radheef.info
ރަދީފު


ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް
 މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ
(2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން
(3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ (2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން (3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
ބަނބުޅަންބޮނޑި
ނ އިހުގައި ރަސްކަމަށް ކޮލިލާ ދުވަހު ފުރޮޅާ އެއްޗެއް ޚަޒީނާއޭ ކިޔާ ބަޑިޖަހާނީ މިފުރޮޅައިލީމައެވެ މިއޮންނަނީ މުރުސަލް ފާޑަށެވެ މިފުރޮޅުއްވާނީ ކަނބާދިކިލެގެފާނެއެވެ
ހަތް
ނ (1) ރަސްކަމުގެ ޢިއްޒަތަށްޓަކައި ގެންގުޅޭ މަތިހަމަޔަށް ހުންނަ ހުދުކުލައިގެ ވިހޭފަށްލީ ކުޑައެއް (2) ރަސްކަމަށް ކޮލިލާ ދުވަހު ހަތަރު އަވަށު މައިޒާން ދޮށުގަޔާ ގުޅަކުޅޭފަސްގަނޑުގައި ހަތަރު ކޮށީންމެ ޖަހާ ކުޅިއެއް މިކުޅިޖަހާނީ އިސްދަރިވަރުންގެ ތެރޭގައި ތިބި ކޮށީގެ އެދުރުކަމާއި އެންމެ ގާތް މީހުންގެ ތެރެއިން ދެމީހެކެވެ (3) ނއ ގުނުމުގެ ހަތްވަނަ ޢަދަދުގެ ނަން އިތުރު މިސާލު: )ހ( ހަތްދުވަސް )ށ( ހަތްބިން )ނ( ހަތްސާއަތް
ހަތްކޮޑިކޮޑިކާލި
ނ ރަސްކަމަށް ކޮލިލާދުވަހު ކޮއްޔާއެކުގައި ގެންދާ އެއްޗެއް މިހުންނާނީ ތިރިނުބައްދާ ހުންނަ ލަންޓަނެއްގެ ސިފައިގައި ދިގު ދަނޑިއެއްގައި ލާފައެވެ
ހަތްދަށުކުޅި
ނ ރަސްކަމަށް ކޮލިލާދުވަހު ހަތްޖަހާފަދައިން ހަތަރުކޮށީންމެޖަހާ ހަތްޖަހާ ބަޔަށްވުރެ ދެރަ ދަރަޖައިގެ ދެމީހުން ކުޅިއެއް
ހަތްދޮށުކޮލި
ނ ކިލެގެކަމަށް ލާ ކޮލި. މިއީ ރަސްކޮލިފިޔަވައި ދެންއޮތް އެންމެމަތީ ދަރަޖައިގެ ކޮއްޔެވެ
ހިރިހަމައިދިކަން
ނ ކަންގަތި ކޮލީގެ ނަމެއް. މިކޮލި ލެވިފައިވާ މީހުންގެ ކަމަކީ ދަޢުލަތުގެ އެންމެ އިސް ވެރިޔަކަށް ހުންނަ މީހަކަށް ލަފާދިނުމާއި ބޮޑެތި ޢިއްޒަތުގެ ރަސްމިއްޔާތުތައް ފުރިހަމަކުރުމުގެ ގޮތުން ބައިވެރިވުމެވެ
ހިތީކޮލި
ނ ހިތިދުވަހު ހެނދުނު އެދުވަހު ހިތީ ކިއެވުމަށާއި ކިއަވާންވީ ތަނަށް ދާން އެނގުމަށް ލާ ކޮލި
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
ރަނިކިލަގެ
ނ ރަނިކަމަށް ކޮލިލައިފައިވާ ބޭކަނބަލެއް
ރަނިކޮލި
ނ ރަނިކަމަށް ލާ ކޮލި
ހޯޕް
ނ )ގ ( މޫދުގައި އުޅޭކޮލި
ރަންދި
ނ (1) ރަސްކަލަކަށް ކޮލިލާފަހުން ފުރަތަމަ ލިބިވަޑައި ގަންނަވާ އަންހެން ބޭފުޅަކަށް ކިޔާ ރަސްމީ ނަމެއް (2) ކަޅުބިލަމަހަށް ކިޔާ ވަނަމެއް
ރަސްކޮލި
ނ ރަސްކަލަކަށް ރަސްކަމުގެ އިއްޒަތް ފުރިހަމަ ކުރުމަށް ލާކޮލި
ރަސްފަރި
ނ (1) ރަސްކަމަށް ކޮލިލާ ދުވަހު އައްޑަނަ ކޮއްޓާ ދަނޑި ކޮއްޓާ ދެކޮށީން ދެއެދުރު ބޭކަލުން ނުވަތަ އެފަދަ އެހެން ދެމީހަކު ނުކުމެ ގުޅަކުޅޭ ފަސްގަނޑުގައި އަޅާފަރިއެއް (2) ކ އަތޮޅުގެ ފަޅުރަށެއް
ބަނޑިޔާ
ނ ކޮލި އޮންނާނެހެން މުށީން ހަދައިފައި ހުންނަ އަނގަކުޑަ ކުޑަވަރެއްގެ ކަންވާރެއް މިބައްޓަމަށް އެހެން އެއްޗަކުން ކަންވާރެއް ހަދައިފައި ހުއްޓަސް ކިޔާނީ މިހެނެވެ
ބާރަގަން
ނ ކޮލިލާއިރު ކޮލިކިޔަން ހުއްޓޭ ހަތަރު އަނގޮޅި ހަމަވާ ބާރަތަން. މިއިން ކޮންމެތަނަކީ އަނގޮޅިއެކެވެ. މިއިން ކޮންމެ ތަނެއްގައި ކޮލި ކިޔައިފައި ލޯގަނޑުގައި ޖަހާނެއެވެ. އަޞްލުގައި ގަންކިޔަނީ އަވަށަށް ކަމަށްވިއަސް މިތާގައި ބޭނުންކޮށްފައި މިވަނީ ހަތަރު އަނގޮޅި ހަމަވާ ތަންތަނަށެވެ
ބޮއްކުރާ
ނ ދޯނިފަހަރު ބަންނަ ގޮތަށް ބަނދެފައި ހުންނަ ކުޑަ އުޅަނދެއް މިބަނދެފައި ހުންނަނީ ކޮލި ބޮޑުކޮންނެވެ. މިއީ ފަލިޖަހައިގެން ނުވަތަ ރިތުގެ ބޭނުންކޮށްގެން ދުއްވާ އެއްޗެކެވެ މި ކުރިން ޢާއްމުކޮށް ބޭނުންކޮށް އުޅެނީ ދަތުރުވެރިން އޮޑިފަހަރަށް އަރާ ފޭބުމަށެވެ މީގައި ކުނބެއް ހުންގާނެއް ނުހުންނާނެއެވެ
ބޮޑުބޭކަލުން
ނ ހަވަރުގެ ހަބައިންކުރެ ކޮންމެ ބައެއްގެ ވެރިއެއްގެ ގޮތުން ތިއްބަވާ ބޭކަލުން. މިއީ ކޮލިލައްވައި ބޮޑު މުސްކުޅިކަމުގެ އަސާ ދެއްވައިފައި ތިއްބަވާ ބައެކެވެ ރަދުން ޢިއްޒަތުގައި ތަންތަނަށް ވަޑައިގަންނަވާއިރު އަރިހުގައި މިބޭކަލުން ތިއްބަވަން ޖެހެއެވެ
ބޮޑުމުސްކުޅި ބޭކަލުން
ނ އިހުގައި ވަޒީރުކަމަށް ކޮލިލައްވައިފައި ތިއްބަވާ ބޮޑުބޭކަލުން
ބޮޑުމުސްކުޅިކަމުގެ އަސާ
ނ ބޮޑު މުސްކުޅިކަމަށް ކޮލިލައްވައިފައި ދެއްވާ އަސާ