radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ވަރިންމަ
ނ (1) އުތުރާއި ހުޅަނގާ ބެދުނުކަން (2) ގަލްބު އަސްތަމާނު (3) ވަރުވާ ކަން
ވަރިބޯވުން
މ ތޮށި ނުވަތަ ނާށި ހުންނަ ބައެއް ކާތަކެތީގެ ކާތަން ބޯވުން
ވަރިއަށްގޮވުން
މ ކާވެނީގެ ގުޅުން ކަނޑައިދިނުމަށް އެދި އަބިމީހާ ތަކުރާރުކޮށް ފިރިމީހާ ކިބައިން އެދުން
ވަރިފަށަށްއެރުން
މ ދެމަފިރިއެއްގެ ދެމެދުގައި ހަމަނުޖެހުން އުފެދިގެން ވަރިކުރަންޖެހޭ ހިސާބަށް ދިއުން
ވަރިފަރީގު
ނ ދެމަފިރިއަކު ދުރުކުރުވުމަށް ނުވަތަ ވަރިކުރުވުމަށް ހަދާއުޅޭ ބާވަތުގެ ފަންޑިތައަށް ބޭނުންކުރާ ބަންޖެއް
ވަރިޔާއަޅުވާބުނުން
މ (1) ތިމާގެ އަނބިމީހާ ވަކިކަމެއް ކޮށްފިނަމަ ނުވަތަ ނުކޮށްފިނަމަ އަނތްބެއް ނޫނޭ ބުނުން. މިސާލު: އަހަންނާއެކީ އުޅެން އަހަރެންގެ ގެޔަށް ނުދިޔައްޔާ ތިޔައީ އަހަރެންގެ އަނތްބެއް ނޫނޭ ބުނުން. (2) ފިރިމީހާ ތިމާގެ އަނބިމީހާ ގާތު ތިމަންނާ ވަކިކަމެއް ކޮށްފިނަމަ ނުވަތަ ނުކޮށްފިނަމަ އަންބެއް ނޫނޭ ބުނުން
ވަރު
ނ (1) މިންވަރު (2) ދަރަޖަ (3) ހަކަތަ (4) ބާރު (5) ބައެއް (6) ހަވަރުގެ ބައެއް (7) އެއްޗަކުން ޖަހައިގެން ނުވަތަ އެއްޗެއްގައި ޖެހި ފިތިގެން ހަށިގަނޑުގެ ތާކުން ފެންނަން ހުންނަ ނިޝާން (8) ފަންތޮށިން ނަގާ ފަތި
ވަރުހަނގު
ނ ކުރީޒަމާނުގައި ދައުލަތުން ދެއްވި އޮޅިމެދުކަމުގެ ނަން މިމީހުން ތިބެނީ ތިންގެއަކަށެވެ. އެއީ ދޮށިމޭނާގެ ވެލާނާގެ ހަކުރާގެ މިތިންގެއެވެ އެއީ އެތިން ބޮޑުބޭކަލުންގެ ވެރިކަމުގެ ދަށުގައިވާ ބައެކެވެ
ވަރުނީސްފޮތި
ނ ފެން ނުފޭދޭނެހެން އެއްފުށުގައި ވަރުނީސްފަދަ އެއްޗެއްލައިފައި ހުންނަ ފޮތި
ވަރުނުލާރާޅު
ނ މެދުނުކެނޑި ނަގާ ރާޅު
ވަރުނުލާރާޅުގަނޑު
ނ (1) މެދުނުކެނޑި ނަގާރާޅު (2) މެދުކެނޑުމެއްނެތި ނަގަނަގައި އޮންނަ ރާޅުތައް ޢާއްމުކޮށް މިބަސް ބޭނުންކޮށް އުޅެނީ މާލޭ ލޮނުޒިޔާރަތް ކޮޅުގައި އޮންނަ ރާޅުގަނޑަށެވެ
ވަރުނެގުން
މ އެއްޗަކުން ޖެހިގެން ނުވަތަ އެއްޗެއްގައި ޖެހިފިތިގެން ހަށިގަނޑުގެތާކު އެކަމުގެ ނިޝާން އުފުލިފައި ހުރުން
ވަރުންއެޅުން
މ (1) ދެއެއްޗެއް ނުވަތަ އެއަށްވުރެ ގިނަ އެއްޗިހިތަކެއްގެ މޮޅުދެރަ ނުވަތަ ގިނަ މަދުމިނުން ނުވަތަ ދިގު ކުރުމިނުން ނުވަތަ ބޮޑު ކުޑަ މިނުން އަޅައިބެލުން. (2) ބައިބެހުމަށްޓަކައި ބަޔަކު މޮޅުދެރަ ނުވަތަ ދިގު ކުރުމިނުން ހަމަ ހަމަ ވާގޮތަށް ބައިތިއްބުން
ވަރުބެލުން
މ (1) އެއްޗެއްގައި ހުރިގޮތް ބެލުން (2) މިންވަރު ބެލުން (3) ޢިމްތިޙާނު ކުރުން (4) ޢަދަދު ބެލުން (5) ހަކަތަބެލުން (6) ބާރުބެލުން (7) ދެރާޅުދޭތެރޭ ވަރުލާ ވަގުތު ބެލުން
ވަރުބޭލުން
މ މަޖާޒު: (1) ބާރުނެއްތައިލުން. (2) އަންނަ ރުޅިގަނޑު މީހަކަށް ނުވަތަ އެއްޗަކަށް ފިލުވައިލުން
ވަރުކަނދު
ނ (1) އެތެރޭގައި އާރުނުލައި ހެދޭ ވައްތަރެއްގެ ގަހެއް މީގެ ލަކުޑި ހުންނާނީ މަސްކަނދާ ދާދި އެއްގޮތަށެވެ (2) މިގަހުގެ ލަކުޑި މިއީ ފެނުބާރު ވަރަށްގަދަ ލަކުޑިއެކެވެ
ވަރުކުރުން
މ (1) ހެޔޮވަރު ކުރުން. (2) މެޓާ ހަލުވާފަދަ ތަކެތި ހިލާއިރު ނުބައި ނުވާ ވަރަށް ރޯފިލުވައި ކެއްކުން )މިތަކެތި އޭގެ ވަޒަނަށް ހިލުން( (3) ސަރުބަތު ރާފޮނި ފަދަ ތަކެތި އޭގެ ވަޒަނަށް ކެއްކުން (4) )ސ ( ތެލުލައިފައި ހުންނަ ތަކެތީގައި ހަކުރުލުން
ވަރުއައުން
މ އެއްޗެއްގައި ހުންނާންވީ ފުރިހަމަގޮތް އައުން މިބަސް ގިނައިން ބޭނުންކުރަނީ ދިޔާ ނުވަތަ އޮލަ އެއްޗިއްސާ މެދުގައެވެ
ވަރުއެރުން
މ (1) މަޖާޒު: ހުންނަންވީވަރަށްވުރެ ހޫނުގަދަވެގަތުން (2) ޖޯޝްއައުން (3) ފޯރިގަދަވެގަތުން (4) މޭވާ ފަދަ ތަކެތި އެންމެ ބޮޑަށް ފައްކާވުން (5) އަލިފާނުގެ ހުޅުގަނޑު ބޮޑުވުން (6) ޒަކަރަށް ބާރުއެރުން
ވަރުއޮޑު
ނ ކަމެއްގެ ނުވަތަ އެއްޗެއްގެ ތަފްޞީލު