radheef.info
ރަދީފު


ހީ
ނ (1) ޝައްކު (2) ކަށަވަރުކަމެއްނެތި ހިތަށްއަރާ އެއްޗެހި (3) ފިނިކަމުން ހަށިގަނޑަށް ލިބޭ އުނދަގޫ
ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ (2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން (3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
ކޯރި
ނ (1) ލޮލަށް އަވިނުދޭނޭހެން ނިތާދިމާއިން ނެރެފައި އޮންނަ މައްޗަށް ހިމައެއްޗެއް މިއީ މަސްވެރިންނަށް ޚާއްޞަ އެއްޗެކެވެ (2) އެއްޗެހީގެ ކޮޅުގައި ނުވަތަ މަތީގައި އަޅުވާން ބިތްފަނުން މައްޗަށް ހިމަކޮށް ބަނދެގެން ހަދާގޮށްޓެއް (3) ފުރާޅު ފޫދުއްވާ އަރައިފައި ހުންނަ މުޑިފަދަ ތަކެތީން އެތެރެއަށް ވާރޭ ނީރައިފާނެތީ އޭގައި ފުރާޅުގެ މަތިން ބަންނަ ފަންގަނޑު
ކޯރިބޯ
ނ (1) ވޮށިމަހަށް ކިޔާވަނަމެއް (2) ކަށިކެޔޮ ގަހުގެ ހިކިމާގަނޑު ފަދަ އެއްޗެހީގައި އުޅޭ ކުޑަވަރަކު ދިރޭ އެއްޗެއް
ކޯރިގަނޑު
ނ (1) އެއްޗެހީގެ ކޮޅުގައި ނުވަތަ މަތީގައި އަޅުވާން ބިތްފަނުން މައްޗަށް ހިމަކޮށް ބަނދެގެން ހަދާ ގޮށްޓެއް (2) ފުރާޅު ފޫދުއްވާ އަރައިފައި ހުންނަ މުޑިފަދަ ތަކެތީން އެތެރެއަށް ވާރޭ ނީރާފާނެތީ އޭގައި ފުރާޅުގެ މަތިން ބަންނަ ފަންގަނޑު
އަހުލުވަހުލު
ނއ (1) ގާތްތިމާގެ (2) އެހީވާ
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
އަނގައިން އަނގަޔަށްއެޅުން
މ (1) ދޫނިސޫފާސޫފި އަނގަޔަށް ކާތަކެތި އަޅައިގެންގޮސް ޅައެއްޗެހީގެ އަނގަޔަށް އަޅައިދިނުން (2) މަޖާޒު: ވިސްނައިދިނުމަކާ ނުލައި އެއްޗެއް ކިޔައިދީ ދަސްކޮށްދިނުން
އަރަލުންއަރާއެޅުން
މ (1) ހަމަރިޔައު ނަގާ އެއްޗެހީގެ ފަރުމާނު ބިންދައިގެން ދިޔައީމާ ބިނދުނު ދެކޮޅުން ދެދާލިގަނޑު އެއްކޮޅުން ކުރުކޮށް އަނެއްކޮޅުން ދިގުކޮށް ނަގާ އެދެކޮޅު ޖައްސައި ދެފަރާތުގައި ދެގަނޑު ދާލި ކުރުކޮށް ނެގި ފަރާތުގައި ދިގުކޮށް އޮތްދާލިގަނޑު ދިގުކޮށް ނެގިފަރާތުގައި ކުރުކޮށް އޮތްދާލިގަނޑުއަޅައި ބާރަށް ކީލިޖެހުން (2) މަޖާޒު: ހަލާކުވި އެއްޗެއް ބޭރުން އެއްޗެއް ނުލައި އެއެއްޗަކުން އެއެއްޗެއް ހެދުން (3) ޖުމްލަ އެއްވަރަށް ހުރެގެން އެކިބައި އެކިވަރުކޮށް އެއްޗެހިތަކެއް ހަމަޖައްސައިލުން
އަރިނެގުން
މ (1) ހިނަވާއިރު މައްޔިތާ އަރިޔަށް ޖެހުން (2) އުދުހޭ އެއްޗެހީގެ ފިޔައިގެ ފަތުގެ ކުރީން ތަންކޮޅެއް ބަހައްޓައިފައި ދެން ހުރިބައި ނޮޅައިލުން (3) އެއްފަޅިނެގުން
އަޅައިލުން
މ (1) އެހީވުން (2) ޙާލުބެލުން (3) އޮއްސައިލުން
ލަނޑެއްކޮކާ އަތްޖަހާ" އަކުންބަކުން
ނ ކުޑަކުދިންކުޅޭ ކުޅިވަރެއް. މިކުޅިވަރުކުޅޭގޮތަކީ ބިންމަތީގައި އެއްކުއްޖަކު ހިމަދިގުކޮށް ވެލިފުންޏެއް އެއްކޮށް އޭގެ ތެރޭގައި ކުޑަގައުކޮޅެއް ފަދައެއްޗެއް ވަޅުލަނީއެވެ. މިވަޅުލާނީ ބަންޖެއް ކިޔަމުން އަނެއްކުއްޖާއަށް ފޮރުވައިގެންނެވެ. ދެން އެކުއްޖަކު އޮށް އޮތްކަމަށް ހީވާތާނގައި އަތް ޖަހަނީއެވެ. އަތް ޖަހާއިރު އަތްދަށުގައި އޮށްވެއްޖެނަމަ އެކުއްޖާ މޮޅުވީއެވެ. މިކުޅޭއިރު ކިޔާބަންޖަކީ "އަކުންބަކުންމާލެ ބަކުން އަތްޖެހަތަޅެބަތް ޖަހަތަޅެ
އައްދޭ
އ (1) ޙައިރާންވެގެން ބުނާ ބަހެއް (2) ހީކުރާގޮތާ ޚިލާފުވީމާ އެކަމާ ޙައިރާންވެގެން ބުނެއުޅޭ ބަހެއް
އައްތަވާ
ނ (1) ދަނޑުވަށައިގެން ހިނގޭނޭހެން އަލިކޮށްފައި އޮންނަ މަގުއެތެރޭ ދާރަފަށް (2) ދަނޑާއިވަލާ ދެމެދު ހުސްކޮށްފައި އޮންނަ ހިސާބު މިހެން ހަދަނީ ދަނޑުގައި ހުޅުޖެހީމާ ވަލަށް ހުޅުވަދެދާނެތީއެވެ (3) އިން ދެތަނެއް ނުވަތަ ދެހިސާބުގަނޑެއް ވަކިކުރުމުގެ ތަރަހައްދު
އަވާމެންދުރު
ނ ސަހަރާފަދަ ހާމަޔަށް ހުންނަ ބައެއް ބިމަށް ގަދަޔަށް އަވިދީފައި އޮންނައިރު ފެންނަގޮތެއް މިފެންނާނީ ފެންގަނޑެއްހެންނެވެ ކައިރިވީވީހެން ފެންގަނޑުދުރުވާހެން ހީވާނެއެވެ
އަމުރުމަޢުރޫފު
ނ (1) ކީރިތި ﷲ ނަހީކުރެއްވި ކަންތަކުން މީސްތަކުން މަނާކޮށް އަމުރު ކުރެއްވިކަންތައް ކުރުމަށް މީސްތަކުންނަށް އަންގާ އެންގުން (2) ރަސްކަމުގެ އަމުރުތައް ހިންގަވާ ހިންގެވުން
އަމުދުން
ކއ (1) ގަސްތުގައި (2) އެނގިހުރެގެން (3) އެއްގޮތަކަށްވެސް (4) މުޅީންއަނެކާ ހީކުރާގޮތަށް ނޫންކަން އެންގުމަށްބުނާ ބަހެއް މިސާލު: އެތާހުރީ އަމުދުން މަށެއްނޫނެވެ
އަފުނޯސްކަށި
ނ އެއްކޮޅުގައި ބޮލެއްލައިފައި އަނެއްކޮޅު ތޫނުކޮށް ހަދައިފައި ހުންނަ ކުދި ކައްޓެއް. މިހަދަނީ ލޯ ނުވަތަ ދަގަނޑުފަދަ އެއްޗެހީންނެވެ
އަތުރާހަނޑަސް
ނ (1) އަތްކަންކުރާމީހުން ރަންރިހީގެ ނަރުގެ ކުރެހުން އަޅާއިރު އެނަރު އަތުރާންގެންގުޅޭ ކުޑަ ހަނޑަސް (2) ގަޑިހަދާން ގެންގުޅޭ ޚާއްޞަ ހަނޑަސް
އަތްކަން
ނ (1) ރަންރިހީން ތަކެތިހަދާހެދުން (2) ޖަރީކުރުމުގައި އަޅާކުރެހުން
އަތްކަންކުރުން
މ ރަންރިހީން ތަކެތި ހެދުން