radheef.info
ރަދީފު


ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ކަލަމިދިވުން
މ ދެމަތިފުށް ރަސްމަތިކޮޅުން އައުން
ކަލާނގެރަސްކަންފުޅު
ނ މާތްރަސްކަލާނގެ ޒާތުފުޅު
ކަލާސީ
ނ (1) ފުރާދުއްވާ އެއްޗެހީގެ ފަޅުވެރިން. (2) ބޮޑު ހަނޑުލާއި ބަނޑު ހަނޑޫ ގޭގެޔަށް ގެންގޮސް ދިނުމާއި އަދި މިނޫންވެސް ކިތައްމެކަމެއް ކުރާން ތިބޭ ރަސްމީ ބަޔެއް މިއީ ރަނަހަމައިދި ބޭކަލެއްގެ ދަށުގައިވާ އަށްގުރާބުގެ ފަޅުވެރިނެވެ
ކަޑައްތު
ނ ދޭތެރެއެއް ހުރަސްކޮށް ދާދިއުން
ކަޑައްތުކުރުން
މ ހުރަސްކޮށް ދިއުން
ކަޑައްތުވުން
މ ހުރަސްކޮށް ދެވުން
ކާލި
ނ (1) އެކިއެކި ބޭނުމުގައި ހުރަސްކޮށް ބަނދެފައި އޮންނަ ދެގަނޑެތި. މިސާލު: )ހ( އުއި ވަށާ ކާލި. )ށ( ވާ އަޅާން އުޅި އަނބުރާ ކާލި. (2) ރާރުކާއި ބިލެތް ކަނޑާހަރުފަދަ އެއްޗެހީގައި ބަންނަ ގަޅި (3) )ހ( ފޮތްގޮނޑި (4) ކޭލި
ކިބާ
ނ (1) ދުންކިބާ. (2) ތިލޭރުންގެ އުނދުން. (3) ގަނޑުވަރުތެރެ ބައިކޮށްފައި އޮންނަގޮތުން ރަސްގެފާނު އުޅުއްވާ ބަޔަށާއި ބޭފުޅުން އުޅުއްވާ ބަޔަށް ކިޔާފައި އޮންނަ ނަމެއް. މިސާލު: ބޮޑުކިބާ ކުޑަކިބާ
ކިއެވެނީން
ނ އިހުގައި ރަސްމީ ކިޔެވުންތައް ކިޔަވާން ދައުލަތުގެ ފަރާތުން އުޖޫރަދެއްވައިފައި ތިބިމީހުން
ކިއްލާ
ނ (1) ރަށް ދިފާޢުކުރާ ސިފައިން ތިބޭން ހަދައިފައި ހުންނަ ބޮޑެތި ބުރުޒު (2) ރަސްކަމުގެ ކޮއިލު
ކިމެރު
ނ ހަތަރު މަތިފުށް ކަލަމިދި ރަސްދަރިކަލުން
ކިލަވަތި
ނ ރަސްކަމުގެ ތެރޭ ބޭފުޅުންގެ އަނބިއަނބި ކަނބަލުން މިސާލު: އެއީ ކިލަވަތި ކަނބަލެކެވެ
ކިޔެވެނި
ނ (1) ރަސްމީ ކިޔެވުންތައް ކިޔަވާން ދައުލަތުން ލައްވައިފައިވާ ޖަމާޢަތުގެ މީހެއް (2) )ރ ( ގިއުޅުފާޑަށް ހުންނަ ކަޅުކުލައިގެ މަހެއް
ކުރަހާބޭކަލުން
ނ ރަސްމީ ކުރެހުންތައް ކުރަހާން ދައުލަތުގެ ފަރާތުން އުޖޫރަ ދެއްވައިފައި ތިބޭމީހުން
ކުރިކެނޑުން
މ ކުރިމަތިން ހުރަސްކޮށް ދިއުން
ކުރިޖެހިބަތް
ނ ޅަކޮށް ކައްކައިގެން ކެޔޮފަތު ހޮޅިޔަށް އަޅައިފައި ހުންނަ ބޮނޑިބަތް. މިހޮޅީގެ ދެކޮޅު ފަތްގަނޑު ހުންނާނީ ބޮނޑިބަތް ރޯލުގެ ކޮޅަށް ވައްދާ ލައިފައެވެ. މީގައި ހުންނާނީ އަށެއް ނުވައެއް އިންޗީގެ ދިގުމިނެވެ. ފަލަ މިނަކީ މެދުމިނު މީހެއްގެ އަތުކުރީގެ ފަލަމިނެވެ. މިއީ އޮލީފަދަ ރަސްމީ ކަންތަކުގައްޔާއި ރަށްރަށުގެ މައުލޫދުގައި ޅެންކިޔާ މީހުންނަށް ހުންނަ ބަތެކެވެ
ކުރުނބާފުޅާދިއުން
މ ދޮށުން ތިބި ޒަމާނުގައި ރަމަޞާންމަހު ކޮންމެ ދުވަހަކު ހަވީރު ގަނޑު ވަރުތެރޭގެ ބޭފުޅުން ތިއްބަވާ ތަންތަނަށް ކުރުނބާފުޅު ހިފައިގެން އެމީހުން ރަސްމީ ހެދުމުގައި ދިއުން މިއީ ދައުލަތުގެ ފަރާތުން އެ ބޭފުޅުންނަށް ކަނޑައަޅައިފައިވާ ކަންތަކުގެ ތެރެއިންކަމެކެވެ
ކުޅަދުންވަންތަ
ނއ ކުޅަދާނަ މިބަސްބުނެއުޅެނީ ހަމައެކަނި މާތްކަލާނގެ ރަސްކަންފުޅަށް ނިސްބަތްކޮށެވެ
ކުޅަދުންވަންތަކަން
ނއނ ކުޅަދާނަކަން މިބަސްބުނެއުޅެނީ ހަމައެކަނި މާތްކަލާނގެ ރަސްކަންފުޅަށް ނިސްބަތްކޮށެވެ
ކުޅި ހުއްޓުން
މ ސަމާގައި ޖަހާކުޅި ރަސްމީގޮތުން ނިންމުން