radheef.info
ރަދީފު


ލާ
ނ (1) ފާލީސް ތައްޔާރު ކުރުމަށާއި ލަކުޑީގެ ބައެއް ތަކެތީގެ ބޭރުގައި ޖެހުމަށާއި ހަނުތެޅުމަށާއި ބައެއް ތަކެތި ބަންދު ކޮށްފައި އެޅުމަށް ބޭނުންކުރާ އެއްޗެއް މީގެ ދެތިން ވައްތަރެއް ހުރެއެވެ (2) ބަޑީލާ (3) ލުން މިބަހުގެ އަމުރު
ހަށަވާލި
ނ ވާލި އާއިލާގެ ފަރުމަހެއް މިމަސް އެހެނިހެން ވާއްޔަށްވުރެ ދިގުވާނެއެވެ މިވާލީގެ ބުރަކަށި މަތީ އެއްވަރަކަށް ހުންނަ ކަށިތަކެއް ހުންނާނެއެވެ މަހުގެ ކުލައަކީ ރިހިއަޅި ކުލައެވެ މަހުގެ އަރިމަތީގައި ދެބަރިއަކަށް ހުންނަ ކަޅު ލައްތަކެއް ހުރެއެވެ
ހަށިފޮޅައިލުން
މ (1) ދޫނިސޫފާސޫފީގެ ގައިގައި ހުންނަފެން ނުވަތަ ހިރަފުސް ފޮޅައިލުމަށް އެސޮރުމެންގެ ހަށިގަނޑަށް ހަރަކާތްގެނައުން (2) ތިމާގެ ގައިގައި މީހަކު ނުވަތަ ދިރޭއެއްޗެއް ބައްދައިފައި އޮތް ބެއްދުމެއް ނައްޓައިލުމަށް ޙަރަކާތްކުރުން (3) މަޖާޒު: ކުރިމަތިވެފައިވާ ދަތިތަކަކުން ސަލާމަތްވެގަތުން
ހަށިގަނޑު
ނ (1) އިންސާނުންނާއި ޙަޢިވާނުންގެ ބޮލާއި ހަތަރެސްފައި ނޫންހައިތަން (2) މުޅިއިންސާނާ ނުވަތަ މުޅި ޙައިވާނާ
ހަނދާން
ނ (1) ވެދިޔަކަމެއް ނުވަތަ ދަސްކުރި އެއްޗެއް ހިތުގައި ހަރުލާ ހުރުމުގެ ބާރު (2) ކަމެއް ނުވަތަ އެއްޗެއް ހިތަށްގެނައުމުގެ ބާރު
ހަނދުވަންހަ
ނ އުތުރު އިންޑިޔާގައި ރަސްކަންކުރި ޢާއިލާއެއްގެ ނަން ރާއްޖެއިސްލާންވީ އިރު ރާއްޖޭގެ ތަޚުތުގައި އިންނެވީ މިދަރިކޮޅުގެ ބޭފުޅެކެވެ ދިވެހީން މިދަރިކޮޅަށް "ތީމުގޭ ދަރިކޮޅު" އަދި "މަލެއި" ދަރިކޮޅު މިހެންވެސް ކިޔައެވެ
ހަނދުވަރީގަސް
ނ (1) ހުނިގޮނޑި ފިލާގަހުގެ ފަތްހުންނަގޮތަށް ފަތް ހުންނަގަހެއް މިގަސް ހެދެނީ ހީނާގަސް ހެދޭގޮތަށެވެ (2) ހަނދުވަރީމާ އަޅާގަސް
ހަނގުރާމަ
ނ (1) ހަތިޔާރު ހިފައިގެން ނުވަތަ ހަތިޔާރު ބޭނުންކޮށްގެން އެއްބަޔަކު އަނެއްބަޔަކާ ތަޅައިމެރުން މިބަސް އާންމުކޮށް ބޭނުންކުރަނީ އެއްޤައުމު އަނެއް ޤައުމާ ދެމެދު ހިނގާ މިފަދަ ޙަމަލާތަކަށެވެ (2) މިސައިލާއި ރޮކެޓް ބޭނުންކޮށްގެން އެއްޤައުމު އަނެއް ޤައުމާ ކުރާ ހަނގުރާމަ
ހަނޑަސްތުންވުން
(1) "ހަނޑަސްތުން" ބަލާ! (2) މަޖާޒު: ނުގަބޫލުވެގެން އަނގައިން ނުބުނުން
ހަނޑުކަނޑާލަވަ
ނ ދަނޑި ބެރުގެ އަރުވައިބާލާ ލަވަތަކުގެ ތެރެއިން ލަވައެއް
ހަނޑޫފޮޅުން
މ ބަތްޕޮޅިއަކަށް އަޅައިގެން ހަނޑުލުގެ ކުނޑިއާއި ނިޔާއި ބުރި ހަނޑުލާއި މޫހަނޑޫލާ ވަކިވާގޮތް ހެދުން
ހަނާހުނިކުރުން
މ ހަލާކުކޮށް ނެތްތައިލުން
ހަނު
ނ (1) ވަޅި އާއި ފުރޯ ފަދަ ތަކެތި ތޫނު ކުރާން ކުރަނދާއި ލާއިން ވަށްބުރަކަށް ހަދައިގެން ގެންގުޅޭ އެއްޗެއް (2) ވަޅި ފުރޯފަދަ ތަކެތި ތޫނުކުރާން ގެންގުޅޭ އާލަތެއް (3) )ކއ ( މަޑުން (4) )ނއ ( ހިމޭން
)އަމިއްލައަމިއްލައަށް އުޅޭ އުޅުން( ހަނުކިޔާލަވަ
ނ (1) ހަނުލާއިރު އެއިވޭ އަޑު (2) މަޖާޒު: ޖަމާޢަތެއްގެ ބަޔަކު ހިތްހިތަކަށް އުޅޭއުޅުން
ހަނުކުނޑި
ނ ހަނުލާއިރު ނެގޭ ކުނޑި
ހަނުތެޅުން
މ (1) ހަނުހެދުން. (2) ލާޔާއި ކުރަނދާއެއްކޮށް ތަޅައި ހަނުގެ ހިލަ ބުރުގަނޑު ތައްޔާރުކުރުން
ހަނުގާގަނޑު
ނ ހަނުލާއިރު ހަނުގައި ޖައްސާ ގާ ގަނޑު
ހަނޮ
ނ (ޏ.ސ.) ހަނު މިބަހުގެ 1 ، 2 ގެ މާނަބަލާ!
ހަން
ނ (1) އިންސާނުންނާއި ދިރޭއެއްޗެހީގެ ހަށިގަނޑުގެ ބޭރުދުލި (2) ބިރުވެރިކަމެއް ޖެހިގެން އެހީޔަކަށްއެދި ކައިރީގައިވާ ރަށަކަށް ނުވަތަ ކަނޑުމަތިން ދާބަޔަކަށް އަންގާން އުފުލާއެތި (3) ޢާއްމުކޮށް ދިޔާއެއްޗެހި އަޅަން ޕްލާސްޓިކާއި ރަބަރު ފަދަ ތަކެތީން ހަދައިފައި ހުންނަ ކަންވާރު (4) އެއްގަމުގައި ދުއްވާ ތަކެތީގެ ފުރޮޅުގެ އެތެރެ ރަބަރާއި ބޭރު ރަބަރު (5) ބޯޅަ ފިޔަވައި ވައިޖަހައިގެން ފުފޭގޮތަށް ހަދައިފައި ހުންނަ އެއްޗެހި (6) ބެރުގެ ދެކޮޅުގައި އަޅައިފައި ހުންނަ އެއްޗެހި (7) ހުރަސް
ހަންމާލާ
ނ މޫދުގައި ވެލިއުފުލާން ގެންގުޅޭ ހަތަރެސްކަން އެއްޗެއް
ހަންމުށި
ނ (1) ދިރޭ އެއްޗެހީގައި ތަޅާން ގެންގުޅޭ އާލާތް. މިއޮންނަނީ ލަޓިގަނޑެއް ނުވަތަ ބޮންތިއެއްގެ ކުރީކޮޅުގައި ނަނުފަށެއް ބައްދައިފައެވެ ނޫނީ ބޮންތީގެ ކޮޅު ހިމަކުރަމުންގޮސް ނަނުގަނޑެއްހެން ހަދައިފައެވެ (2) މީހުންނަށް އަދަބުދޭން ގެންގުޅޭ އެތި