radheef.info
ރަދީފު


އަތްކަން
ނ (1) ރަންރިހީން ތަކެތިހަދާހެދުން
(2) ޖަރީކުރުމުގައި އަޅާކުރެހުން
އަތްކަން
ނ (1) ރަންރިހީން ތަކެތިހަދާހެދުން (2) ޖަރީކުރުމުގައި އަޅާކުރެހުން
ހަނޑަސް
ނ (1) އަތްކަންކުރާމީހުން އެއްޗެތީގައި ހިފާންގެންގުޅޭ ދެފައިކަށިލީ ހަތިޔާރެއް (2) ގިފިލީގައި ހާޖިތަށް ދިއުމަށްޓަކައި ވަކިކޮށްފައިވާތަން (3) ކަކުނީގެ ދާނަ ދަތްގަޑު
ހަވާދު
ނ (1) ރިހަކައްކާއިރުއަޅާ ދިރި ދަވިއްގަނދު ކޮތަނބިރި ފިޔާ ލޮނުމެދު މިރުސް ފަދަ ރިހަޔަށްލާން ބޭނުންކުރާ ބާވަތްތައް (2) އަތްކަންކުރާމީހުން ރަނުގެ ބަޔެއް ގަހަނާގެ ކުރެހުމުގެ ތެރެއަށް އަޅާ ކަޅުކުލައިގެ އެއްޗެއް (3) ފޮނިތޮށި ހަވާދު
ރަންކަރުހަނު
ނ އަތްކަންކުރާ މީހުން ބައްދާ ރަންކަރު ގާނަން ގެންގުޅޭ މުށިގަނޑު
ކާޅުތުން
ނ (1) ތިލޭރު އަތްކަން ކުރާމީހުންދުން ކިބަލަށް ފެންޖަހާން ގެންގުޅޭ އެއްޗެއް މިހުންނަނީ ދިގު އޮޑި ހަނެއްގެ ސިފައިގައި ލޮއިން ހަދައިފައެވެ (2) ފުކެއްލައިގެން ތެޔޮ އަޅައިގެން ދިއްލާން އިހުގައި ގެންގުޅުނު ބައްތިއެއް މިހުންނަނީ ދިގު އޮޑިހަނެއްގެ ސިފައިގައެވެ ހަދައިފައި ހުންނަނީ ލޮއިންނެވެ
ކިރުނު
ނ އަތްކަންކުރާ މީހުނާއި ދަގަނޑުތަޅާ މީހުން ތަޅާ އެތިގަނޑު ތަޅަން ބާއްވާ ދަގަނޑުގަނޑު މީގެ ތެރެއިން އަތްކަން ކުރާ މީހުން ބޭނުންކުރާ ކިރުނު ހަދައިފައި ހުންނަނީ ހަތަރު އަރިޔަށް ހަތަރު ފަސް އިންޗީގެ އުސްމިނުގައި އޮންނަ ލަކުޑި ގަނޑެއްގެ މެދަށް ދަގަނޑުބުރިޔެއް ޖަހައިގެންނެވެ
ކުނޑިކަށި
ނ އަތްކަންކުރާ މީހުން ރަންރިހި ބައްދާ ކުނޑި ނަގާން ގެންގުޅޭ ކަށި
ކުނޑިތަށި
ނ އަތްކަންކުރާމީހުން ބައްދާކުނޑި އަޅާފައި ހުންނަ ތަށި
ކުނޑިޖެހުން
މ (1) އަތްކަންކުރާމީހުން ވިރިކެކޭ އެއްޗެހި ބައްދާއިރު އެބައްދަންވީތަނެއްގައި އެކަމަށް ތައްޔާރުކޮށްފައިހުންނަ ކުނޑީގެ އެތިކޮޅެއް ތަތްކޮށްލުން (2) ނީ ހަނޑުލާއި ބުރިހަނޑޫ ވަކިނުކޮށް ކުނޑިތައްދާވަރަށް ކިރިޔަ ކިރިޔާ ހަނޑޫ ފޮޅުން (3) ސ މޫނުގައި ފުށްޖެހުން
ކުނިހުދު
ނ އަތްކަން ކުރާ މީހުން އެއްފަށުން މަހަމުން ފަށް ގަތާގެތުމެއް
އަތުރާހަނޑަސް
ނ (1) އަތްކަންކުރާމީހުން ރަންރިހީގެ ނަރުގެ ކުރެހުން އަޅާއިރު އެނަރު އަތުރާންގެންގުޅޭ ކުޑަ ހަނޑަސް (2) ގަޑިހަދާން ގެންގުޅޭ ޚާއްޞަ ހަނޑަސް
އަތުރާކުރެހުން
ނ އަތްކަންކުރާމީހުން ނަރުއަތުރައިގެން ކުރަހާ ކުރެހުން
އަތްތެރިމަސައްކަތް
ނ (1) އަތްކަންކުރުން (2) ކަސީދާކުރުން ފަދަ މަސައްކަތް (3) ކަވި މަސައްކަތް
އެތުރުން
މ (1) އެއްޗެހިތަކެއް ތަރުތީބުކޮށް ބެހެއްޓުން. (2) ރަނުން އަތްކަން އެޅުން. ރ. އެތުރި ނނކ އަތުރައިފި ނކ އަތުރަނީ ވވ އަތުރާނެ ވނ އަތުރާ އމ
މީށި
ނ )ޏ.( އަތްކަންކުރަން އުޅޭ މީހުން ރަން ރިހިތަޅަން ގެންގުޅޭ އެތި
މުށި
ނ (1) ރަތްކުލައާއި އަޅިކުލައާ އެއްވީމާ ނިކުންނަ ކުލަތައް (2) އަތްކަންކުރާ މީހުން ރަންރިހިތަޅަން ގެންގުޅޭއެތި (3) ބިންމަތީގައި ގޮޅި ގޮޅިއަށް ރޮނގު )މުށިގެ( އަޅައިގެން ކުޑަކުދިން ކުޅޭ ކުޅިވަރެއް (4) ތަވައާއި ފުފޭފަދަ އެއްޗެހި ހެދުމަށް ކޯރު ކިސަޑުން ހަދާއެއްޗެއް (5) ގަސްއިންދުމަށް ހަދައިފައި ހުންނަ އެއްޗެހި (6) އެއްޗެހި ދޮންނަން ހަދައިފައި ހުންނަ މުށިގަނޑު
ފުށަހި
ނ އަތްކަން ކުރާމީހުން ތައްގަނޑަކަށް އަޅައިގެން ގޮށެއްގެ ސިފައިގައި ހަދާ އެއްޗެއް. މިނަމޫނާއަށް އަނގޮޓިއާއި ގަމީހުގެ އަތުކުރީގައިލާ ގޮށްފަދަ އެއްޗެހި ހަދައެވެ
ދަގެހި
ނ )ބދ ( އަތްކަންކުރާއިރު ގެންގުޅޭ އެންމެ ބޮޑުމުށި
ތިލަފިހި
ނ (1) އަތްކަންކުރާތަން (2) އަތްކަންކުރާ އާލަތްތައް އަޅާފޮށި
ތިލަފިހިގެ
ނ (1) ތިލަފިހީގެ މަސައްކަތްކުރާގެ (2) ތިލޭރު އަތްކަންކުރަން އިންނަގެ
ތިލޭރުން
ނ އަތްކަން ކުރާމީހާ