radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ކަފިކޮޅު
ނ ނަކަތްތެރިން އިރުވަރު ބަލަން ބޭނުންކުރާ މިންގަނޑެއް މިއީ ޑަބްލިޔޫ އަކުރެއް ހެންހުންނަ ކުރެހުމެކެވެ މިއިން ބަލަނީ އަރަމުންދާނަކަތްތަކާއި ފައިބަމުން ދާނަކަތްތަކެވެ
ކަފިފޮތި
ނ އޮޑިދޯނިފަހަރުގެ ފިލާގަނޑު ކަތްޕަށް ކަނޑައިފައި އޮންނަފޮތި ނުވަތަ ފިލާ
ކަފުއޮޑި
ނ ކަލާސީން ދަތުރުކުރާން އަތޮޅު އަތޮޅުން ގެންނައޮޑިއެއް. މިއީ ވާރު ނެގި ޒަމާނުގައި ވާރުގެ ތެރެއިން ހިމެނިގެންވާ އެއްޗެކެވެ
ކަފުލޯއަޑު
ނ (1) ކަފުލޯގަނޑެއްގައި ޖަހައިލީމާ ނުކުންނައަޑު. (2) ހިމަ ރީތި ތޫނު އަޑު
ކަފުޖެހުން
މ (1) ކުރީގައި އޮތް އުޅަދެއްގެ ބާރުގައި އެހެން އެއްޗެއް ގެންދިއުމަށްޓަކައި އެއުޅަނދުގެ ފަހަތުގައި އެއެއްޗެއް ގުޅައިލުން (2) މަޖާޒު: ދާއިމީ ގޮތެއްގައި މީހެއްގެ ފަހަތުން ހިނގުނު
ކަފޭރާ
ނ (1) ކުކުޅުހައު އެއްތަނުން އަނެއްތަނަށް ގެންދާންލާކޮށި (2) ތަށިސަމުސާ ފަދަތަކެތި ލުމަށް ހުންނަ އަލަމާރިބައި
ކަދަޅާ
ނ ފިރިހެނުންނާ އެޅޭ އަންހެންދުޅާ މީހުންނާ ދިމާޔަށް މަލާމާތުގެ ގޮތުން ނުވަތަ ދެރަކޮށްލުމުގެ ގޮތުން ބުނާ ނިކަމެތި ބަހެއް
ކަދާމާލި
ނ ކުޅުދުއްފުށީގައި "ދަމުހިނގުމޭ" ކިޔާކުޅިވަރުގައި ބައިވެރިވާނަށާ މީހުން. މިމީހުންތިބޭނީ "މާލިހެދުމޭ" ކިޔާ ހެދުންއަޅާފައެވެ. މިއިން ކޮންމެ މާއްޔެއްގެ އަތުގައި ކަދާމައްޗަކާއި ލޯ ކައްޓަކާ އޮންނާނެއެވެ. އެމީހުން ނަށާއިރު އެކަށީން މަތިގަނޑުގައި ލަވަހަމަކޮށް ޖަހާނެއެވެ. މާލިތައްތިބޭނީ ފޭލިއަނދެފައި ކަކުލައިހަމަޔަށް ހުންނަވަރުގެ އަތްދިގު ހުދުލިބާހެއްލައިފައި އުނަގަނޑުމަތީ ތެޔޮރުމާލެއް ބަނދެލާފައެވެ. އަދިއުނަގަނޑާ ހަމަޔަށް އެލިފައިއޮންނަވަރުގެ ހުދުފޮށައެއް ބޮލުގައި އަޅުވައި އޭގެމަތިން ރަތްރުމާލެއް )ކަނުންކަނަށް ފަތްޖަހާފައި( ކަނދުރާމަތިން ގެނެސް ކަރުގައި ބައްދާފައި އޮންނާނެ އެވެ
ކަދުރު
ނ އެތެރޭގައި ހަރުއޮށެއް އޮންނަ ފޮނިމޭވާއެއް އަޅަނީ ރުކެއްގައެވެ މި ރުއް ގިނައިން ހެދެނީ ހިކިހޫނު ބިންބިމުގައެވެ
ކަތި
ނއ (1) ސީދާނޫން ނ (2) ކަތިކަނި (3) ކަތިމެއްލަ (4) ރަހަޔަށް ނުވަތަ ރަހަޔަށްނުވާ (5) އަރިއަޅާލާއިފައި ހުންނައެއްޗެއް ވެއްޓުނަނުދޭން ވިއްދާއެތި
ކަތިރިޔާ
ނ އެއްކަނަށް ދިގުކޮށް ތިންކަނަށް ހުންނަރިޔާ ފަރުމާނުގައި ހަރުކުރަނީ މީގެއެންމެދިގު ކައިރިއެވެ
ކަތިކަނި
ނ އަރިވިޔަ ނުދިނުމަށްޓަކައި އެއް ތޮނައިން އަނެއް ތޮނަޔަށް ކައްޗަށް ވިދެފައި ހުންނަ ފަތިގަނޑު
ކަތިލުން
މ (1) ތޫނުއެއްޗަކުން ވައިނޮޅި ބުރިކޮށްލުން (2) މަޖާޒު: އެލަންގަލަން ކުޅޭ ކުދިންކުރެ އިލޮށި ހިފައިގެން ހުންނަ ކުއްޖާ އެހެން ކުއްޖެއްގެ ގައިގައި އިލޮށި ޖެއްސުން
ކަތިލޮލުންބެލުން
މ ހަމަލޮލުން ނުބަލާންވެގެން ނުސީދާކޮށް ބެލުން
ކަތީބުފޮށާ
ނ (1) ޚުތުބާކިޔާންވީމާ މަކަނަޔަށް އަޅައިއުޅުނު ފޮށާ (2) ރިދާ
ކަތުރާން
ނ ވަކިބާވަތެއްގެ ގަސްގަހުންނަގާ ކަޅުކުލައިގެ އޮލަތެލެއް. ކަތުރާންހަދަނީ މިތެޔޮ މަޑުގިނީގައި ކައްކައިގެންނެވެ. މިއި މީރުވަހެއްދުވާ ކަޅުކުލަ ގަދަ ހަރު އެއްޗެކެވެ ދިވެހީން ޢާއްމުކޮށް މިބޭނުންކުރަނީ ރޯގާ މޮޅުއިރު ދުންއަޅާށާއި ދެލަކުޑިގަނޑު ތަތްކުރާށެވެ
ކަތުރު
ނ ދެފައިކަށިލީ ތޫނު ހަތިޔާރެއް މިއީ ބައެއްތަކެތި ކޮށާށާއި ކަފަން ގެންގުޅޭ އެއްޗެކެވެ މީގެ ތަފާތު ބާވައްތައް ހުރެއެވެ
ކަތުރުމަސް
ނ ކަނޑުގައިއުޅޭ ބިޔަމަހެއް މިމަހުގެ ތުންގަޑުދިގުވެފައި ފަތިވާނެއެވެ ތުންގަޑުވައްތަރުވާނީ ހިބަރުގެ ތުނބާއެވެ މިމަހުގެ ތުންގަޑުގައިޖެހުނު ކޮންމެއެއްޗެއް ބުރިކޮށްލާނެއެވެ
ކަލަ
ނ (1) ޒަމާން. މިސާލު: މިކަލަކަށް އައިސް. (2) ތިމާ އަނެކަކަށް ކޮށްދީފައި ހުންނަ ހެޔޮކަންތަކުގެ ވާހަކަ ހިތާނުވެގެން އެމީހާއަށް އިއްވާން ދައްކާ ދެއްކުން (3) )ސ ( ފަހަރު
ކަލަރު
ނ (1) އަންހެނުންގެ ބޮނބިފަޅިމައްޗާއި ކަރުވަޅު ނިވައި ކުރާންލައި ގިރުވާނު އަޅައިފައި ހުންނަ ކޮނޑުކެނޑިއެއް މިކޮނޑުކެނޑި އަންހެނުން ލައި އުޅެނީ ބޯވަޅުއެޅި ލިބާހާ އެކުގައެވެ (2) އަންހެނުންގެ ބޯވަޅު އެޅިލިބާހުގައި އަޅަން ވަކިން ހަދައިފައި ހުންނަ ގިރުވާނު