radheef.info
ރަދީފު


ކުޅިވަރު
ނ މުނިފޫހި ފިލުވުމަށް ނުވަތަ ހަށިގަނޑަށް ކަސްރަތު ހޯދުމަށް ވަކި ހަމައެއްގެ މަތިން ކުރާ ބައެއް ކަހަލަ ކަންތައްތައް
މިސާލު: މިޔުޒިކްކުޅުން
 ފުޓްބޯޅަކުޅުން
ކުޅިވަރު
ނ މުނިފޫހި ފިލުވުމަށް ނުވަތަ ހަށިގަނޑަށް ކަސްރަތު ހޯދުމަށް ވަކި ހަމައެއްގެ މަތިން ކުރާ ބައެއް ކަހަލަ ކަންތައްތައް މިސާލު: މިޔުޒިކްކުޅުން ފުޓްބޯޅަކުޅުން
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
ވަރަލުން
މ (1) ގުޑިއެރުވުމުގައި ބޭނުންކުރާ އޮނުފަތިރާރާގައި ވައިގެ ބާރުން އަޑުނެރޭން ކަށިކެޔޮފަތުން ނުވަތަ އެހެންވެސް އެއްޗަކުން ފަށެއް ހަރުކުރުން (2) ބައެއްކުޅިވަރުގެ ތެރޭގައި ދޫނީގެ ފިޔަގަނޑެއްގެ ސިފައިގައި މީހުންގެ ހަށިގަނޑުގައި ފިޔަހަރުކުރުން
ފަތިގަނޑުޖެހުން
މ ކުޅޭ ކުޅިވަރެއް. މިއީ ގާތްގަނޑަކަށް ކައިވަތެއްގެ ދިގު ދެއިންޗި ފުޅާ ހޮޅިކޮށް އޮންނަ ހަތަރުގަނޑު ފަތިން ކުރެ އަތެއްގެ ތެރެއަށް ދެގަނޑު ފަތިލައިގެން ދެގަނޑު ދެގަނޑަށް ވަކިހަމައަކަށް ޖަހަމުން ކުޅޭ ކުޅިވަރެކެވެ. މިހަދައިފައި ހުންނަނީ އޮނުން ނުވަތަ ލަކުޑީންނެވެ. މި ކުޅިވަރު ކުޅެނީ ބަނޑިޔާ ނުވަތަ ޑަބިޔާ ޖަހައި ލަވަކިޔައިފައެވެ އަދި ޑަބިޔަލާއި ބަނޑިޔަލާއި ދޭތި ޖަހައިފައިވެސް މި ކުޅިވަރު ކުޅެއެވެ
ހަވާއެރުވުން
މ ބަޑިބޭހުގެ ކުޅިވަރު ކުޅުން
ހަތްއަތްތަވާޅީންގާނެގުން
މ ރިޔަނު ދެކޮޅުން މުގޯއްޔެއް އަޅަމުން ގޮސް ހަތްމުގޯލި އަޅައި ކޮންމެ މުގޯއްޔެއްގައި ހަތްގައުކޮޅު ބާއްވައިގެން ކުޅޭ ކުޅިވަރެއް މިކުޅިވަރުގައި އެއް މުގޯލި ދޮށުގައި އުޑަފައިން އިށީނދެ ގައުކޮޅެއް ހިފައިގެން ތެދުވެ ހިންދަމާލައި ދެން ޖެހިގެން ހުރި މުގޯލި ކައިރީގައި އުޑަފައިން އިށީދެ ބާއްވަނީއެވެ މިގޮތް މަތީން އެއް މުގޯއްޔަށް ފަހު އަނެއް މުގޯލި ހުސްކުރަމުންގޮސް ހަތްމުގޯލި ހުސްކުރަނީއެވެ
ހިކަ
ނ ކުޑަކުދީން ކުޅޭ ކުޅިވަރެއް. މިއީ ކުޑަކުދީން ހިކަކީ ކުއްޖާ އަތުލާން ދުވެދުވެފައި ކުޅޭކުޅިވަރެކެވެ ހިކަކީ ކުއްޖާ އަތުލައިފިނަމަ އެއަތުލީ ކުއްޖަކަށް ހިކަލިބުނީއެވެ މިކުޅިވަރު މޫދުގަވެސް އެއްގަމުގައިވެސް ކިތަންމެ ގޮތަކަށް ކުޅެއެވެ
ހިކަކުޅުން
މ ހިކަ ކިޔާ ކުޅިވަރު ކުޅުން
ހިތީކުޅި
ނ ހިތި ދުވަހާއި ހިތި ވިލޭރޭގެ ކުޅިވަރު
ހިތުލީބޮލިނެގުން
ނ (1) ބޮލިއަތުރައިގެން ކުޅޭ ކުޅިވަރެއް މިކުޅިވަރުގައި އެކެއްގެ ހިތުން ގަސްތުކުރާ ބޮލި ދެވަނަ ފަހަރު އެތުރުމުގެ ގޮތުން އަނެކަކު ވިސްނައިގަނެއެވެ (2) މަޖާޒު: މީހަކާ ހިތާވެގެން އެކަން ފާޅުނުކޮށް ހުރެހުރެފައި އެމީހަކާ އިންނަ އިނުން
ހިލޭޖެހުން
މ (1) ފުޓުބޯޅަ އާއި ހޮކީފަދަ ކުޅިވަރުގައި ކުށްކުރާބަޔާއި އިދިކޮޅަށް ދޭޖެހުމެއް މީގައި ސީދާ ހިލޭޖެހުމާ ނުސީދާ ހިލޭޖެހުން ހުރެއެވެ (2) އެއްޗަކަށް ނުވަތަ ތަނަކަށް ކުރިޚަރަދު އަނބުރާލިބި އަގުހަމަވުން
ނާޗަރަންގީ
ނ ކުޅިވަރެއް މިކުޅިވަރުގައި އޮންނަނީ ލަވަކިއުމާއި ބެރުޖެހުމާއި ނެށުންފަދަ ކަންތަކެވެ
ނާޗަރަންގީ ކުރުން
މ ނާޗަރަންގީގެ ކުޅިވަރު ކުޅުން
ރަންނަ
ނ )ޅ ( ކުޑަކުދިން މޫދުގައި ކުޅޭ ކުޅިވަރެއް މިކުޅިވަރު ބައިބަހައިގެންނާއި ބައި ނުބަހައި ވެސް ކުޅެއެވެ މިކުޅިވަރު ކުޅޭ ގޮތަކީ މޫދުގައި ގަލެއްގެ މައްޗަށް ކުއްޖަ ކުއަރައި ރަންނަ ކިޔުމަށްފަހު އެގަލުން ފައިބައިގެން ގޮސްމޫދުގައި ތިބި އެހެން ކުދިންގެ ގައިގައި އަތްލާނީއެވެ ދެން ރަންނަ ކިޔާނީ އެނުބައިވި ކުއްޖެކެވެ
ކޯޑިކުޅުން
މ ރަށްފުށުގައި ބޮޑުޢީދުގައި ކުޅެއުޅޭ ކުޅިވަރެއް. މިކުޅިވަރު ކުޅޭއިރު ފިރިހެންކުދިން ކޯޑި ހަދައިގެން ކުޅިވަރުކުޅެމުން )ލަވަކިޔައިނަށަމުން( ހުސްމައިދާނެއް ކަހަލަތަނަކަށް )ކުޅޭބިމަށް( ގޮސް މަޑުކޮށްލައި އެތަނުގައި ކުޅިބަލަންގޮސްތިބޭ އަންހެންކުދިންގެ ތެރެއިން ކުއްޖެއްގެ ބޮލުގައި ކޯޑިޖައްސައިލަނީއެވެ. ދެން ކޯޑިގެންގޮސް ރުކެއްފަދަ ދިގު އެއްޗެއްގައި އަތްނުފޯރާ ހިސާބު މަތީގައި އެލުވަނީއެވެ. މިކޯޑި ކަނޑައިދޭނީ އަންހެން ކުދިންގެ ފަރާތުން ކަނޑައަޅާ ފިރިހެންކުއްޖެކެވެ. ދެން ފިރިހެންކުދިން އެކޯޑި ކަޑައިދިން ފިރިހެންކުއްޖާގެ ގައިގައި އަޅިދެލި ކުރަހައިގެން ގަންހިންގާގޮތަށް މުޅިރަށުގައި ހިންގުވައިފައި ގެނެސް މޫދަށް ލަނީއެވެ. އެއަށްފަހު އަންހެންކުދިން އެކުއްޖާ މޫދުންއަރުވައިގެން ގެންގޮސް ފެންވަރުވައި ނަލަހެއްދުވުމަށްފަހު ކޯޑިޖެއްސި އަންހެންކުއްޖާއާއި ދެކުދިން އަތުގުޅުވައިގެން ކުޅޭބިމަށް ގެންދާނީއެވެ
ކޯޑިކެނޑުން
މ ކޯޑިޔޭ ކިޔާ ކުޅިވަރުގައި ކޯޑިގެންގޮސް އެލުވީމައި އަންހެނުންނަށް އެކޯޑިބާލައިދިނުން
ކޯޑިޖެހުން
މ (1) "ކޯޑި" ކުޅުމޭ ކިޔާކުޅިވަރުގައި އަންހެނެއްގެބޮލުގައި ކޯޑިޖައްސައިލުން (2) "ކޯޑި" ކުޅުން
ކޯޓު
ނ (1) ވިލާތު ހެދުމުގެ ތެރޭގައި ގެންގުޅޭ ދެފަރާތުގައި ޖީބުލައިފައި ހުންނަ އަތްގުދުކުރި ބަނޑުފެޅި ލިބާސް (2) ޝަރީޢަތް ކުރާ އިދާރާ (3) ތާސްކުޅެގެން އެއްއަތްބައިވެސް ނުލިބުނީމާވާދެރަ (4) ބައެއްކުޅިވަރު ކުޅުމަށް ރޮނގުދަމައި ވަކިކޮށްފައިވާތަން މިސާލު: ޓެނިސްކޯޓް
ކޯޗު
ނ ކުޅިވަރުގެ ތަމްރީނުދޭ މީހާ
ހޮވާބައި
ނ މަންޑިއާއި ބޮނޑިއާއި ކުރިކެޓާއި ބަށި ފަދަ ކުޅިވަރުގައި ކުޅޭބައިނޫން އަނެއްބައި
ހޮވުން
މ (1) ބިމައްވެއްޓިފައި ހުންނަ ބައެއްތަކެތިނެގުން (2) އެތަކެއް ބާވަތުގެ އެއްޗެހި އެއްވެފައި ހުރިތާކުން ވަކިބާވަތެއްގެ އެއްޗެހި ނެގުން މިސާލު: )ހ( ހަނޑޫ ހޮވުން (3) ގެއްލިފައި ހުންނަ ތަކެތި ފެނިގެން ނެގުން (4) ވަކިކަމަކަށް ބަޔަކު ނުވަތަ މީހަކު އިޚްތިޔާރުކުރުން (5) ބައެއް ކުޅިވަރުގައި ކުޅޭ ބައިނޫން އަނެއްބައިގެ މީހުން ކުރާކަންތައް މިސާލު: ކުރިކެޓް ކުޅޭއިރު ބޯޅަހޮވުން މަންޑިކުޅޭއިރު ފޯލި ހޮވުން