަށްދޭ ވަރަށް ހުރުން
(މިސާލުބަހެއް) އެއްޗެއް މާގިނައިން ހުރީމާ ދީއުޅޭ މިސާލެއް މިސާލު: އެގޭގައި ކޮއްތަށް ދީފައި ބަނޑަށްދޭވަރަށް ހިކަނދިފަތް ހުރެއެވެ
ކޮވެލިފާނަ
ނ (1) ފާނައިގެ ބާވަތެއް މިއީ ފަރުފަރުގެ މުރަކަތަކުގެ ނިވަލުގައި އުޅޭ މަހެކެވެ މަހުގައި ހުންނަނީ ދިއްލިފައި ހުންނަ ރަތްނާރިނގު ކުލައެވެ ބޮލުން ފެށިގެން މުޅި މަހުގައި ނޫކުލައިގެ ކުދިކުދި ތިކިތަކެއް ހުރެއެވެ ކަންފަތުގެ ފަހަތުކޮޅު ހުންނަނީ ރީނދޫ ކުލައެއްގައެވެ (2) ބުޅަލަފާނަ
ކޮތަން
ނ ކައިރީގައި ތުނޑުހުރެފައި ވައްކޮށް ފަތްހުންނަގަހެއް މިއީ ބޭހަށްގެންގުޅޭ ފިލާވެއްޔެކެވެ މީގެފަތުގައި ކެހެރި ހުންނާނެއެވެ މީގެ ކިތަންމެބާވަތެއް ހުރެއެވެ
ކޮތަރިރީނދޫދަންބޮޑު
ނ ދަންބޮޑުގެ ބާވަތެއް މިއީ ބުރަކަށިމަތީ ކޮތަރިބައިގެ ހަރުކަށިތައް ރީނދޫ ކުލައިގައި ހުންނަމަހެކެވެ ކަރުތާފަތުގެމަތީ ކައިރިފަށުގައި ކަޅުކުލައިގެ ލަފެއްހުރެއެވެ މަހުގެ ކުލައަކީ މަޑުރަތްކުލައެވެ ހުޅުނބުތަކުގެ ކައިރިފަށް ހުންނަނީ ގަދަ ރަތްކުލައިގައެވެ
ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ (2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން (3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
އަށިގަނޑުކަނޮޅި
ނ މިޔަރުގެ ބާވަތެއް މީގެ ތަލަމަތީގައި އަށިގަނޑެއްހެން ހުންނަ ތަނެއް ހުރެއެވެ
އަށިގެ
ނ ގޭގެ ބޮޑުމިނަށް އައްޓެއް ލައިފައި ހުންނަގެ މިއީ އިހުގައި ފިރިހެނުން މަޖިލިސްކުރުމާއި އަންހެނުން ނަމާދުކުރުން ފަދަ ބޭނުމުގައި ހަދައިއުޅުނު ގެއެކެވެ ރަށްފުށުގައި ފަރުދޭސީން ނިދާންވެސް މިކަހަލަ ތަންތަންހުރެއެވެ
އަނބުމަސާލަ
ނ ފަތުގައި ރޫޖެހިފައި ހުންނަ ބާވަތެއްގެ ބަގީޗާ ގަހެއް މީގެފަތްބައެއް މީހުންކާ އެއްޗެއްސާއި އަސާރައަށް ލައިގެން އުޅެއެވެ މިފަތުގައި އޯބަތްވަސްޒާތުގެ ވަހެއްހުރެއެވެ
އަނދަވަޅަކަށްވެއްޓުން
މ (1) ކެހިދިނުމަށްޓަކައި ކޮނެފައި ހުންނަ އަނދަވަޅަށް ގަނބައިގަތުން (2) މަޖާޒު: ނުދެނެހުރެ ކެހިވެރިކަމެއްގެ ތެރެއަށް ވަދެވުން
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނގަފެޅުން
މ ކަމަކާ ދެރަވެގެން ނުވަތަ ރުޅިއައިސްގެން އަނގައިން ނުބުނެހުރެފައި ވާހަކަ ދައްކާން ފެށުން
އަނގަލަ
ނ ތޮށިމަތީ ގައުގަލުގެ ދަށުގައި އުޅޭ ކުޑަވަރުގެ މަހެއް މީގެ ނަގޫފަތް ކައިރީގައި ރީނދޫކުލައިގެ ބަންދެއްހުރެފައި ނަގޫފަތުގެ މަތީކައިރީގައި ދެކަށި ހުންނާނެއެވެ
އަންނާރު
މ އެތެރޭގައި ދުލިފަށަކުން ކަލިވަތްތަކެއް ހުންނަ މަޝްހޫރުމޭވާއެއް މީގެ ފޮންޏާއި ހުތާއި ދެބާވަތް ހުރެއެވެ
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން