radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ކުރޮޅި
ނ (1) ހިކިގެން ނާށިގަނޑުގެ ތެރެއިން އަމިއްލައަށް ނެއްޓިފައި އޮންނަ ކާށި މި ކާށި ބޮނބިގަނޑާ ނާއްޓާ އެކީއޮތަސް ކިޔަނީ މިހެންނެވެ (2) ހަރުލައިފައި އޮންނަ ތޮށީން ހިކިގެން މަދުނެއްޓިފައި އޮންނަ އޮށް ނުވަތަ ބަދަން (3) ލަނބުރާނު ކޮޅުގައި ހަރުކޮށްފައި ހުންނަ ތިންލޯވަޅު ހުންނަ ގޮއްލަ (4) ތިން ފުރޮޅުލީ ދުއްވާ އެއްޗެއް މީގައި ދަތުރު ކުރެވޭނީ ދުއްވާމީހާގެ އިތުރަށް ދެމީހުންނަށެވެ މީގައި ހުންނާނީ ސައިކަލް އިންޖީނެކެވެ
ކުރޮޅިފިލާގަނޑު
ނ ކުރޮޅީން ހުނިގާނަން ތަންތަންކޮޅުން ލޯވަޅު ތޮރުފައި ކަށިކޮށް ހަދައިފައި އޮންނަ ޓިނުގަނޑު ނުވަތަ ލޯގަނޑު މިފިލާގަނޑެއްގައި ލޯނަރު ޖަހައި ގެންވެސް ހަދައެވެ
ކުޅަނދިލި
ނ އަންހެނުންގެ ފަރުޖުގެ ރެނދުގެ މަތީކައިރީގައި ހުންނަ މަސްކޮޅު
ކުޅަނދުރު ހަތަޔަށް އޮއްގައުލުން
މ މަޖާޒު: ތިމާގެ މައްޗަށް ގަދަކަން ފޯރުވޭވަރުގެ މީހަކަށް ނުވަތަ ބަޔަކު ރުޅިއަންނާނެ ކަމެއްކުރުން
ކުޅިރަހަ
ނ މިރުހުގައިލާ ތޫނުރަހަ
ކުޅިރިހަ
ނ ކަނޑުމަހުގައި ނުވަތަ ފަރުމަހުގައި ވަކިގޮތަކަށް ކައްކާ ކުޅިގަދަ ރިހައެއް
ކުޅިބަލާގެ
ނ (1) އިހުގައި އަންހެނުން މަގުމަތި ބަލާން އަރައި ތިބުމަށް މަގުމަތީ ފާރުކައިރީގައި ތަންކޮޅެއް އުސްކޮށް ހަދައި ހިޔާކޮށްފައި ހުންނަތަން (2) ކުޅިބެލުމަށްޓަކައި އިށީނދެ ތިބުމަށް ހަދައި ހިޔާކޮށްފައި ހުންނަތަން
ކުޅިވަރަށްދުއްވައިލުން
މަޖާޒު: ކަމެއްގެ ޙަޤީޤީ ބޭނުމަށާއި މަޤްޞަދަށް ވިސްނައިލުމެއްނެތި އެކަމެއް ކުރުމަށް ދޭންވާ ސަމާލުކަން ނުދީ ވަގުތު ބޭކާރުކުރުން
ކުޅިވަރަކަށްހެދުން
މަޖާޒު: އެކަމެއްގެ ޙަޤީޤީ ބޭނުމަށް ނުވިސްނައި މަޖަލެއްގެ ގޮތުގައި ވަގުތު ދުއްވައިލުމަށް އެކަމެއް ކުރުމުން ބުނެއުޅޭ ގޮތެއް މިސާލު: ކިޔެވުން ކުޅިވަރަކަށް ހަދައިގެން ދެކޮޅެއް ނުޖެއްސޭނެއެވެ
ކުޅިވަރު
ނ މުނިފޫހި ފިލުވުމަށް ނުވަތަ ހަށިގަނޑަށް ކަސްރަތު ހޯދުމަށް ވަކި ހަމައެއްގެ މަތިން ކުރާ ބައެއް ކަހަލަ ކަންތައްތައް މިސާލު: މިޔުޒިކްކުޅުން ފުޓްބޯޅަކުޅުން
ކުޅިވަރުހުރުން
މަޖާޒު: ކަންތަކެއް ހުއްޓޭ ބުނުމަށް ބުނާގޮތެއް
ކުޅިވަރުދެއްކުން
މަޖާޒު: ލިބިހުރި ބާރު ދައްކައިލާނަމޭ ބުނުމަށް ނުރުހިގެން ބުނާ ބަހެއް މިސާލު: ނިކަން ދެކެން ހުންނާށެވެ ރަށަށް ދެވުނީމައި ކުޅިވަރު ދައްކައިލާނަމެވެ
ކުޅިމީރުފެނުން
މ މަޖާޒު: އަހުވަފެނުން
ކުޅިތުޅާ
ނ ފަތްޕިލާވެލީގެ ބާވަތެއް މިއީ ގަނދަކޯޅިއާ ވައްތަރުގޮތަކަށް ހެދޭ ގަހެކެވެ މިގަހުގެ ފަތުގައި ކުޅިރަހައެއް ހުރެއެވެ މިފަތަކީ ބޭހަށް ބޭނުންކުރާ އެއްޗެކެވެ
ކުޅިގަނދު
ނ ބޭރު ރަތްކުލައެއްގައި ހިމަކޮށް ހުންނަ މުލެއް މިއީ ބޭހަށް ބޭނުންކުރާ އެއްޗެކެވެ
ކުޅިގަނޑު
ނ (1) ރާޒުވައާއި ތިންހަމައާއި އޮށްވަޅުފަދަ ކުޅިވަރުގައި ކުޅޭން އަތުރާ ކުޅުންގަނޑު (2) މަޖާޒު: ނުބައެއް އުފައްދާން ރާވާރޭވުން (3) ބޭޒާރުނުވެ ހިނގާ ނޭދެވޭ ކަންތައް
ކުޅިސަމާ
ނ (1) ކުޅިޖަހާ ސަމާ. މިއީ ސަމާގެ މަތީ ދަރަޖައެވެ. އާދަކާދައިގެ ގޮތުން ކުޅިހުއްޓާރޭ ކުޅި ޖައްސަވާނީ ކޮށިކޮށީގެ ވެރިންނަށް ތިއްބަވާ ބޭފުޅުންނާއި ކޮށިކޮށީގެ މަތީ ދަރަޖައިގެ ބޭފުޅުންނެވެ (2) މަޖާޒު: ކުޅިވަރާ މަޖަލުގެ ފޯރިގަދަކަން ބަޔާންކުރުމަށް ބޭނުންކުރާ ބަހެއް މިސާލު: އެގޭގައި މިރޭ ކުޅިސަމާ އެބަހުއްޓެވެ
ކުޅިޔަން
ނ )ނ ކ ( ހޮނިހިރު ދުވަހުގެ ހެނދުނުކޮޅުން ނުބައި އިރުވަރު
ކުޅިޖެހުން
މ ކޮށިކޮށީމީހުން ކަނޑި އައްޑަނަ ނުވަތަ ދަނޑި ހިފައިގެން ހެވިކަމުގެ މަސައްކަތުގައި ވަކި ޤަވާއިދެއްގެ މަތީން ހެލިފެލިވުން
ކުޅުދިޔާވުން
މ އެއްޗެއް ފެނިގެން ނުވަތަ ދުވާ ވަހަކުން ނުވަތަ ކުރެވޭ އިޙުސާސަކުން އަނގައިގައި ދިޔާކުޅު ގިނަވާގޮތްވުން